ថ្ងៃ អាទិត្យ ទី ០៣ ខែ កក្កដា ឆ្នាំ ២០២២

រឿងរ៉ាវ​ប្តី​មក​ទាន់​ប្រពន្ធ​ផិតក្បត់​កំពុង​រួមភេទ​ជាមួយ​ប្រុស​ស្នេហ៍​

​មាន​រឿងរ៉ាវ​ភ្ញាក់ផ្អើល​មួយ​ទាំង​កណ្តាលអធ្រាត្រ​បានកើត​ឡើង​វេ​លា​ម៉ោង​០០ និង​១៥​នាទី ឈានចូល​ថ្ងៃទី​០៤ ខែតុលា ឆ្នាំ​២០១៤ ម្សិលមិញ​នេះ នៅក្នុង​បន្ទប់​ផ្ទះជួល ភូមិ​ថ្មគោល សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ ដោយសារ​បុរស​ជា​ប្តី​ម្នាក់​បាន​តាម​ទាន់​ភរិយា​របស់ខ្លួន​កំពុង​ដេក​រួមភេទ​ជាមួយ​ប្រុស​សា​ហាយ និង​បាន​ហៅ​សមត្ថកិច្ច និង​ក្រុមគ្រួសារ​បងប្អូន​សាច់ញាតិ ព្រមទាំង​អ្នកកាសែត​ឲ្យ​ជួយ​ធ្វើជា​សាក្សី​ដឹងឮ ដើម្បី​ទុក​ឲ្យ​ស្ថាប័ន​ច្បាប់​ដោះស្រាយ​តាម​នីតិវិធី​។​

​បុរស​ជា​ប្តី​ដែល​តាម​ទាន់​ប្រពន្ធ​កំពុង​ដេក​រួមភេទ​ជាមួយ​ប្រុស​ស្នេហ៍​នោះ មានឈ្មោះ ហ៊ុន ឈុន​ហាវ អាយុ​៣១​ឆ្នាំ មុខរបរ​ជា​អ្នករត់​រថយន្ត​តាក់ស៊ី និង​ស្រី​ជា​ប្រពន្ធ​លួច​មាន​សា​ហាយ​ស្មន់​នោះ​មានឈ្មោះ ភឿន ធីតា អាយុ​២៨​ឆ្នាំ មុខរបរ​ជា​មេផ្ទះ​មានកូន​២​នាក់ (​ប្រុស​ម្នាក់ និង​ស្រី​ម្នាក់​) ឋិត​ក្នុងបន្ទុក​។ រីឯ​បុរស​ជាប់​ឈ្មោះ​ជា​សា​ហាយ​ស្មន់​ជាមួយ​ប្រពន្ធ​គេ​នោះ​មានឈ្មោះ កឹម ប៊ុន​កាត អាយុ​២៦​ឆ្នាំ មានមុខរ​បរជា​មេ​កន្ទុយលេខ (​ឆ្នោត​) ខណៈ​អ្នកពាក់ព័ន្ធ​ទាំង​៣​នាក់​នោះ​រស់នៅ​ក្នុងភូមិ​កើតហេតុ​ជាមួយគ្នា​។​

​ប្រភពព័ត៌មាន​ពី​បុរស​ជា​ប្តី​បាន​ឲ្យ​ដឹងថា សាច់ញាតិ និង​អ្នកជិតខាង​តែង​បាន​ប្រាប់​គាត់​ថា ប្រពន្ធ​របស់គាត់​តែង​ណាត់​ប្រុស​សា​ហាយ​ដេក​នៅ​ជាមួយគ្នា​ប្រហែល​៤​ខែ​មកហើយ ពេល​គាត់​មិន​នៅផ្ទះ​ទៅ​រត់​តាក់ស៊ី​បាត់ៗ​។ ពេល​ដំបូង​គាត់​មិនទាន់​ជឿ​ភ្លាមៗ​ទេ តែ​គាត់​បាន​សង្កេត​តាមដាន​ជា​បណ្តើរៗ ដ្បិត​គាត់​ចាប់អារម្មណ៍​ឃើញ​ប្រពន្ធ​មាន​អាកប្បកិរិយា​ប្លែក​ដូច​អ្នកជិតខាង​ប្រាប់​មែន​។ លុះ​បន្ត​មក​គាត់​ទទួលបាន​ការនិយាយ​ប្រាប់​ពេញៗ​មាត់​ពី​អ្នកជិតខាង និង​សាច់ញាតិ​បងប្អូន​ចូល​ពេញៗ​ត្រចៀក​ពេក គាត់​ក៏​រៀប​កម្លាំង​ចំនួន​៣​នាក់​ឲ្យ​ដាក់​វេន​គ្នា​ជា​បី​វេន មាន​ព្រឹក ល្ងាច និង​ពេលយប់ ដើម្បី​ឃ្លាំមើល​តាមដាន​ឲ្យ​បាន​ស្អិត​។ ស្រាប់តែ​មកដល់​យប់កើតហេតុ​ពេល​គាត់​ចេញទៅ​រត់​តាក់ស៊ី​ដូច​សព្វដង អ្នកតាមដាន​បាន​ទូរស័ព្ទ​ប្រាប់​មក​គាត់​ថា ប្រុស​សា​ហាយ​របស់​ស្ត្រី​ជា​ប្រពន្ធ​គាត់​បានមក​ចូលដេក​ជាមួយ​ប្រពន្ធ​គាត់​ទៀតហើយ​។​

​បុរស​ជា​ប្តី​ដែល​ទទួលរង​ប្រពន្ធ​ផិតក្បត់​រូបនោះ បាន​បន្ត​ឲ្យ​ដឹង​ទៀតថា ដោយសារ​ផ្ទះ​របស់់គាត់​កំពុង​ជួសជុល​សាងសង់ ទើប​គាត់ និង​ក្រុមគ្រួសារ​បានមក​ជួល​បន្ទប់​ស្នាក់នៅ​ជា​បណ្តោះអាសន្ន និង​ក៏បាន​ក្លាយជា​ឱកាស​ឲ្យ​ប្រពន្ធ​ប្រព្រឹត្ត​ផិតក្បត់​រូបគាត់​ពេល​គាត់​មិន​នៅផ្ទះ​ចេញទៅ​រត់​តាក់ស៊ី​រហូតដល់​តាមដាន​មាន​ព័ស្តុតាង​ជាក់ស្តែង​តែម្តង​។​

​ចំណុច​គួរ​ឲ្យ​កត់សម្គាល់​នៅក្នុង​រឿងរ៉ាវ​ប្តី​តាម​ទាន់​ប្រពន្ធ​ផិតក្បត់​កំពុង​រួមភេទ​ជាមួយ​ប្រុស​ស្នេហ៍​ក្នុង​បន្ទប់​ជួល​នេះ គឺ​បុរស​ជា​ប្តី​មិនបាន​ប្រើ​អំពើហិង្សា​នាំ​ឲ្យ​ខុសច្បាប់​អ្វី​ឡើយ ហើយ​បែរជា​បាន​កោះហៅ​សមត្ថកិច្ច​នគរបាល និង​បងប្អូន​សាច់ញាតិ ព្រមទាំង​អ្នកកាសែត​ឲ្យ​ធ្វើជា​សាក្សី​ចូលរួម​ដឹងឮ​ទុក​ឲ្យ​ស្ថាប័ន​ច្បាប់​ដោះស្រាយ​ដោយ​សន្តិវិធី និង​តាម​នីតិវិធី​។​

​បច្ចុប្បន្ន​សមត្ថកិច្ច​នគ​របាល​កំពុង​កសាង​សំណុំរឿង​បញ្ជូនទៅ​តុលាការ ដើម្បី​ចាត់ការ​តាម​នីតិវិធី​ហើយ​៕​

 

 

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.