ថ្ងៃ អាទិត្យ ទី ១៧ ខែ តុលា ឆ្នាំ ២០២១

ឧត្តមសេនីយ៍​ប៉ូលិស​ជាស​ត្រូវ​របស់​ ហេង​ ពៅ​ ត្រូវ​បាន​តែងតាំង​ជា​អគ្គស្នងការ​រង​នគរបាល​ជាតិ​

​តាម​សំណើ​របស់​រដ្ឋមន្ត្រី​ក្រសួងមហាផ្ទៃ​ លោក​ឧត្តមសេនីយ៍ឯក​ ម៉ក់​ ជី​តូ​ នាយ​នគរបាល​ជាតិ​នៃ​ក្រសួងមហាផ្ទៃ​ អត្តលេខ​០៧៧១​ បច្ចុប្បន្ន​កាន់​មុខ​តំណែង​ជា​ប្រធាន​នាយកដ្ឋាន​កណ្តាល​នគរបាល​យុត្តិធម៌​ និង​ដែល​គេ​ស្គាល់​ថា​ជាស​ត្រូវ​ស្លាប់រ​ស់រប​ស់លោក​ ហេង​ ពៅ​ នាយ​នគរបាល​ជាតិ​ អត្តលេខ​០៣៤០​ ដែល​កំពុង​ជាប់​ឃុំខ្លួន​នៅ​ក្នុង​ពន្ធនាគារ​នោះ​ ត្រូវ​បាន​រាជរដ្ឋាភិបាល​តែងតាំង​មុខ​តំណែង​ថ្មី​ជា​អគ្គស្នងការ​រង​នៃ​អគ្គស្នងការដ្ឋាន​នគរបាល​ជាតិ​ ដោយ​អនុក្រឹត្យ​លេខ​១៧១៧​អន​ក្រ​.​ត​ត​ ចុះ​ថ្ងៃ​ទី​២៥​ ខែធ្នូ​ ឆ្នាំ​២០១៤​ ខណៈ​នាយ​នគរបាល​ជាតិ​ចំនួន​២​រូប​ទៀត​ក៏​ត្រូវ​បាន​តែងតាំង​ជា​អគ្គស្នងការ​រង​នៃ​អគ្គស្នងការដ្ឋាន​នគរបាល​ជាតិ​ផង​ដែរ​ គឺ​លោក​ឧត្តមសេនីយ៍ឯក​ ហ៊ឹ​ម​ យ៉ា​ន​ អត្តលេខ​០២៣០៥​ បច្ចុប្បន្ន​ជា​ប្រធាន​នាយ​ដ្ឋា​ន​កណ្តាល​សណ្តាប់ធ្នាប់​សាធារណៈ​ និង​លោក​ឧត្តមសេនីយ៍ឯក​ ទូច​ ណា​រ៉ុ​ថ​ អត្តលេខ​០៥០៧​ បន្ថែម​លើ​មុខងារ​បច្ចុប្បន្ន​ជា​ប្រធាន​នាយកដ្ឋាន​អង្គរក្ស​ ។​

​មជ្ឈដ្ឋាន​មន្ត្រី​នគរបាល​ជាតិ​ និង​មជ្ឈដ្ឋាន​ក្រៅ​កងកម្លាំង​សមត្ថកិច្ច​ បាន​កត់សម្គាល់​ឃើញ​ថា​ លោក​ឧត្តមសេនីយ៍ឯក​ ម៉ក់​ ជី​តូ​ ដែល​លោក​ ហេង​ ពៅ​ អះអាង​ថា​ តែង​បាន​សមគំនិត​ជាមួយ​ក្រុម​ចោរ​នោះ​ បាន​ក្លាយជា​សត្រូវ​ស្លាប់រ​ស់នឹង​គ្នា​ និង​ក្រោយ​ពី​លោក​ ហេង​ ពៅ​ អាយុ​៥៧​ឆ្នាំ​ មាន​រាសី​ធ្លាក់​ចុះ​ ទទួល​រង​សម្ពាធ​នៃ​បណ្តឹង​ព្រហ្មទណ្ឌ​នៅ​តុលាការ​ជាង​១០​ករណី​ និង​កំពុង​ជាប់​ឃុំខ្លួន​នៅ​ពន្ធនាគារ​ព្រៃ​ស​តាំងពី​ឆ្នាំ​២០០៦​មក​ លោក​ ម៉ក់​ ជី​តូ​ បែរជា​មាន​រាសី​ឡើង​ខ្ពស់ត្រដែត​ រហូត​ទទួល​បានការ​ដំឡើង​ឋានន្តរស័ក្តិ​ថ្នាក់​ឧត្តមសេនីយ៍ឯក​(​ផ្កាយ​៣)​ និង​ធ្លាប់​ទ​ទូល​បានការ​តែងតាំង​ជាទី​ប្រឹក្សា​ផ្ទាល់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុ​ជានា​អាណត្តិ​ទី​៤​ទៀត​ផង​ ។​

​លោក​ ហេង​ ពៅ​ នាយ​នគរបាល​ជាតិ​ អត្តលេខ​០៣៤០​ ធ្លាប់​មាន​អំណាច​ខ្លាំង​កាល​នៅ​ពាក់​ផ្កាយ​២(​ឧត្តមសេនីយ៍ទោ​)​ អតីត​ជា​ស្នងការ​នៃ​ស្នងការដ្ឋាន​នគរបាល​រាជធានី​ភ្នំពេញ​ និង​អតីត​ជាទី​ប្រឹក្សា​ផ្ទាល់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ មាន​ឋានៈ​ស្មើ​រដ្ឋលេខាធិការ​ ។​ លោក​ ហេង​ ពៅ​ ក៏​ធ្លាប់​ទទួល​បានការ​តែងតាំង​ជា​អនុរដ្ឋលេខាធិការ​ក្រសួងមហាផ្ទៃ​ផង​ដែរ​នៅ​មុន​ពេល​ជាប់​ពន្ធនាគារ​ ។​ ក្រោយ​ពេល​មានរឿង​ចោទប្រកាន់​ជា​ច្រើន​ករណី​រួច​មក​ លោក​ ហេង​ ពៅ​ ត្រូវ​បាន​បញ្ចប់​មុខ​តំណែង​ពី​អនុរដ្ឋលេខាធិការ​ក្រសួងមហាផ្ទៃ​ និង​ពី​ទីប្រឹក្សា​ផ្ទាល់​នាយក​រដ្ឋមន្ត្រី​(​ដោយ​ព្រះរាជក្រឹត្យ​លេខ​ន​ស​/​រក​ត​/០៧០៦/៣២១​ ចុះ​ថ្ងៃ​ទី​២៧​ ខែកក្កដា​ ឆ្នាំ​២០០៦)​ ព្រមទាំង​ត្រូវ​បាន​ដកហូត​ឋានន្តរស័ក្តិ​ថ្នាក់​ឧត្តមសេនីយ៍ទោ​(​ផ្កាយ​២)​ចេញ​ថែម​ទៀត​ ដោយ​ព្រះរាជក្រឹត្យ​លេខ​ន​ស​/​រក​ត​/១២០៦/៥០៦​ ចុះ​ថ្ងៃ​ទី​២៣​ ខែធ្នូ​ ឆ្នាំ​២០០៦​ ។​ បច្ចុប្បន្ន​ លោក​ ហេង​ ពៅ​ ដែល​កំពុង​ជាប់​ឃុំខ្លួន​នៅ​ពន្ធនាគារ​នោះ​ កំពុង​ស្វះ​ស្វែងរក​ពន្លឺយុត្តិធម៌​សម្រាប់​ខ្លួន​នៅ​ក្នុង​រឿង​ចោទប្រកាន់​មួយ​ចំនួន​ ដែល​លោក​អះអាង​ថា​ មិន​ពិត​ និង​អយុត្តិធម៌​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.