ថ្ងៃ សៅរ៏ ទី ០២ ខែ កក្កដា ឆ្នាំ ២០២២

ឥណ្ឌា​បញ្ជា​ទិញ​យន្តហោះ​ចម្បាំង​ធុន RAFALE ពី​បារាំង ៣៦ គ្រឿង​

​ក្នុង​ដំណើរ​ទស្សនកិច្ច​លើកដំបូង​ទៅកាន់​ប្រទេស​បារាំង​កាលពី​ថ្ងៃទី​១០ ខែមេសា ឆ្នាំ​២០១៥ ម្សិលមិញ​នេះ របស់លោក Narendra Modi នាយករដ្ឋមន្ត្រី​ឥណ្ឌា បានដាក់​សំណើ​បញ្ជា​ទិញ​យន្តហោះ​ចម្បាំង​ធុន RAFALE ចំនួន​៣៦​គ្រឿង ទៅ​លោក Francois Hollande ប្រធានាធិបតី​បារាំង​។​

​លោក Jean-Yves Le Drian រដ្ឋមន្ត្រី​ក្រសួងការពារជាតិ​បារាំង​បាន​ថ្លែង​ឲ្យ​ដឹងថា  មន្ត្រី​ពាក់ព័ន្ធ​នៃ​ភាគី​ប្រទេស​ទាំង​២ (​ឥណ្ឌា​-​បារាំង​) បាន​សិក្សា​លើ​បញ្ហា​ការបញ្ជាទិញ​យន្តហោះ​ចម្បាំង​របស់​ឥណ្ឌា​ពី​ប្រទេស​បារាំង​នេះហើយៗ​នៅពេល​ខាងមុខ​ឆាប់ៗ​លោក​នឹងធ្វើ​ដំណើរ​ទៅកាន់​ប្រទេស​ឥណ្ឌា ដើម្បី​បញ្ចប់​កិច្ចការងារ​ឈានទៅ​ចុះកិច្ចសន្យា​ជាមួយគ្នា​តែម្តង​។

​គម្រោង​ការបញ្ជាទិញ​យ​ន្ត​ហោះ​ចម្បាំង​ធុន RAFALE ចំនួន​៣៦​គ្រឿង របស់​ឥណ្ឌា​ពី​បារាំង​នេះ ឥណ្ឌា​អាច​នឹង​ចំណាយ​ទឹកប្រាក់​អស់​ចំនួន​ប្រមាណ​៤.០០០​លាន​ដុល្លារ​អាមេរិក​។

​គួរ​រំលឹក​ជូន​ថា កាលពី​ខែកុម្ភៈ ឆ្នាំ​២០១៥ កន្លងទៅ បារាំង​បាន​លក់​យន្តហោះ​ចម្បាំង​ធុន RAFALE ចំនួន​២៤​គ្រឿង ឲ្យ​ប្រទេស​អេ​ហ្ស៊ី​ប​រួចហើយ​៕​

 

102910

Filed in: អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.