ថ្ងៃ អាទិត្យ ទី ០៣ ខែ កក្កដា ឆ្នាំ ២០២២

បារាំង​បញ្ជូន​យន្តហោះ​ចម្បាំង​ធុន​ Rafale​ បន្ថែម​ទៀត​ដើម្បី​ប្រតិបត្តិការ​កម្ចាត់​ក្រុម​ឧទ្ទាម​ ISIS​ នៅ​អ៊ី​រ៉ា​ក់​

​ក្រោយ​កិច្ចប្រជុំ​របស់​ក្រុមប្រឹក្សា​ការពារ​ជាតិ​រួច​មក​ នៅ​ថ្ងៃ​ទី​០១​ ខែតុលា​ ឆ្នាំ​២០១៤​ម្សិលមិញ​នេះ​ ក្រុងប៉ារីស​ បាន​សម្រេច​បញ្ជូន​យន្តហោះ​ចម្បាំង​របស់​ខ្លួន​ធុន​ Rafale​ ចំនួន​៣​គ្រឿង​បន្ថែម​ទៀត​ រួម​ទាំង​បញ្ជូន​នាវា​ពិឃាត​ការពារ​អាកាស​មួយ​គ្រឿង​ផង​ មក​កាន់​ឈូង​សមុទ្រ​ពែ​ក្ស​រ៍​ ក្នុង​ក្រ​ខ័​ណ្ឌ​ពង្រឹង​កម្លាំងយោធា​ សម្រាប់​ប្រតិបត្តិការ​ប្រឆាំង​ក្រុម​ឧទ្ទាម​បំបែក​រដ្ឋ​អ៊ិ​ស្លា​ម​(ISIS)​នៅក្នុងដែនដី​ប្រទេស​អ៊ី​រ៉ា​ក់​ ។​

​សេនាធិការដ្ឋាន​កងទ័ព​បារាំង​បាន​បញ្ជាក់​ឲ្យ​ដឹង​ថា​ យោ​ធូប​ករ​ណ៍​របស់​បារាំង​នា​ពេល​នេះ​ គឺ​មាន​យន្តហោះ​ចម្បាំង​ធុន​ Rafale​ ឡើង​ដល់​ចំនួន​១០​គ្រឿង​ សម្រាប់​អន្តរាគមន៍​ខាង​ផ្នែក​យោធា​នៅ​ប្រទេស​អ៊ី​រ៉ា​ក់​ ។​ យន្តហោះ​ទាំងនោះ​បាន​ដាក់​ពង្រាយ​នៅ​មូលដ្ឋាន​យោធា​បារាំង​ Aldharra​ ក្នុង​ប្រទេស​អា​រ៉ាប់​អេ​មី​រ៉ាត​ ជាទី​កន្លែង​ដែល​យន្តហោះ​បារាំង​ហោះហើរ​ចេញ​ដើម្បី​បំពេញបេសកកម្ម​ស៊ើបការណ៍​ ឬ​វាយប្រហារ​បណ្តា​ទីតាំង​របស់​ក្រុម​ឧទ្ទាម​ ISIS​ ក្នុង​ដែនដី​ប្រទេស​អ៊ី​រ៉ា​ក់​ ដែល​បាន​ចេញ​ប្រតិបត្តិការ​ចាប់តាំងពី​ថ្ងៃ​ទី​០៩​ ខែកញ្ញា​ ឆ្នាំ​២០១៤​មក​ម្ល៉េះ​ ។​

​យន្តហោះ​ចម្បាំង​ Dassault​ Rafale​ ដែល​ផលិត​ដោយ​ក្រុមហ៊ុន​ Dassault​ Aviation​ របស់​បារាំង​នោះ​ អាច​ហោះហើរ​ក្នុង​ល្បឿន​ប្រមាណ​២.១៣០​គីឡូម៉ែត្រ​ក្នុង​១​ម៉ោង​ គឺ​ល្បឿន​លឿន​ជាង​សំឡេង​របស់​វារ​ហូត​ដល់​ទៅ​២-៣​ដង​ និង​អាច​បំពាក់​ស​ពា្វ​វុ​ធ​ជា​ច្រើន​ ។​ យន្តហោះ​ចម្បាំង​ធុន​នេះ​មាន​តម្លៃ​ក្នុង​រង្វង់​ពី​៩០​លាន​ដុល្លារ​អា​មេ​រិ​ក​ទៅ​១០១​លាន​ដុល្លារ​អា​មេ​រិ​ក​ក្នុង​១​គ្រឿង​ ៕​

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.