ថ្ងៃ អាទិត្យ ទី ០៣ ខែ កក្កដា ឆ្នាំ ២០២២

ដី​ភ្នំ​ឋិត​ក្នុង​តំបន់​ឧទ្យាន​ជាតិ​រាម​ក្លាយជា​ទ្រព្យ​កម្មសិទ្ធិ​របស់​ឧកញ៉ា​ លឹ​ម​ ហ៊ុយ​ឡេ​ង​

​គ្រឿងចក្រ​និង​រថយន្ត​ដឹក​ដី​ជា​ច្រើន​គ្រឿង​កំពុង​ធ្វើ​សកម្មភាព​ឈូស​ឆាយដី​ភ្នំ​យ៉ាង​គគ្រឹកគគ្រេង​នៅ​តំបន់​ឧទ្យាន​ជាតិ​រាម​ ឋិត​ក្នុងស្រុក​ព្រៃ​នប់​ ខេត្ត​ព្រះ​សីហ​នុ​ ដើម្បី​ធ្វើ​អាជីវកម្ម​យក​ថ្ម​-​ដី​ផង​ និង​បំបាត់​ភ្នំ​ចោល​ឲ្យ​ក្លាយទៅជា​ដី​រាប​ធេង​ផង​ ខណៈ​គ្មាន​មន្ត្រី​អាជ្ញាធរ​មូលដ្ឋាន​ និង​មន្ត្រី​ជំនាញ​ណា​ម្នាក់​ហ៊ាន​អើត​ក​ទៅ​មើល​ និង​ត្រួតពិនិត្យ​ឡើយ​ ។​

​ឆ្លើយ​តប​ជាមួយ​បណ្តាញសារព័ត៌មាន​ បុរស​ម្នាក់​ឈ្មោះ​ ហេង​ វ​ណ្ណា​ ដែល​អះអាង​ថា​ជាទី​ប្រឹក្សា​ផ្ទាល់​របស់​លោក​ឧកញ៉ា​ លឹ​ម​ ហ៊ុយ​ឡេ​ង​ ឈ្មួញ​ដ៏​មាន​ឥទ្ធិពល​នៅ​ខេត្ត​ព្រះ​សីហ​នុ​នោះ​ បាន​បញ្ជាក់​ឲ្យ​ដឹង​ថា​ ដី​ភ្នំ​ដែល​កំពុង​ធ្វើ​អាជីវកម្ម​ជីក​កាយ​យក​ថ្មី​និង​ដី​នេះ​ គឺជា​ដី​កម្មសិទ្ធិ​របស់​លោក​ឧកញ៉ា​ លឹ​ម​ ហ៊ុយ​ឡេ​ង​ ។​

​ដូច្នេះ​ យោង​តាម​ការ​អះអាង​របស់​ទីប្រឹក្សា​ផ្ទាល់​ឧកញ៉ា​ លឹ​ម​ ហ៊ុយ​ឡេ​ង​ នោះ​ គឺ​មាន​ន័យ​ថា​ ដី​ភ្នំ​ឋិត​ក្នុង​តំបន់​ឧ​ទ្យា​ជាតិ​រាម​ ជា​ទ្រព្យសម្បត្តិ​រដ្ឋ​ស្រប​តាម​មាត្រា​៥៨​នៃ​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​ និង​មាត្រា​១៥​នៃ​ភូមិបាល​ឆ្នាំ​២០០១​ ព្រមទាំង​ជា​តំបន់​អភិរក្ស​ការពារ​ដោយ​ព្រះរាជក្រឹត្យ​ ត្រូវ​ក្លាយជា​ទ្រព្យសម្បត្តិ​របស់​លោក​ឧកញ៉ា​ លឹ​ម​ ហ៊ុយ​ឡេ​ង​ អស់​ទៅ​ហើយ​ ។​

​លោក​ លឹ​ម​ ហ៊ុយ​ឡេ​ង​ ជា​ឈ្មួញ​ដ៏​មាន​ឥទ្ធិពល​មួយ​រូប​នៅ​ក្នុង​ទឹកដី​សមុទ្រ​ខេត្ត​ព្រះ​សីហ​នុ​ និង​ធ្លាប់​ត្រូវ​បាន​តែងតាំង​ឲ្យ​ធ្វើ​ជាទី​ប្រឹក្សា​សម្តេច​អគ្គ​មហា​ធម្ម​ពោធិ​សាល​ ជា​ ស៊ី​ម​ ប្រធាន​ព្រឹទ្ធសភា​នៃ​ព្រះរាជាណាចក្រ​កម្ពុជា​ទៀត​ផង​ ។​ លោក​ត្រូវ​បាន​តែងតាំង​ជា​ឧកញ៉ា​ដោយ​ព្រះរាជក្រឹត្យ​លេខ​ន​ស​/​រក​ត​/០៧០០/១៤១​ ចុះ​ថ្ងៃ​ទី​៣១​ ខែកក្កដា​ ឆ្នាំ​២០០០​ និង​ជា​ប្រធាន​សភាពាណិជ្ជកម្ម​ខេត្ត​ព្រះ​សីហ​នុ​ ៕​

Lim-Huyleng-1 Lim-Huyleng

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.