ថ្ងៃ អាទិត្យ ទី ០៣ ខែ កក្កដា ឆ្នាំ ២០២២

អតីត​ស្តេច​អុក​ពិភពលោក​អះអាង​ថា​ មេដឹកនាំ​រុ​ស្ស៊ី​ Vladimir​ Putin​ ជា​មនុស្ស​ដ៏​គ្រោះថ្នាក់​បំផុត​

​កាលពី​ថ្ងៃ​អង្គារ​ ទី​៣០​ ខែកញ្ញា​ ឆ្នាំ​២០១៤​ម្សិលមិញ​នេះ​ លោក​ Garry​ Kasparov​ អតីត​ម្ចាស់​ជើងឯក​លេងអុក​ពិភពលោក​ ដែល​ជា​ជនជាតិ​អ៊ុយ​ក្រែ​ន​ បាន​និយាយ​ឲ្យ​ដឹង​ថា​ លោក​ Vladimir​ Putin​ ប្រធានាធិបតី​រុ​ស្ស៊ី​ គឺជា​មនុស្ស​គំរាមកំហែង​ធំ​បំផុត​ចំពោះ​សហរដ្ឋអាមេរិក​ ជា​ជាង​ការ​គំរាមកំហែង​របស់​ក្រុម​ជន​សកម្មប្រយុទ្ធ​ ឬ​ក្រុម​ឧទ្ទាម​រដ្ឋ​អ៊ិ​ស្លា​ម​ (ISIS)​ ទៅ​ទៀត​ ឬ​អាច​និយាយ​យ៉ាង​ខ្លី​ថា​ បុរស​ខ្លាំង​របស់​រុ​ស្ស៊ី​ គឺ​លោក​ Vladimir​ Putin​ ជា​មនុស្ស​ដ៏​គ្រោះថ្នាក់​បំផុត​នៅ​លើ​ពិភពលោក​ ។​

​លោក​ Garry​ Kasparov​ ដែល​ជា​សកម្មជន​នយោបាយ​មួយ​រូប​ផង​ដែរ​នោះ​ បាន​និយាយ​ថា​ លោក​ Vladimir​ Putin​ ជា​ប្រភេទ​មនុស្ស​"​លេងបៀ​នៅ​ខណៈ​ពេល​ដែល​មួយ​ផ្នែក​ទៀត​នៃ​ពិភពលោក​លេងអុក​"​ ពោល​គឺ​សកម្មភាព​របស់​លោក​ប្រធានាធិបតី​រុ​ស្ស៊ី​ដ៏​មាន​ឥទ្ធិពល​រូប​នេះ​ បាន​បង្ហាញ​ឲ្យ​ឃើញ​អំពី​ចំណូលចិត្ត​យ៉ាង​ខ្លាំង​ក្នុង​ការ​ព្យាយាម​ដាក់​ការ​គំរាមកំហែង​លើ​ពិភពលោក​ ។​

​ការ​អះអាង​របស់​លោក​ Garry​ Kasparov​ ដែល​ជា​អតីត​ស្តេច​អុក​ពិភពលោក​ និង​ជា​សកម្មភាព​នយោបាយ​រូប​នេះ​ បាន​ឲ្យ​ដឹង​ទៀត​ថា​ ល្បែង​បន្ទាប់​របស់​លោក​ Vladimir​ Putin​ គឺ​នឹង​គំរាមកំហែង​កាត់​បន្ថយ​ការ​ផ្គត់ផ្គង់​ឧស្ម័ន​ទៅ​កាន់​អឺរ៉ុប​ និង​បណ្តា​ប្រទេស​អតីត​សហភាព​សូ​វៀត​ឯទៀត​នៅ​មុន​ពេល​រដូវរងារ​ ដែល​ការ​គំរាមកំហែង​នេះ​នឹង​គ្រប់គ្រាន់​សម្រាប់​សហរដ្ឋអាមេរិក​ និង​សហភាព​អឹ​រ៉ុ​ប​ធ្វើការ​ពិចារណា​ចំពោះ​ការ​ដាក់​ទណ្ឌកម្ម​ឲ្យ​ធ្ងន់ធ្ងរ​បន្ថែម​ទៀត​ ដើម្បី​ប្រឆាំង​ទៅ​នឹង​រដ្ឋាភិបាល​រុ​ស្ស៊ី​ ដែល​ដឹកនាំ​ដោយ​បុរស​ខ្លាំង​ Vladimir​ Putin​ ៕​

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.