ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

រឿង​មេធាវី​ម្នាក់​ជំពាក់​លុយ​កូនក្តី​មិន​ខ្ចី​សង​

​ប្រភព​ព័ត៌មាន​ច្បាស់​ការណ៍​ពី​សាលាដំបូង​រាជធានី​ភ្នំពេញ​ បាន​ឲ្យ​ដឹង​ថា​ មាន​លោក​មេធាវី​ពេញ​សិទ្ធិ​កំពុង​ប្រកប​វិជ្ជាជីវៈ​ម្នាក់​ ជំពាក់​លុយ​កូនក្តី​រយៈពេល​ជាង​២​ឆ្នាំ​ តែ​គេចវេះ​មិន​ព្រម​សង​ ជា​ហេតុ​ធ្វើ​ឲ្យ​ម្ចាស់បំណុល​ជា​កូនក្តី​របស់​ខ្លួន​សម្រេចចិត្ត​ដាក់​ពាក្យបណ្តឹង​មក​តុលាការ​សាលាដំបូង​រាជធានី​ភ្នំពេញ​ កាលពី​ថ្ងៃ​ទី​២៣​ ខែធ្នូ​ ឆ្នាំ​២០១៤​កន្លង​ទៅ​ ដោយ​ប្តឹង​ទាមទារ​ប្រាក់​នៅ​ជំពាក់​ចំនួន​១.០០០​ដុល្លារ​អា​មេ​រិ​ក​ និង​ទាម​ទារជំងឺចិត្ត​ស្មើនឹង​ទឹកប្រាក់​ចំនួន​២​លាន​រៀល​ ។​

​មេធាវី​ដែល​ក្លាយជា​កូនបំណុល​របស់​កូនក្តី​ខ្លួន​ និង​ត្រូវ​បាន​ម្ចាស់បំណុល​ប្តឹង​ទាមទារ​ប្រាក់​ជំពាក់​មក​តុលាការ​សាលាដំបូង​រាជធានី​ភ្នំពេញ​នោះ​ មានឈ្មោះ​ ធួ​ក​ យូរ​ ភេទ​ប្រុស​ អាយុ​៤៣​ឆ្នាំ​ ។​

​យោង​តាម​ពាក្យបណ្តឹង​របស់​ឈ្មោះ​ ត​.​ស​.​ព​ ភេទ​ស្រី​ អាយុ​៤២​ឆ្នាំ​ បាន​រៀបរាប់​ឲ្យ​ដឹង​ថា​ នៅ​ថ្ងៃ​ទី​១២​ ខែកក្កដា​ ឆ្នាំ​២០១២​ ដោយសារ​មាន​ទំនាក់ទំនង​ស្គាល់គ្នា​ក្នុង​រឿង​ក្តី​កន្លង​មក​ លោក​មេធាវី​ ធួ​ក​ យូរ​ បាន​ធ្វើ​កិច្ចសន្យា​ខ្ចីប្រាក់​ខ្លួន​ចំនួន​២.០០០​ដុល្លារ​អា​មេ​រិ​ក​ និង​បាន​សន្យា​ថា​ នឹង​សង​ប្រាក់​វិញ​នៅ​ថ្ងៃ​ទី​៣១​ ខែកក្កដា​ ឆ្នាំ​២០១២​ ។​ ជាក់ស្តែង​អស់​រយៈពេល​ជាង​២​ឆ្នាំ​កន្លង​ផុត​ទៅ​ លោក​មេធាវី​ ធួ​ក​ យូរ​ ចេះ​តែ​ព្យាយាម​គេចវេះ​មិន​ព្រម​សង​ប្រាក់​ឲ្យ​មក​ខ្លួន​វិញ​ទេ​ ទើប​កាលពី​ថ្ងៃ​ទី​១៨​ ខែតុលា​ ឆ្នាំ​២០១៤​ ឈ្មោះ​ ធួ​ក​ យូរ​ បាន​សង​ប្រាក់​ចំនួន​១.០០០​ដុល្លារ​អា​មេ​រិ​កមក​ឲ្យ​ខ្លួន​ ពោល​គឺ​នៅ​ខ្វះ​ប្រាក់​ជំពាក់​ចំនួន​១.០០០​ដុល្លារ​អា​មេ​រិ​ក​ទៀត​ ។​

​លោក​ ធួ​ក​ យូរ​ អាយុ​៤៣​ឆ្នាំ​ មានស្រុក​កំណើត​នៅ​ខេត្តកំពង់ចាម​ បាន​ធ្វើ​សច្ចាប្រណិធាន​ចូល​ប្រកប​វិជ្ជាជីវៈ​មេធាវី​ ក្លាយជា​សមាជិក​គណៈមេធាវី​នៃ​ព្រះរាជាណាចក្រ​កម្ពុ​ជានា​ថ្ងៃ​ទី​១៩​ ខែតុលា​ ឆ្នាំ​២០០៦​ ដោយ​មាន​អត្តលេខ​៤៩៣​ ៕​

 

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.