ថ្ងៃ ពុធ ទី ២២ ខែ កញ្ញា ឆ្នាំ ២០២១

ខាតបង់​ទឹកប្រាក់​៤.០០០​លាន​ដុល្លារ​ក្នុង​១​ឆ្នាំ​ដោយ​អំពើ​ចោរកម្ម​លួច​រថយន្ត​ ខណៈ​ Honda​ Accord​ ជាប់​លំដាប់​កំពូល​រថយន្ត​ដែល​ចោរ​ចូល​ចិត្ត​លួច​

​ការិយាល័យ​ធា​រា​រ៉ាប់រង​ឧក្រិដ្ឋកម្ម​ជាតិ​របស់​សហរដ្ឋអាមេរិក​ បាន​បញ្ចេញ​ឲ្យ​ដឹង​ថា​ រថយន្ត​ម៉ាក​ Honda​ Accord​ និង​ Honda​ Civic​ បាន​ជាប់​ចំណាត់ថ្នាក់​កំពូល​ក្នុង​បញ្ជី​រថយន្ត​ដែល​ពួក​ចោរ​ចូល​ចិត្ត​លួច​ច្រើន​ជាងគេ​ ចាប់តាំងពី​ឆ្នាំ​២០១៣​មក​ ពោល​គឺ​ Honda​ Accord​ ត្រូវ​បាន​ចោរលួច​អស់​ចំនួន​៥៣.៩៩៥​គ្រឿង​ និង​ Honda​ Civic​ ត្រូវ​បាន​ចោរលួច​អស់​ចំនួន​៤៥.០០១​គ្រឿង​ ជាប់​លំដាប់​លេខ​២​នៅ​ឆ្នាំ​២០១៣​ ខណៈ​រថយន្ត​ម៉ាក​ Chevrolet​ ប្រភេទ​Pick​ Up​ ចំនួន​២៧.៨០៩​គ្រឿង​ និង​រថយន្ត​ម៉ាក​ Ford​ ប្រភេទ​ Pick​ Up​ ចំនួន​២៦.៤៩៤​គ្រឿង​ ត្រូវ​បាន​ចោរលួច​ ។​ រីឯ​ជាប់​ចំណាត់ថ្នាក់​ចុង​ក្រោយ​ក្នុង​បញ្ជី​លំដាប់​កំពូល​ទាំង​៥​ គឺ​រថយន្ត​ម៉ាក​ TOYOTA​ Camry​ ដែល​ពួក​ចោរ​ចូល​ចិត្ត​លួច​ ។​

​ភ្នាក់ងារ​ FBI​ របស់​សហរដ្ឋអាមេរិក​ បាន​អះអាង​ថា​ មានការ​ធ្លាក់​ចុះ​ប្រមាណ​៣,២​ភាគរយ​ក្នុង​អំពើ​ចោរកម្ម​ កាលពី​ឆ្នាំ​២០១៣​កន្លង​ទៅ​ ដែល​ការ​បូក​សរុប​ចុង​ក្រោយ​មាន​រថយន្ត​ចំនួន​៧០០.០០០​គ្រឿង​ ត្រូវ​បាន​ចោរលួច​ ដោយ​មិន​រាប់​បញ្ចូល​តួលេខ​ចាប់តាំងពី​ឆ្នាំ​១៩៦៧​មក​នោះ​ទេ​ ។​

​លោក​ Joe​ Wehrle​ នាយក​ប្រតិបត្តិ​នៃ​ការិយាល័យ​ធាន​រ៉ាប់រង​ឧក្រិដ្ឋកម្ម​ជាតិ​សហរដ្ឋអាមេរិក​ បាន​បញ្ជាក់​ឲ្យ​ដឹង​ថា​ មានការ​ខាតបង់​ទឹកប្រាក់​ចំនួន​៤.០០០​លាន​ដុល្លារ​អា​មេ​រិ​ក​ក្នុង​១​ឆ្នាំ​ ដោយសារ​អំពើ​ចោរកម្ម​លួច​រថយន្ត​ ។​ ដូច្នេះ​ ការ​ធ្លាក់​ចុះ​នៃ​អំពើ​ចោរកម្ម​គឺជា​ដំណឹង​ល្អ​សម្រាប់​អតិថិជន​ប្រើប្រាស់​រថយន្ត​ទាំងអស់​ ៕​

 

Filed in: Feature, សេដ្ឋកិច្ច, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.