ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

ផ្កាយ​៥​ ហ៊ុន​ សែន​ ធ្វើ​លិខិត​អបអរសាទរ​ផ្កាយ​៤​ ប្រា​យុទ្ធ​ ចាន់​អូ​ចា​ ឡើងជា​នាយក​រដ្ឋមន្ត្រី​ថៃ​ទី​២៩

​នៅ​ថ្ងៃ​ទី​២២​ ខែសីហា​ ឆ្នាំ​២០១៤​នេះ​ សម្តេច​អគ្គមហាសេនាបតី​តេ​ជោ​ នាយ​ឧត្តមសេនីយ៍​ផុត​លេខ​ផ្កាយ​មាស​៥​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ បាន​ធ្វើ​លិខិតផ្លូវការ​មួយ​ច្បាប់​សម្តែង​នូវ​ការ​អបអរសាទរ​ចំពោះ​ឯកឧត្តម​ នាយ​ឧត្តមសេនីយ៍​ផ្កាយ​៤​ ប្រា​យុទ្ធ​ ចាន់​អូ​ចា​ (Prayuth​ Chan-Ocha)​ ប្រមុខ​យោធា​ថៃ​ដែល​បាន​ឡើង​កាន់​តំណែង​ជា​នាយក​រដ្ឋមន្ត្រី​ទី​២៩​នែ​ព្រះរាជាណាចក្រ​ថៃ​ ។​

​លិខិតផ្លូវការ​របស់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ បាន​គូសបញ្ជាក់​ថា​ "​ខ្ញុំ​មាន​សេចក្តី​សោមនស្ស​រីករាយ​ សូម​សម្តែង​នូវ​អំណរ​សាទរ​យ៉ាង​ស្មោះស្ម័គ្រ​បំផុត​ជូន​ឯកឧត្តម​ ក្នុង​ឱកាស​ដែល​ឯកឧត្តម​ត្រូវ​បាន​សភា​នីតិប្បញ្ញត្តិ​បោះ​ឆ្នោត​ជា​ឯកច្ឆន្ទ​ ជ្រើសតាំង​ជា​នាយក​រដ្ឋមន្ត្រី​នៃ​ព្រះរាជាណាចក្រ​ថៃ​ កាលពី​ថ្ងៃ​ទី​២១​ ខែសីហា​ ឆ្នាំ​២០១៤​ ។​ ខ្ញុំ​មាន​សុទិដ្ឋិនិយម​យ៉ាង​ខ្លាំង​ថា​ ឯកឧត្តម​ និង​ខ្ញុំ​ពិតជា​អាច​ធ្វើ​ឲ្យ​ចំណង​សាមគ្គីភាព​ និង​អ្នក​ជិតខាង​ល្អ​កាន់តែ​មាន​ភាព​ជិត​ស្និទ្ធ​ និង​មាន​កិច្ច​សហប្រតិបត្តិការ​ប្រកបដោយ​ផ្លែផ្កា​ ដើម្បី​ផលប្រយោជន៍​ប្រជាជាតិ​ និង​ប្រជាជន​យើង​ទាំង​ពីរ​ ។​ "​ ។​

​សូម​បញ្ជាក់​ជូន​ថា​ លោក​ឧត្តមសេនីយ៍​ ប្រា​យុទ្ធ​ ចាន់​អូ​ចា​​ អាយុ៦០ឆ្នាំ​ គឺជា​ប្រមុខ​យោធា​ដើរតួ​អង្គ​ដ៏​សំខាន់​ក្នុង​ការ​ធ្វើ​រដ្ឋប្រហារ​យោធា​ទម្លាក់​រាជរដ្ឋាភិបាល​លោកស្រី​ យី​ង​ឡាក់​ ស៊ី​ណា​វ៉ា​ត្រា​ ជា​អតីត​នាយក​រដ្ឋមន្ត្រី​ទី​២៨​នៃ​ព្រះរាជាណាចក្រ​ថៃ​ កាលពី​ថ្ងៃទី២២ ខែឧសភា​ ឆ្នាំ​២០១៤​កន្លង​មក​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.