ថ្ងៃ អាទិត្យ ទី ០៣ ខែ កក្កដា ឆ្នាំ ២០២២

កង​យោធពលខេមរភូមិន្ទ​(​ខ​.​ភ.ម​)​និង​អាជ្ញាធរ​ខ្មែរ​ក្លាយជា​ឧបករណ៍​ប្រើប្រាស់​របស់​ក្រុមហ៊ុនទូរស័ព្ទ​វៀតណាម​ Metfone​ នៅ​កម្ពុជា​

​ក្រុមហ៊ុនទូរស័ព្ទ​ Metfone​ ដែល​ជា​ផ្នែក​មួយ​នៃ​ក្រុមហ៊ុន​ទូរគមនាគមន៍​មេ​ឈ្មោះ​ Viettel​ របស់​ក្រសួងការពារជាតិ​សាធារណរដ្ឋ​សង្គមនិយម​វៀតណាម​នោះ​ បាន​ចូលខ្លួន​មក​បម្រើ​សេវាកម្ម​ទូរគមនាគមន៍​នៅ​កម្ពុ​ជានា​អំឡុង​ដើមឆ្នាំ​២០០៩​ និង​ជា​ក្រុមហ៊ុនទូរស័ព្ទ​ដែល​បាន​ត​បណ្តាញ​ប្រព័ន្ធ​ខ្សែ​កា​ប្លិ៍​អុ​ប​ទិ​ក​(Fiber​ Optic​ Cable)​ គ្របដណ្តប់​ស្ទើរតែ​ទាំងស្រុង​តាម​បណ្តា​ផ្លូវជាតិ​ទូ​ទាំង​ព្រះរាជាណាចក្រ​កម្ពុជា​ ។​

​ចំណុច​គួរ​ឲ្យ​កត់សម្គាល់​ និង​ចាប់អារម្មណ៍​ខ្លាំ​ទាក់ទង​នឹង​ការ​ពង្រីក​បណ្តាញ​ខ្សែ​កា​ប្លិ៍​អុ​ប​ទិ​ក​នៅ​កម្ពុជា​ របស់​ក្រុមហ៊ុនទូរស័ព្ទ​វៀតណាម​ Metfone​ នោះ​ គឺ​នៅ​តាម​បង្គោល​ខ្សែ​កា​ប្លិ៍​អុ​ប​ទិ​ក​សុទ្ធតែ​មាន​ដាក់​ស្លាក​សញ្ញា​សម្គាល់ថា​ "​ខ​.​ភ.ម​"​ ដែល​ជា​ឈ្មោះ​នៃ​កម្លាំង​កង​យោធពលខេមរភូមិន្ទ​នៃ​ព្រះរាជាណាចក្រ​កម្ពុជា​ ជា​ហេតុ​ធ្វើ​ឲ្យ​ប្រព័ន្ធ​ខ្សែ​កា​ប្លិ៍​អុ​ប​ទិ​កតាម​ដងផ្លូវ​ជាតិ​លើ​ទឹកដី​កម្ពុជា​របស់​ក្រុមហ៊ុនទូរស័ព្ទ​វៀតណាម​ Metfone​ មិន​អាច​នរណា​ហ៊ាន​ប៉ះពាល់​បាន​ឡើយ​ ។​

​លើស​ពី​នេះ​ ប្រភព​ពី​បុគ្គលិក​ខ្មែរ​មួយ​ចំនួន​ដែល​មាន​ជំនាញ​ខាង​ដំឡើង​បង្គោល​អង់​តែ​ន​របស់​ក្រុមហ៊ុនទូរស័ព្ទ​វៀតណាម​ Metfone​ នៅ​តាម​បណ្តា​ខេត្ត​-​ស្រុក​ក្នុង​ទឹកដី​ប្រទេស​កម្ពុជា​ បាន​បង្ហើប​ប្រាប់​ឲ្យ​ដឹង​ថា​ អ្នកចាត់ការ​ក្រុមហ៊ុនទូរស័ព្ទ​វៀតណាម​ Metfone​ បាន​ដាក់​សម្ពាធ​ឲ្យ​អាជ្ញាធរ​ខ្មែរ​តាម​បណ្តា​ខេត្ត​-​ស្រុក​ត្រូវ​មាន​ភារកិច្ច​ចូលរួម​ថែរក្សា​ការពារ​ខ្សែ​កា​ប្លិ៍​អុ​ប​ទិ​ក​ និង​អង់​តែ​ន​របស់​ក្រុមហ៊ុនទូរស័ព្ទ​វៀតណាម​ Metfone​ កុំ​ឲ្យ​មានការ​ខូចខាត​ ឬ​បាត់បង់​ទៀត​ផង​ (Sic!)​ ។​

​មជ្ឈដ្ឋាន​អ្នកវិភាគ​កិច្ចការ​សង្គម​នៅ​កម្ពុជា​ បាន​លើក​ឡើង​ថា​ បើ​ទោះបី​ក្រសួងការពារជាតិ​កម្ពុជា​ដែល​មាន​ឯកឧត្តម​ នាយ​ឧត្តមសេនីយ៍​ផ្កាយ​មាស​៤​ ឧបនាយករដ្ឋមន្ត្រី​ ទៀ​ បាញ់​ ជា​រដ្ឋមន្ត្រី​អនុញ្ញាត​ឲ្យ​កម្លាំង​កង​យោធពលខេមរភូមិន្ទ​(​ខ​.ភ.​ម​)​ចូលរួម​សហការ​អូស​ពង្រាយ​បណ្តាញ​ខ្សែ​កា​ប្លិ៍​អុ​ប​ទិ​ក​ឲ្យ​ក្រុមហ៊ុនទូរស័ព្ទ​វៀតណាម​ Metfone​ ក៏​ដោយ​ ក៏​មិន​ត្រូវ​យក​ស្លាក​ឈ្មោះ​កង​យោធពលខេមរភូមិន្ទ​ (​ខ​.ភ.​ម​)​ ទៅ​ដាក់​តាំង​នឹង​បង្គោល​ខ្សែ​កា​ប្លិ៍​អុ​ប​ទិ​ក​របស់​ក្រុមហ៊ុនទូរស័ព្ទ​វៀតណាម​ Metfone​ នោះ​ដែរ​ ពីព្រោះ​ការ​សម្ញែង​បែប​នេះ​ហាក់ដូច​ចង់​បង្ហាញ​ឲ្យ​ឃើញ​ថា​ កង​យោធពលខេមរភូមិន្ទ​ធ្វើ​ជា​ខ្នងបង្អែក​ការពារ​ទ្រព្យសម្បត្តិ​ ឬ​ជា​ឧបករណ៍​ស៊ីឈ្នួល​ឲ្យ​ក្រុមហ៊ុនទូរស័ព្ទ​វៀតណាម​ Metfone​ ។​ ម្យ៉ាងទៀត​ ក្នុង​ករណី​អ្នកចាត់ការ​ក្រុមហ៊ុនទូរស័ព្ទ​វៀតណាម​ Metfone​ ដាក់​សម្ពាធ​របៀប​បង្គាប់បញ្ជា​ឲ្យ​អាជ្ញាធរ​ខ្មែរ​នៅ​តាម​បណ្តា​ខេត្ត​-​ស្រុក​ត្រូវ​ថែរក្សា​ការពារ​ទ្រព្យសម្បត្តិ​របស់​ក្រុមហ៊ុន​ផង​នោះ​ គឺ​នឹង​មាន​ន័យ​ថា​ កង​យោធពលខេមរភូមិន្ទ​(​ខ​.ភ.​ម​)​ និង​អាជ្ញាធរ​ខ្មែរ​ក្លាយទៅជា​ឧបករណ៍​ប្រើប្រាស់​របស់​ក្រុមហ៊ុនទូរស័ព្ទ​វៀតណាម​ Metfone​ នៅ​កម្ពុជា​បាត់​អស់​ទៅ​ហើយ​ ។​

​ដូច្នេះ​ គេ​ចោទ​ជា​សំណួរ​ថា​ តើ​កង​យោធពលខេមរភូមិន្ទ​(​ខ​.ភ.​ម​)​ និង​អាជ្ញាធរ​ខ្មែរ​ត្រូវ​មាន​កាតព្វកិច្ច​បម្រើ​ការពារ​ប្រជារាស្ត្រ​ និង​ប្រជាជាតិ​ ព្រមទាំង​ប្រទេស​ខ្មែរ​ ឬ​ក៏​ត្រូវធ្វើ​ខ្លួន​ឲ្យ​ក្លាយទៅជា​ឧបករណ៍​ប្រើប្រាស់​ និង​ការពារ​ផលប្រយោជន៍​ឲ្យ​ក្រុមហ៊ុនទូរស័ព្ទ​វៀតណាម​ Metfone​ នៅ​កម្ពុជា​ ?

​សូម​សម្តេច​អគ្គមហាសេនាបតី​តេ​ជោ​ នាយ​ឧត្តមសេនីយ៍​ផុត​លេខ​ផ្កាយ​មាស​៥​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​,​ ឯកឧត្តម​ នាយ​ឧត្តមសេនីយ៍​ផ្កាយ​មាស​៤​ ទៀ​ បាញ់​ ឧបនាយករដ្ឋមន្ត្រី​ រដ្ឋមន្ត្រី​ក្រសួងការពារជាតិ​ និង​ឯកឧត្តម​ ស​ ខេ​ង​ ឧបនាយករដ្ឋមន្ត្រី​ រដ្ឋមន្ត្រី​ក្រសួងមហាផ្ទៃ​ មេត្តា​គិតគូរ​ពិចារណា​ឲ្យ​បាន​ល្អិតល្អន់​ក្នុង​ករណី​នេះ​ផង​ ដើម្បី​លើក​ស្ទួយ​កិត្យានុភាព​ជាតិ​នៃ​ព្រះរាជាណាចក្រ​កម្ពុជា​ឡើង​វិញ​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.