ថ្ងៃ ពុធ ទី ១២ ខែ ធ្នូ ឆ្នាំ ២០១៨

ប្រទះ​ឃើញ​សាកសព​ព្រះសង្ឃ​តាំងសមាធិ​ចំណាស់​២០០​ឆ្នាំ​នៅ​ម៉ុង​ហ្គោ​លី​

​តាម​ការ​ចុះ​ផ្សាយ​របស់​គេហទំព័រ​ Daily​ Mail​ កាលពី​ថ្ងៃ​ទី​២៨​ ខែមករា​ ឆ្នាំ​២០១៥​ម្សិលមិញ​ បាន​ឲ្យ​ដឹង​ថា​ សាកសព​ព្រះសង្ឃ​មិន​រលួយ​សឹង​មិន​គួរ​ឲ្យ​ជឿ​មួយ​អង្គ​ ដែល​ទំនង​ដូច​អង្គុយ​តាំងសមាធិ​ ត្រូវ​បាន​ប្រទះ​ឃើញ​ក្នុង​ប្រទេស​ម៉ុង​ហ្គោ​លី​ ដែល​ការ​ពិនិត្យ​កោសល្យវិច័យ​គេ​ជឿ​ថា​ អាច​មាន​អាយុកាល​ប្រហែល​២០០​ឆ្នាំ​ បន្ទាប់​ពី​ត្រូវ​បាន​រក្សា​ទុក​យ៉ាង​ល្អ​នៅ​ក្នុង​ស្បែក​សត្វ​ ។​

​របាយការណ៍​ចុះ​ផ្សាយ​របស់​សារព័ត៌មាន​ The​ Siberian​ Times​ ដែល​ដកស្រង់​កំណត់​ត្រា​នៃ​របកគំហើញ​របស់​ប្រទេស​ម៉ុង​ហ្គោ​លី​ បាន​ឲ្យ​ដឹង​ថា​ សាកសព​ព្រះសង្ឃ​អង្គ​នេះ​អង្គុយ​ក្នុង​ជំហរ​ផ្កាឈូក​ដូច​កំពុង​គង់​តាំងសមាធិ​ ខណៈ​អ្នកជំនាញ​ដែល​ពិនិត្យ​ផ្ទាល់​ភ្នែក​ជឿ​ថា​ សាកសព​នេះ​អាច​មាន​ចំណាស់​២០០​ឆ្នាំ​ ។​

​សារព័ត៌មាន​របស់​ម៉ុង​ហ្គោ​លី​ឈ្មោះ​ Morning​ Newspaper​ បាន​ឲ្យ​ដឹង​ថា​ សព​ព្រះសង្ឃ​អង្គ​នេះ​ត្រូវ​បាន​គេ​ប្រទះ​ឃើញ​កាលពី​ថ្ងៃ​ទី​២៧​ ខែមករា​ ឆ្នាំ​២០១៥​ ក្នុង​ខេត្ត​ Songinokhairkhan​ ដោយ​សព​ត្រូវ​បាន​គ្រប​ជុំ​ជិត​ក្នុង​ស្បែក​សត្វ​ ។​

​សាកសព​ព្រះសង្ឃ​មិន​រលួយ​ដែល​បាន​ប្រទះ​ឃើញ​នៅ​ប្រទេស​ម៉ុង​ហ្គោ​លី​នោះ​ កំពុង​ឋិត​នៅ​ក្រោម​ការ​ពិនិត្យ​ធ្វើ​កោសល្យវិច័យ​នៅ​រដ្ឋធានី​ Ulaanbataar​ ដែល​ការ​សន្និដ្ឋាន​ដំបូង​ឲ្យ​ដឹង​ថា​ សាកសព​ព្រះសង្ឃ​នេះ​គឺជា​សាកសព​ព្រះ​គ្រូ​ Lama​ Dashi-Dorzho​ Itigilov​ ដែល​ប្រ​សូត្រ​ក្នុង​ឆ្នាំ​១៨៥២​ និង​ធ្លាប់​ជា​ព្រះសង្ឃ​ឡា​ម៉ា​ព្រះពុទ្ធ​សាសនា​ប៊ូ​រី​យ៉ា​ត់នៃ​ប្រពៃណី​ព្រះពុទ្ធ​សាសនា​របស់​ទី​បេ​ ដែល​ល្បីល្បាញ​ដោយសារ​សាកសព​ព្រះ​អង្គ​មាន​ស្ថានភាព​ឋិត​ដូច​មនុស្ស​រស់​ ៕​

Monk-in-mongoliaMonk-in-mongolia1

Filed in: Feature, ស្រាវជ្រាវ, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.