ថ្ងៃ ពុធ ទី ២៥ ខែ ឧសភា ឆ្នាំ ២០២២

តុលាការ​បង្គាប់​ឲ្យ​ក្រុមហ៊ុន​សង​ប្រាក់​៧​ម៉ឺន​ដុល្លារ​ទៅ​គ្រួសារ​បុរស​រង​គ្រោះ​ស្លាប់​ក្នុង​ពិធី​ប្រកួត​ផឹកស្រា​

​ប្រភព​ពី​ភ្នាក់ងារ​សារព័ត៌មាន​ Xinhua​ របស់​ចិន​ឲ្យ​ដឹង​ថា​ នៅ​ថ្ងៃ​អង្គារ​ ទី​០៥​ ខែឧសភា​ ឆ្នាំ​២០១៥​នេះ​ តុលាការ​ទីក្រុង​ Luoyang​ នៃ​ខេត្ត​ Henan​ របស់​ចិន​ បាន​សម្រេច​ចេញ​សាលក្រម​បង្គាប់​ឲ្យ​ក្រុមហ៊ុន​ឯកជន​មួយ​បង់ប្រាក់​សំណង​ចំនួន​៧​ម៉ឺន​ដុល្លារ​អា​មេ​រិ​ក​ ទៅ​គ្រួសារ​របស់​បុរស​រង​គ្រោះ​ម្នាក់​ដែល​ស្លាប់​បាត់បង់​ជីវិត​ ក្រោយ​ពេល​ចូលរួម​ក្នុង​ពិធី​ប្រកួត​ផឹកស្រា​ កាលពី​ខែកក្កដា​ ឆ្នាំ​២០១៤​កន្លង​ទៅ​ នៅ​ទីក្រុង​ Luoyang​ ។​

​សារព័ត៌មាន​របស់​ចិន​ Xinhua​ បាន​ចុះ​ផ្សាយ​ថា​ លោក​ Wang​ Qiang​ បាន​ចូលរួម​ក្នុង​ពិធី​ប្រកួត​ផឹកស្រា​មួយ​ក្នុង​ទីក្រុង​ Luoyang​ កាលពី​ខែកក្កដា​ ឆ្នាំ​២០១៤​កន្លង​ទៅ​ ជាមួយ​មិត្តភក្តិ​របស់​លោក​ដែល​រៀបចំ​ដោយ​ក្រុមហ៊ុន​ Luoyang​ Siyue​ Trade​ Co.,​ Ltd.​ ។​ ក្រោយ​ការ​ប្រកួត​ បុរស​ជា​បេក្ខជន​ទាំង​២​នាក់​មាន​អាកា​រៈ​មិន​ស្រួល​ក្នុង​ខ្លួន​ ទើប​ប្រញាប់ប្រញាល់​ទៅ​មន្ទីរពេទ្យ​ តែ​ជា​អកុសល​លោក​ Wang​ Qiang​ មាន​ស្ថានភាព​ធ្ងន់ធ្ងរ​ជាង​មិត្តភក្តិ​ជា​ដៃគូ​ផឹកស្រា​ជាមួយ​ខ្លួន​ ទើប​លោក​ដាច់ខ្យល់​ស្លាប់​តែ​ម្តង​ ។​

​បន្ទាប់​ពី​មាន​ហេតុការណ៍​អកុសល​នេះ​កើតឡើង​ ក្រុម​គ្រួសារ​លោក​ Wang​ Qiang​ បាន​ដាក់​ពាក្យ​ប្តឹង​ក្រុមហ៊ុន​ដែល​រៀបចំ​កម្មវិធី​ប្រកួត​ផឹកស្រា​ទៅ​តុលាការ​ ដោយ​ចោទប្រកាន់​ថា​ ជា​មូលហេតុ​នាំ​ឲ្យ​លោក​ Wang​ Qiang​ ស្លាប់​បាត់បង់​ជីវិត​ ។​

​នៅ​ថ្ងៃ​អង្គារ​ ទី​០៥​ ខែឧសភា​ ឆ្នាំ​២០១៥​នេះ​ តុលាការ​ទីក្រុង​ Luoyang​ បាន​សម្រេច​ចេញ​សាលក្រម​បង្គាប់​ឲ្យ​ក្រុមហ៊ុន​ Luoyang​ Siyue​ Trade​ Co.,​ Ltd.​ បង់ប្រាក់​សំណង​ចំនួន​៧​ម៉ឺន​ដុល្លារ​អា​មេ​រិ​ក​ជូន​ទៅ​ក្រុម​គ្រួសារ​បុរស​រង​គ្រោះ​ ៕​

Drinking

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.