ថ្ងៃ ពុធ ទី ២៥ ខែ ឧសភា ឆ្នាំ ២០២២

លិខិត​សេចក្តីជូនដំណឹង​របស់​ស្ថាប័ន​ច្បាប់​បែរជា​គ្មាន​បញ្ជាក់​អំពី​អ្នក​ទទួលខុសត្រូវ​ទៅ​វិញ​

​កាលពី​ថ្ងៃ​ទី​៣០​ ខែតុលា​ ឆ្នាំ​២០១៤​ម្សិលមិញ​នេះ​ គណៈកម្មការ​រៀបចំ​ការ​បោះ​ឆ្នោត​លើក​ទី​១​ សម្រាប់​ការ​ជ្រើសតាំង​សមាជិក​ឧត្តម​ក្រុមប្រឹក្សា​នៃ​អង្គចៅក្រម​ ដែល​គេ​ដឹង​ថា​ មាន​ឯកឧត្តម​ អង្គ​ វង្ស​វ​ឌ្ឍា​នា​ រដ្ឋមន្ត្រី​ក្រសួងយុត្តិធម៌​ ជា​ប្រធាន​ បាន​ចេញ​សេចក្តីជូនដំណឹង​មួយ​លេខ​៣៤​ក​យ​.​ស​ជ​ណ​/១៤​ ជម្រាប​ជូន​ចៅក្រម​-​ព្រះរាជអាជ្ញា​ដែល​មាន​សិទ្ធិ​បោះ​ឆ្នោត​ទាំងអស់​ ឲ្យ​បាន​ជ្រាប​ថា​ ដើម្បី​ធានា​នូវ​ការ​សម្ងាត់​នៃ​ការ​បោះ​ឆ្នោត​លើក​ទី​១​ សម្រាប់​ការ​ជ្រើសតាំង​សមាជិក​ឧត្តម​ក្រុមប្រឹក្សា​នៃ​អង្គចៅក្រម​ នា​ថ្ងៃ​ទី​៣១​ ខែតុលា​ និង​ថ្ងៃ​ទី​០១-០២​ ខែវិច្ឆិកា​ ឆ្នាំ​២០១៤​ខាង​មុខ​នេះ​ អ្នកមាន​សិទ្ធិ​បោះ​ឆ្នោត​ទាំងអស់​ មិន​ត្រូវ​បាន​អនុញ្ញាត​ឲ្យ​យក​ចូល​នូវ​ទូរស័ព្ទ​ដៃ​ ឬ​ឧបករណ៍​អេ​ឡិច​ត្រូ​និ​ច​ផ្សេងៗ​ដែល​អាច​ថត​យក​រូបភាព​ ឬ​សំឡេង​ចូល​ទៅ​ក្នុង​បន្ទប់​បោះ​ឆ្នោត​បាន​ឡើយ​ ។​

​ជាមួយនឹង​លិខិត​សេចក្តីជូនដំណឹង​នេះ​ គណៈកម្មការ​រៀបចំ​ការ​បោះ​ឆ្នោត​ក៏​បាន​អំពាវនាវ​ឲ្យ​ចៅក្រម​-​ព្រះរាជអាជ្ញា​ដែល​ជា​អ្នកមាន​សិទ្ធិ​បោះ​ឆ្នោត​ទាំងអស់​អញ្ជើញ​ទៅ​បោះ​ឆ្នោត​នៅ​ថ្ងៃ​ទី​៣១​ ខែតុលា​ និង​ថ្ងៃ​ទី​០១-០២​ ខែវិច្ឆិកា​ ឆ្នាំ​២០១៤​ខាង​មុខ​នេះ​ ប្រកបដោយ​ស្មារតី​ទទួលខុសត្រូវ​ខ្ពស់​ ។​

​ពាក់ព័ន្ធ​នឹង​ការ​ចេញ​លិខិត​សេចក្តីជូនដំណឹង​របស់​គណៈកម្មការ​រៀបចំ​ការ​បោះ​ឆ្នោត​លើក​ទី​១​ សម្រាប់​ការ​ជ្រើសតាំង​សមាជិក​ឧត្តម​ក្រុមប្រឹក្សា​នៃ​អង្គចៅក្រម​ខាងលើ​នេះ​ បាន​ធ្វើ​ឲ្យ​មជ្ឈដ្ឋាន​អ្នក​ច្បាប់​មានការ​ចាប់អារម្មណ៍​ពោរពេញ​ទៅ​ដោយ​ការ​រិះគន់​ ពីព្រោះ​សេចក្តីជូនដំណឹង​ទាំងមូល​ដែល​បាន​ប្រើប្រាស់​ស្លាក​សញ្ញា​ក្រសួងយុត្តិធម៌​ជា​ស្ថាប័ន​ច្បាប់​ បែរជា​គ្មាន​ចុះហត្ថលេខា​ និង​ឈ្មោះ​អ្នក​ទទួលខុសត្រូវ​ឡើយ​ គឺ​មាន​ត្រឹមតែ​បោះត្រា​ក្រសួងយុត្តិធម៌​ប៉ុណ្ណោះ​ ។​ មជ្ឈដ្ឋាន​អ្នក​ច្បាប់​ឯករាជ្យ​នៅ​កម្ពុជា​ ក៏​បាន​សម្តែង​នូវ​ការ​ហួសចិត្ត​ពន់ពេក​ចំពោះ​ចំណាត់ការ​របស់​គណៈកម្មការ​រៀបចំ​ការ​បោះ​ឆ្មោ​ត​លើក​ទី​១​ សម្រាប់​ការ​ជ្រើសតាំង​សមាជិក​ឧត្តម​ក្រុមប្រឹក្សា​នៃ​អង្គចៅក្រម​ ដែល​បាន​ចេញ​សេចក្តីជូនដំណឹង​គ្មាន​បញ្ជាក់​អំពី​អ្នក​ទទួលខុសត្រូវ​ ប្រដូច​បាន​ទៅ​នឹង​ក្មេង​ធ្វើ​លេងសើច​ទៅ​វិញ​ ដែល​មិន​ស័ក្តិ​សមជា​ថ្នាក់ដឹកនាំ​ក្នុង​ស្ថាប័ន​ច្បាប់​សោះឡើយ​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.