ថ្ងៃ សៅរ៏ ទី ០៨ ខែ សីហា ឆ្នាំ ២០២០

អំពើ​ពុក​រលួយ​ធំៗ​ចំនួន​២​ករណី​ដែល​អាជ្ញាធរ​ច្រក​ទ្វារ​ព្រំដែន​កម្ពុជា​-​ថៃ​បំបាក់មុខ​បុរស​ខ្លាំង​ឲ្យ​អាម៉ាស់​បំផុត​

​ពលករ​ខ្មែរ​ដែល​ទៅ​ធ្វើការ​ខុសច្បាប់​នៅ​ប្រទេស​ថៃ​ក្នុង​ចំនួន​រាប់​ម៉ឺន​នាក់​ ត្រូវ​បាន​អាជ្ញាធរ​ថៃ​ចាប់​បញ្ជូន​មក​ស្រុក​ខ្មែរ​វិញ​ កាលពី​អំឡុង​ខែមិថុនា​ ឆ្នាំ​២០១៤​កន្លង​ទៅ​ ធ្វើ​ឲ្យ​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ អាម៉ាស់មុខ​មិន​ស្ទើរ​រួច​ម្តង​មក​ហើយៗ​អាជ្ញាធរ​កម្ពុជា​ក៏​បាន​ចំណាយ​លុយកាក់​មិន​តិច​ជាង​៥​លាន​ដុល្លារ​អា​មេ​រិ​ក​ឡើយ​ ក្នុង​ការ​បម្រើសេវា​ដឹក​ជញ្ជូន​ពលករ​ខ្មែរ​ទាំងនោះ​ទៅ​ស្រុក​កំណើត​រៀងៗ​ខ្លួន​នៅ​តាម​បណ្តា​ខេត្ត​នានា​ ។​

​ដោយឡែក​ កាលពី​ថ្ងៃ​ទី​១៤​ ខែសីហា​ ឆ្នាំ​២០១៤​កន្លង​ទៅ​ថ្មីៗ​នេះ​ដែរ​ កម្មករ​ខ្មែរ​ដែល​ប្រើ​កម្លាំង​ពលកម្ម​អូស​រទេះដឹក​ទំនិញ​នៅ​ច្រក​ទ្វារ​ព្រំដែន​អន្តរជាតិ​ប៉ោយ​ប៉ែ​ត​ ខេត្តបន្ទាយមានជ័យ​ ជិត​២០​នាក់​ ត្រូវ​បាន​ទាហាន​ឈុត​ខ្មៅ​ថៃ​ចាប់​ឃុំឃាំង​ក្រោម​បទចោទប្រកាន់​ថា​ បាន​លួច​បង្កប់​ទំនិញ​ខោអាវ​គីប​(​ជជុះ​)​បំពាន​លើ​កម្មសិទ្ធិបញ្ញា​របស់​ក្រុមហ៊ុន​ថៃ​មួយ​ រហូត​ធ្វើ​ឲ្យ​ក្រុម​កម្មករ​ខ្មែរ​ និង​អាជីវករ​ខ្មែរ​លក់ដូរ​នៅ​ផ្សារ​រុង​ក្លឿ​ជា​ច្រើន​នាក់​ខឹងសម្បា​ លើកគ្នា​តវ៉ា​បិទ​ច្រក​ទ្វារ​ព្រំដែន​កាលពី​ថ្ងៃ​ទី​១៦​ ខែសីហា​ ឆ្នាំ​២០១៤​ ដើម្បី​ដាក់​សម្ពាធ​ឲ្យ​មានការ​ដោះ​លែង​ កម្មករ​ខ្មែរ​ដែល​អាជ្ញាធរ​ថៃ​ចាប់​ឃុំខ្លួន​ទាំងនោះ​ទទួល​បាន​សេរីភាព​វិញ​ ។​

​រឿងរ៉ាវ​ពលករ​ខ្មែរ​ដែល​ទៅ​ធ្វើការ​ខុសច្បាប់​នៅ​ប្រទេស​ថៃ​ក្នុង​ចំនួន​រាប់​ម៉ឺន​នាក់​ ហើយ​ត្រូវ​បាន​អាជ្ញាធរ​ថៃ​ចាប់​បញ្ជូន​ត្រឡប់​មក​វិញ​នា​ពេល​កន្លង​ទៅ​នោះ​ គឺ​ត្រូវ​បាន​ក្រុម​មន្ត្រី​ប្រចាំ​ា​ការ​នៅ​ច្រក​ទ្វារ​ព្រំដែន​កម្ពុជា​-​ថៃ​ទាំង​ច្រក​របៀប​ ទាំង​ច្រក​អន្តរជាតិ​ (​ជា​ពិសេស​ច្រករបៀង​)​ ទទួល​លុយកាក់​ពី​ក្រុម​មេខ្យល់​ រូ​ច​ហើយ​បើកដៃ​ឲ្យ​ដឹកនាំ​ពលករ​ខ្មែរ​ទៅ​ធ្វើការ​ខុសច្បាប់​នៅ​ប្រទេស​ថៃ​តែ​ម្តង​ ដោយ​មិន​ខ្វល់​នឹង​ការ​អំពាវនាវ​របស់​បុរស​ខ្លាំង​ជា​នាយក​រដ្ឋមន្ត្រី​ឡើយ​ ហើយ​ពលករ​ខ្មែរ​ទាំងនោះ​ក៏​មិនមែន​ហោះហើរ​កាត់​តាម​លើ​មេឃ​ចូល​ទៅ​ទឹកដី​ថៃ​បាន​ដែរ​ ។​ នេះ​គឺជា​រូបភាព​នៃ​អំពើ​ពុក​រលួយ​របស់​ក្រុម​មន្ត្រី​ក្រោម​ឱវាទ​បុរស​ខ្លាំង​ ប្រចាំការ​នៅ​តាម​បណ្តា​ច្រក​ទ្វារ​ព្រំដែន​កម្ពុជា​-​ថៃ​តាម​លំដាប់ថ្នាក់​ ។​

​រីឯ​ករណី​រំលោភ​លើ​កម្មសិទ្ធិបញ្ញា​របស់​ក្រុមហ៊ុន​ថៃ​មួយ​ឈ្មោះ​ លី​ តា​ស៊ី​ត​ លើ​ការ​នាំ​ចូល​ខោអាវ​គីប​ពី​ស្រុក​ខ្មែរ​ លួច​យក​ទៅ​លក់​នៅ​ទីផ្សារ​រុង​ក្លឿ​ក្នុង​ទឹកដី​ប្រទេស​ថៃ​នោះ​ គឺ​ពិតជា​មាន​មែន​ ទើប​អាជ្ញាធរ​ថៃ​ចាប់​នូវ​ទំនិញ​ល្មើស​ដែល​ដាក់​បង្កប់​តាម​រទេះអូស​របស់​កម្មករ​ខ្មែរ​ ខណៈ​ដែល​ទំនិញ​ខោអាវ​គីប​ជា​កម្មសិទ្ធិ​ផ្តាច់មុខ​របស់​ក្រុមហ៊ុន​ថៃ​ឈ្មោះ​ លី​ តា​ស៊ី​ត​ ហើយ​ត្រូវ​បាន​ក្លែងបន្លំ​នាំ​ចេញពី​ស្រុក​ខ្មែរ​ទៅ​នោះ​ ក៏​មិន​អាច​ហោះហើរ​កាត់​តាម​លើ​មេឃ​បាន​ដែរ​ គឺ​ត្រូវ​តែ​ឆ្លងកាត់​ប៉ុស្តិ៍​ត្រួតពិនិត្យ​របស់​មន្ត្រី​ប្រចាំការ​នៅ​ច្រក​ទ្វារ​ព្រំដែន​អន្តរជាតិ​ប៉ោយ​ប៉ែ​ត​ ឬ​ច្រករបៀង​នានា​ ។​ ដូច្នេះ​ ការណ៍​ដែល​ទំនិញ​ក្លែងបន្លំ​ទាំងឡាយ​នាំ​ចេញពី​ស្រុក​ខ្មែរ​ចូល​ទៅ​ស្រុក​ថៃ​ដោយ​ខុសច្បាប់​រហូត​ដល់​ត្រូវ​អាជ្ញាធរ​ថៃ​ចាប់​បាន​នោះ​ គឺ​បាន​បង្ហាញ​អំពី​រូបភាព​នៃ​អំពើ​ពុក​រលួយ​ ឬ​អសមត្ថភាព​របស់​មន្ត្រី​ប្រចាំការ​នៅ​តាម​បណ្តា​ច្រក​ទ្វារ​ព្រំដែន​កម្ពុជា​-​ថៃ​ ដូច​ករណី​វត្តមាន​ពលករ​ខ្មែរ​ទៅ​ធ្វើការ​ខុសច្បាប់​នៅ​ប្រទេស​ថៃ​ដែរ​ ។​

​សរុបសេចក្តី​មក​ ទាំងនេះ​គឺជា​ព័ស្តុតាង​ដែល​បង្ហាញ​ឲ្យ​ឃើញ​អំពី​រូបភាព​នៃ​ការ​ប្រព្រឹត្ត​អំពើ​ពុក​រលួយ​ធំៗ​ចំនួន​២​ករណី​របស់​មន្ត្រី​អាជ្ញាធរ​ច្រក​ទ្វារ​ព្រំដែន​កម្ពុជា​-​ថៃ​ បាន​និង​កំពុង​បំបាក់មុខ​បុរស​ខ្លាំង​ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ ឲ្យ​អាម៉ាស់​បំផុត​លើ​ឆាក​ជាតិ​ និង​ឆាក​អន្តរជាតិ​(​ជា​ពិសេស​ខ្មាស​ប្រទេស​ថៃ​តែ​ម្តង​)​ ។​

​សូម​បុរស​ខ្លាំង​មេត្តា​ភ្ញាក់រលឹក​ឡើង​ ហើយ​ធ្វើការ​ត្រួតពិនិត្យ​ និង​មាន​វិធានការ​ទៅ​លើ​មន្ត្រី​ពុក​រលួយ​ដែល​ប្រចាំការ​នៅ​តាម​ច្រក​ទ្វារ​ព្រំដែន​កម្ពុជា​-​ថៃ​ទាំងនោះ​ផង​ ដើម្បី​កុំ​ឲ្យ​បន្ត​បាក់មុខ​ បាក់​មាត់​តទៅ​ទៀត​ ៕​ Khmer-Worker-980Khmer-Workder880 Khmer-worker-in-thailand.jpg480 Khmer-worker-in-thailand80

Filed in: Feature, ទស្សនៈនយោបាយ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.