ថ្ងៃ ពុធ ទី ២៥ ខែ ឧសភា ឆ្នាំ ២០២២

កូរ៉េ​ខាងជើង​នឹង​មាន​គ្រាប់បែកបរមាណូ​ចំនួន​២០​គ្រាប់​នៅ​ឆ្នាំ​២០១៦​ខាង​មុខ​

​សារព័ត៌មាន​របស់​កូរ៉េ​ខាងត្បូង​បាន​ដកស្រង់​សម្តី​លោក​ Siegfried​ S.​ Hecker​ អតីត​អគ្គនាយក​មជ្ឈមណ្ឌល​ពិសោធន៍​ជាតិ​សហរដ្ឋអាមេរិក​ និង​ជា​អ្នក​វិទ្យាសាស្ត្រ​បរមាណូ​លំដាប់​កំពូល​របស់​សហរដ្ឋអាមេរិក​ បាន​ប្រកាស​ទៅ​កាន់​មន្ត្រីជាន់ខ្ពស់​កូរ៉េ​ខាងត្បូង​ ក្នុង​ជំនួប​ពិភាក្សា​មួយ​នៅ​ទីក្រុង​សេ​អ៊ូ​ល​ កាលពី​ថ្ងៃ​ទី​១១​ ខែធ្នូ​ ឆ្នាំ​២០១៤​ម្សិលមិញ​នេះ​ថា​ នៅ​ឆ្នាំ​២០១៦​ខាង​មុខ​ កូរ៉េ​ខាងជើង​នឹង​មាន​គ្រាប់បែកបរមាណូ​ដល់​ទៅ​ចំនួន​២០​គ្រាប់​ ខណៈ​បច្ចុប្បន្ន​ប្រទេស​កូរ៉េ​ខាងជើង​មាន​គ្រាប់បែកបរមាណូ​ចំនួន​១០​គ្រាប់​រួច​ហើយ​ ។​

​លោក​ Yoo​ Ki-June​ សមាជិក​គណបក្សកាន់អំណាច​កូរ៉េ​ខាងត្បូង​ បាន​លើក​ឡើង​អំពី​របាយការណ៍​របស់​សហរដ្ឋអាមេរិក​ បង្ហាញ​ឲ្យ​ឃើញ​ថា​ កូរ៉េ​ខាងជើង​មាន​សារធាតុ​គ្រប់គ្រាន់​សម្រាប់​ផលិត​គ្រាប់បែកបរមាណូ​យ៉ាងតិច​ចំនួន​៤​គ្រាប់​ក្នុង​១​ឆ្នាំ​ ហើយ​កូរ៉េ​ខាងជើង​នឹង​ធ្វើការ​សាកល្បង​ដើម្បី​បង្រួម​គ្រាប់បែកបរមាណូ​នេះ​ឲ្យ​រួម​តូច​ សម្រាប់​បំពាក់​លើ​មី​ស៊ី​ល​របស់​ខ្លួន​ ។​

​កម្មវិធី​បរមាណូ​កូរ៉េ​ខាងជើង​នៅ​តែ​ជា​ប្រធានបទ​ក្តៅ​ក្នុង​ពិភពលោក​ ដោយ​កូរ៉េ​ខាងជើង​មិន​ព្រម​បោះបង់​កម្មវិធី​បរមាណូ​នេះ​ចោល​ទេ​ ហើយ​ក៏​មិន​ព្រម​ចូល​តុ​បន្ត​ពិភាក្សា​ជាមួយ​បណ្តា​ប្រទេស​មហាអំណាច​ ដើម្បី​បញ្ចប់​សំណុំរឿង​កម្មវិធី​បរមាណូ​ដែរ​ ខណៈ​កូរ៉េ​ខាងជើង​បាន​យក​កម្មវិធី​បរមាណូ​នេះ​ធ្វើ​ជា​លក្ខខណ្ឌ​បង្ខំ​ឲ្យ​ប្រទេស​លោក​ខាងលិច​ធ្វើ​តាម​នូវ​អ្វី​ដែល​កូរ៉េ​ខាងជើង​ចង់បាន​ទៅ​វិញ​ ៕​

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.