ថ្ងៃ ពុធ ទី ២៥ ខែ ឧសភា ឆ្នាំ ២០២២

ជន​ទំនើង​ល្បី​ពេញ​ភូមិ​ដែល​ជាប់​សង្ស័យ​វាយ​សម្លាប់​មន្ត្រី​រដ្ឋាករទឹក​នៅ​ជ្រោយចង្វា​ត្រូវ​បាន​ចាប់ខ្លួន​ហើយ​

​បន្ទាប់​ពី​បាន​ស៊ើបអង្កេត​ស្រាវជ្រាវ​អស់​រយៈពេល​២​ថ្ងៃ​ជាប់ៗ​គ្នា​ និង​ដោយ​មានការ​ឯកភាព​ពី​តំណាង​ស្ថាប័ន​អយ្យការ​អម​សាលាដំបូង​រាជធានី​ភ្នំពេញ​ផង​នោះ​ ជន​ទំនើង​ល្បីឈ្មោះ​ពេញ​ភូមិ​ដែល​ជាប់​សង្ស័យ​នឹង​ករណី​ឃាតកម្ម​វាយ​សម្លាប់​មន្ត្រី​រដ្ឋាករទឹក​ស្វយ័ត​រាជធានី​ភ្នំពេញ​ម្នាក់​នៅ​សង្កាត់​ជ្រោយចង្វា​ ខណ្ឌ​ជ្រោយចង្វា​ រាជធានី​ភ្នំពេញ​ ត្រូវ​សមត្ថកិច្ច​នគរបាល​ព្រហ្មទណ្ឌ​កម្រិត​ស្រាល​នៃ​ស្នងការដ្ឋាន​នគរបាល​រាជធានី​ភ្នំពេញ​ចាប់ខ្លួន​បាន​ហើយ​ កាលពី​ថ្ងៃ​ទី​២៧​ ខែសីហា​ ឆ្នាំ​២០១៤​ម្សិលមិញ​ និង​បាន​យក​មក​បង្ហាញ​មុខជា​សាធារណៈ​នៅ​រសៀល​ថ្ងៃ​ទី​២៨​ ខែសីហា​ ឆ្នាំ​២០១៤​នេះ​ នៅ​ស្នងការដ្ឋាន​នគរបាល​រាជធានី​ភ្នំពេញ​ ។​

​ជន​ទំនើប​ល្បីឈ្មោះ​ពេញ​ភូមិ​ដែល​ជាប់​សង្ស័យ​នឹង​ករណី​ឃាតកម្ម​វាយ​សម្លាប់​មន្ត្រី​រដ្ឋាករទឹក​ស្វយ័ត​រាជធានី​ភ្នំពេញ​ នៅ​សង្កាត់​ជ្រោយចង្វា​ ដែល​ត្រូវ​សមត្ថកិច្ច​ចាប់ខ្លួន​បាន​នោះ​មានឈ្មោះ​ ស៊ុន​ រ៉ា​នី​ ភេទ​ប្រុស​ អាយុ​២២​ឆ្នាំ​ មាន​ទីលំនៅ​ភូមិ​២​ សង្កាត់​ជ្រោយចង្វា​ ខណ្ឌ​ជ្រោយចង្វា​ រាជធានី​ភ្នំពេញ​ ។​ រីឯ​ជន​រង​គ្រោះជា​មន្ត្រី​រដ្ឋាករទឹក​ស្វយ័ត​រាជធានី​ភ្នំពេញ​ដែល​ស្លាប់​បាត់បង់​ជីវិត​ក្នុង​អំពើ​ឃាតកម្ម​នេះ​ មានឈ្មោះ​ រស់​ ច​ន្ទ្រា​ ភេទ​ប្រុស​ អាយុ​២១​ឆ្នាំ​ មាន​ទីលំនៅ​ក្នុង​សង្កាត់​ជ្រោយចង្វា​ ខ​ណ្ជ​ជ្រោយចង្វា​ រាជធានី​ភ្នំពេញ​ ។​

​សមត្ថកិច្ច​បាន​បញ្ជាក់​ប្រាប់​ឲ្យ​ដឹង​ថា​ ជនសង្ស័យ​និង​គូកន​តែង​បាន​បង្ក​បញ្ហា​ជា​ញឹកញាប់​នៅ​ក្នុង​មូលដ្ឋាន​ ធ្វើ​ឲ្យ​ប្រជាពលរដ្ឋ​មានការ​ភ័យ​ខ្លាច​ ដ្បិត​ជនសង្ស័យ​ឈ្មោះ​ ស៊ុន​ រ៉ា​នី​ នេះ​កាលពី​អំឡុង​ឆ្នាំ​២០០៩​កន្លង​ទៅ​ ធ្លាប់​ប្រព្រឹត្ត​ល្មើស​ដោយ​កាប់​ទៅ​លើ​ជន​រង​គ្រោះ​ម្នាក់​ចំ​ផ្ទៃមុខ​ រួច​រត់​ភៀសខ្លួន​ទៅ​ប្រទេស​ម៉ា​ឡេ​ស៊ី​អស់​មួយ​រយៈពេល​ទើប​ក្នុង​ឆ្នាំ​២០១០​ ក៏​បាន​វិល​ត្រឡប់​មក​កាន់​ស្រុក​កំណើត​វិញ​ និង​បាន​បន្ត​ធ្វើ​សកម្មភាព​អុកឡុក​ក្នុង​មូលដ្ឋាន​ដូច​មុន​ដដែល​ ។​ ក្រុម​ជនសង្ស័យ​និង​គូកន​ បន្ទាប់​ពី​បាន​ធ្វើ​សកម្មភាព​វាយ​សម្លាប់​ទៅ​លើ​ជន​រង​គ្រោះជា​មន្ត្រី​រដ្ឋាករទឹក​ស្វយ័ត​រាជធានី​ភ្នំពេញ​នោះ​រួច​ហើយ​ ក៏​បាន​ទៅ​ធ្វើ​សកម្មភាព​ទាត់​ធាក់​ទូ​ទូរស័ព្ទ​របស់​ជន​រង​គ្រោះជា​អ្នកលក់​ទូរស័ព្ទ​ យក​ទូរស័ព្ទ​អស់​ចំនួន​២​គ្រឿង​ ទើប​ក្រុម​ប្រជាពលរដ្ឋ​ដែល​បាន​ប្រទះ​ឃើញ​ជនសង្ស័យ​ ក៏​នាំ​គ្នា​ផ្តិត​មេដៃ​ប្តឹង​ឲ្យ​សមត្ថកិច្ច​ចាប់ខ្លួន​ និង​ផ្តន្ទាទោស​ទៅ​តាម​ច្បាប់​តែ​ម្តង​ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.