ថ្ងៃ អាទិត្យ ទី ០៣ ខែ កក្កដា ឆ្នាំ ២០២២

ម្ចាស់​រថយន្ត​ទំនើប​ពាក់​ស្លាក​លេខ​ប្រភេទ​នេះ​ហើយ​ ដែល​បំបាក់មុខ​បុរស​ខ្លាំង​ពេញទំហឹង​

​មាត្រា​៥​ និង​មាត្រា​៦​ នៃ​អនុក្រឹត្យ​របស់​រាជរដ្ឋាភិបាល​លេខ​៧៧​អន​ក្រ​.​បក​ ចុះ​ថ្ងៃ​ទី​២៨​ ខែវិច្ឆិកា​ ឆ្នាំ​២០០៣​ ស្តី​ពី​ការ​ចេញ​ស្លាក​លេខ​សម្គាល់​យានជំនិះ​ ចុះហត្ថលេខា​ដោយ​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ ជា​ប្រមុខ​រាជរដ្ឋាភិបាល​ ដែល​ឋិត​នៅ​ជា​ធរមាន​អនុវត្តន៍​នោះ​ បាន​ចែង​ថា​ "​ម្ចាស់​គ្រប់គ្រង​ និង​ម្ចាស់​កម្មសិទ្ធិ​យានយន្ត​ត្រូវ​បាន​ចែក​ចេញ​ជា​៨​ក្រុម​ រួម​មាន​ ៖​ ក្រុម​ទី​១​ ៖​ ម្ចាស់​គ្រប់គ្រង​យានយន្ត​ជា​របស់​ព្រះ​បរមរាជវាំង​ ។​ ក្រុម​ទី​២​ ៖​ ម្ចាស់​គ្រប់គ្រង​យានយន្ត​ជា​របស់​ក្រសួង​ ស្ថាប័នរដ្ឋ​ សហគ្រាស​សាធារណៈ​ និង​អង្គភាព​ស្វ័​យា​ភិ​បាល​សេដ្ឋកិច្ច​ ។​ ក្រុម​ទី​៣​ ៖​ ម្ចាស់​គ្រប់គ្រង​យានយន្ត​ជា​របស់​ក្រសួងការពារជាតិ​ ប្រើប្រាស់​សម្រាប់​នៅ​សមរភូមិ​ និង​ការងារ​ការពារ​ជាតិ​ ។​ ក្រុម​ទី​៤​ ៖​ ម្ចាស់​គ្រប់គ្រង​យានយន្ត​ជា​របស់​ក្រសួងមហាផ្ទៃ​ ប្រើប្រាស់​សម្រាប់​ការងារ​សន្តិសុខ​ ឬ​សណ្តាប់ធ្នាប់​សង្គម​ ។​ ក្រុម​ទី​៥​ ៖​ ម្ចាស់​គ្រប់គ្រង​យានយន្ត​ជា​របស់​គណៈកម្មាធិការ​ជាតិ​រៀបចំ​ការ​បោះ​ឆ្នោត​ ដែល​ជា​ស្ថាប័ន​ឯករាជ្យ​ ។​ ក្រុម​ទី​៦​ ៖​ ម្ចាស់​កម្មសិទ្ធិ​យានយន្ត​ជា​របស់​ស្ថានទូត​ អង្គការសហប្រជាជាតិ​ អង្គការ​អន្តរជាតិ​ និង​អង្គការក្រៅរដ្ឋាភិបាល​បរទេស​ ។​ ក្រុម​ទី​៧​ ៖​ ម្ចាស់​កម្មសិទ្ធិ​យានយន្ត​ជា​របស់​ឯកជន​ ជា​រូបវន្តបុគ្គល​ ឬ​នីតិបុគ្គល​ ។​ ក្រុម​ទី​៨​ ៖​ ម្ចាស់​កម្មសិទ្ធិ​យានយន្ត​ជា​បណ្តោះអាសន្ន​របស់​រូបវន្តបុគ្គល​ ឬ​នីតិបុគ្គល​ ។​ ស្លាក​លេខ​យានយន្ត​មាន​៩​ប្រភេទ​ ។​ "​ ។​ ដោយឡែក​ មាត្រា​៩​នៃ​អនុក្រឹត្យ​ដដែល​នេះ​ បាន​ចែង​ដែរ​ថា​ "​ស្លាក​លេខ​របស់​ក្រុម​ទី​២​ដូច​មាន​ចែង​ក្នុង​មាត្រា​៥​ ត្រូវ​បាន​បែងចែក​ឲ្យ​ក្រសួង​ ស្ថាប័ន​ តាម​លេខ​រៀង​បន្តបន្ទាប់​ពី​រដ្ឋ​០១​រហូត​ដល់​រដ្ឋ​៣៧"​ ។​ មាន​ន័យ​ថា​ អនុលោម​តាម​ស្មារតី​អនុក្រឹត្យ​របស់​រាជរដ្ឋាភិបាល​លេខ​៧៧​អន​ក្រ​.​បក​ ចុះ​ថ្ងៃ​ទី​២៨​ ខែវិច្ឆិកា​ ឆ្នាំ​២០០៣​ ស្តី​ពី​ការ​ចេញ​ស្លាក​លេខ​សម្គាល់​យានជំនិះ​នោះ​ គឺ​មិន​បាន​ចែង​តម្រូវ​ឲ្យ​មាន​យានយន្ត​ពាក់​ស្លាក​លេខ​ប្រភេទ​"​រាជរដ្ឋាភិបាល​"​ទេ​ ។​

​ដូច្នេះ​ រថយន្ត​ទំនើប​១​គ្រឿង​ម៉ាក​ Land​ Cruiser​ ពណ៌​ខ្មៅ​ ពាក់​ស្លាក​លេខ​រាជរដ្ឋាភិបាល​ 5.2-297​ ដូច​ក្នុង​រូបភាព​បង្ហាញ​ជូន​នេះ​ គឺជា​ការ​ប្រើប្រាស់​ស្លាក​លេខ​រំលោភ​បំពាន​ទៅ​លើ​អនុក្រឹត្យ​របស់​រាជរដ្ឋាភិបាល​ ស្តី​ពី​ការ​ចេញ​ស្លាក​លេខ​សម្គាល់​យានជំនិះ​យ៉ាងធ្ងន់ធ្ងរ​ និង​បង្ហាញ​ឲ្យ​ឃើញ​ដែរ​ថា​ ម្ចាស់​យានយន្ត​ពាក់​ស្លាក​លេខ​ប្រភេទ​នេះ​ បាន​បំបាក់មុខ​បុរស​ខ្លាំង​ជា​នាយក​រដ្ឋមន្ត្រី​យ៉ាង​ពេញទំហឹង​ ។​

​ប្រភព​ពី​អ្នកលេង​បណ្តាញ​ព័ត៌មាន​សង្គម​ Facebook​ ដ៏​ពេញ​និយម​ បាន​ផ្តល់​ព័ត៌មាន​និង​បាន​ចែករំលែក​(Share)​តៗ​គ្នា​ឲ្យ​ដឹង​ថា​ កាលពី​ថ្ងៃ​ទី​២១​ ខែឧសភា​ ឆ្នាំ​២០១៥​ម្សិលមិញ​នេះ​ ម្ចាស់​រថយន្ត​ទំនើប​ម៉ាក​ Land​ Cruiser​ ពាក់​ស្លាក​លេខ​រាជរដ្ឋាភិបាល​5.2-297​នោះ​ បាន​បើកបរ​ប៉ះទង្គិច​ទៅ​លើ​ជនបរទេស​ម្នាក់​កំពុង​ជិះ​ទោចក្រយាន​(​កង់​)​តាម​ផ្លូវ​សាធារណៈ​ក្នុង​រាជធានី​ភ្នំពេញ​ ហើយ​មាន​បំណង​បម្រុង​បើក​រត់គេច​ ប៉ុន្តែ​ត្រូវ​ជនបរទេស​ចិត្តសឿង​រត់​តាម​បើកទ្វារ​រថយន្ត​បង្ក​ក៏​ក្របួច​បាន​អ្នកបើកបរ​រថយន្ត​នោះ​តែ​ម្តង​ ។​

​តើ​បុរស​ខ្លាំង​ដែល​អួត​ក្តែ​ងៗ​ថា​ "​អ្វីៗ​ក៏​ដឹង​"​នោះ​ គួរ​មាន​វិធានការ​លុប​បំបាត់​ស្លាក​លេខ​យានយន្ត​បែប​អនាធិបតេយ្យ​ រំលោភ​បំពាន​លើ​អនុក្រឹត្យ​របស់​រាជរដ្ឋាភិបាល​ដែរ​ឬទេ​ ឬ​ក៏​សុខចិត្ត​ពួន​សំងំ​ឲ្យ​ម្ចាស់​យានយន្ត​ទាំងនោះ​បន្ត​បំបាក់មុខ​ខ្លួន​ជា​នាយក​រដ្ឋមន្ត្រី​តទៅ​ទៀត​ ?​ ៕​

car-cheap1 car-cheap

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.