ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

ប៉ុស្តិ៍​ឈរជើង​របស់​លោក​ស័ក្តិ​៥​ ឃួ​ន​ ជឿន​ ក្លាយជា​ច្រក​ឲ្យ​ពលករ​ខ្មែរ​ចេញ​ទៅ​ស្រុក​ថៃ​កាប់​ឈើ​ខុសច្បាប់​

​កាលពី​វេលា​ម៉ោង​១៣​និង​១២​នាទី​រសៀល​ ថ្ងៃ​ទី​២៦​ ខែសីហា​ ឆ្នាំ​២០១៤​ម្សិលមិញ​នេះ​ គេ​បានឃើញ​វត្តមាន​ពលករ​ខ្មែរ​ជា​ច្រើន​នាក់​ប្រមូលផ្តុំ​គ្នា​ចេញ​ទៅ​ស្រុក​ថៃ​ ដើម្បី​កាប់​ឈើ​គ្រញូង​ខុសច្បាប់​នៅ​លើ​ទឹកដី​ថៃ​ តាម​ច្រករបៀង​ឋិត​ក្នុងភូមិ​សាស្ត្រ​ភូមិ​ជោគជ័យ​ ឃុំ​អូរ​បី​ជាន់​ ស្រុក​អូរ​ជ្រៅ​ ខេត្តបន្ទាយមានជ័យ​ ដែល​ជា​ប៉ុស្តិ៍​ឈរជើង​របស់​មេបញ្ជាការ​វរ​ការពារ​ព្រំដែន​ជើង​គោក​លេខ​៥១៥​ គ្រប់គ្រង​ដោយ​លោក​វរសេនីយ៍ឯក​ ឃួ​ន​ ជឿន​ ។​

​តាម​ការ​បង្ហើប​ប្រាប់​របស់​ក្រុម​ប្រជាពលរដ្ឋ​ដែល​រស់នៅ​ទីនោះ​បាន​ឲ្យ​ដឹង​ថា​ នៅ​ជាប់​នឹង​ច្រក​ប៉ុស្តិ៍​របស់​លោក​ស័ក្តិ​៥​ ឃួ​ន​ ជឿន​ មាន​លំនៅ​ឋាន​មួយ​សម្រាប់​បង្ក​លក្ខណៈ​ងាយស្រួល​ឲ្យ​ពលករ​ខ្មែរ​ប្រមូលផ្តុំ​គ្នា​ចេញ​-​ចូល​ទៅ​ស្រុក​ថៃ​ ដើម្បី​ចូល​ទៅ​កាប់​ឈើ​គ្រញូង​ខុសច្បាប់​នៅ​ក្នុង​ទឹកដី​ថៃ​ ដោយ​ក្រុម​មន្ត្រី​បាន​ប្រមូល​លុយកាក់​ពី​ក្រុម​ពលករ​ខ្មែរ​ទាំងនោះ​ជា​ប្រចាំ​ ។​

​សូម​អាជ្ញាធរ​ខេត្តបន្ទាយមានជ័យ​គ្រប់​ជាន់ថ្នាក់​ មេត្តា​ត្រួតពិនិត្យ​មើល​មន្ត្រី​ប្រចាំការ​ច្រករបៀង​នានា​ដែល​ជាប់​នឹង​ព្រំដែន​កម្ពុជា​-​ថៃ​ផង​ ដ្បិត​វត្តមាន​ពលករ​ខ្មែរ​ចូល​ទៅ​ស្រុក​ថៃ​ដោយ​ខុសច្បាប់​ គឺ​បាន​ប្រព្រឹត្ត​ឡើង​តាម​ច្រករបៀង​ទាំងនោះ​ ដោយសារ​មន្ត្រី​គ្រប់គ្រង​ច្រករបៀង​គិតតែ​ពី​ប្រមូល​លុយ​ដាក់​ហោប៉ៅ​ចែក​គ្នា​ចាយ​ជាមួយ​ក្រុម​មេខ្យល់​ដែល​នាំ​ពលករ​ខ្មែរ​ឲ្យ​ចូល​ទៅ​ធ្វើការ​ និង​ចូល​ទៅ​កាប់​ឈរ​ខុសច្បាប់​នៅ​ស្រុក​ថៃ​ជា​ហូរហែ​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.