ថ្ងៃ ពុធ ទី ២៩ ខែ មិថុនា ឆ្នាំ ២០២២

រដ្ឋមន្ត្រី​ទេសចរណ៍​ជប៉ុន​ ៖​ គ្មាន​ប្រជារាស្ត្រ​ជប៉ុន​ណា​ម្នាក់​ដែល​នឹង​មិន​ស្គាល់​អង្គរវត្ត​នោះ​ទេ​

​នៅ​ក្នុង​ជំនួប​ផ្លូវការ​មួយ​រវាង​សម្តេច​អគ្គមហាសេនាបតី​តេ​ជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ និង​ឯកឧត្តម​ Akihiro​ Ohta​ រដ្ឋមន្ត្រីក្រសួង​ដែនដី​ ហេដ្ឋារចនាសម្ព័ន្ធ​ ដឹក​ជញ្ជូន​ និង​ទេសចរណ៍​ជប៉ុន​ នៅ​រាជធានី​ភ្នំពេញ​កាលពី​ថ្ងៃ​ទី​១៥​ ខែសីហា​ ឆ្នាំ​២០១៤​កន្លង​ទៅ​នោះ​ ឯកឧត្តម​ Akihiro​ Ohta​ បាន​បញ្ជាក់​ប្រាប់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ថា​ ជប៉ុន​មាន​បំណង​ធ្វើ​សហប្រតិបត្តិការ​ជាមួយ​កម្ពុជា​លើ​វិស័យ​ហេដ្ឋារចនាសម្ព័ន្ធ​ ដូច​ជា​ការ​សាងសង់​ផ្លូវ​ High​ Way​ ប្រព័ន្ធ​ចម្រោះ​ទឹក​ស្អាត​ និង​វិស័យ​អាកាសចរណ៍​ស៊ី​វិល​ជា​ដើ​ម …​។​

​ថ្លែង​នៅ​ក្នុង​ជំនួប​ពិភាក្សា​ការងារ​ដោយឡែក​ជាមួយ​ឯកឧត្តម​បណ្ឌិត​ ថោ​ង​ ខុន​ រដ្ឋមន្ត្រី​ក្រសួងទេសចរណ៍​កម្ពុជា​ កាលពី​ថ្ងៃ​ទី​១៥​ ខែសីហា​ ឆ្នាំ​២០១៤​កន្លង​ទៅ​ នៅ​ទីស្តីការ​ក្រសួងទេសចរណ៍​ ទាក់ទង​នឹង​ការ​ពង្រឹង​ និង​ការ​អ​អភិវឌ្ឍន៍​វិស័យ​ទេសចរណ៍​នៅ​កម្ពុជា​ ជា​ពិសេស​ការ​អនុវត្ត​តំបន់​ត​ទស​ចរណ៍​អង្គរ​ និង​តំបន់ឆ្នេរ​នោះ​ផង​ដែរ​ ឯកឧត្តម​ Akihiro​ Ohta​ បាន​បា​ញ្ជា​ក់​អះអាង​ថា​ គ្មាន​ប្រជារាស្ត្រ​ជប៉ុន​ណា​ម្នាក់​ដែល​នឹង​មិន​ស្គាល់​ប្រាសាទអង្គរវត្ត​របស់​ព្រះរាជាណាចក្រ​កម្ពុជា​នោះ​ទេ​ ដ្បិត​ក្រៅពី​អ្នកទេសចរ​ជប៉ុន​រាប់​សែន​នាក់​ដែល​មក​ទស្សនា​ប្រាសាទអង្គរវត្ត​ដោយ​ផ្ទាល់​នោះ​ ព្រះរាជាណាចក្រ​ជប៉ុន​បាន​បញ្ចូល​ប្រាសាទអង្គរវត្ត​ទៅ​ក្នុង​មេរៀន​ប្រវត្តិសាស្ត្រ​នៃ​ប្រទេស​ជប៉ុន​ សម្រាប់​ការ​សិក្សា​របស់​សិស្សានុសិស្ស​ថ្នាក់​កម្រិត​អនុ​វិទ្យាល័យ​ទៀត​ផង​ ។​

​ឯកឧត្តម​ Akihiro​ Ohta​ បាន​បញ្ជាក់​ថា​ ប្រជារាស្ត្រ​ជប៉ុន​ប្រមាណ​ជា​២០​ម៉ឺន​នាក់​ បាន​មក​ទស្សនា​ប្រាសាទអង្គរវត្ត​ដោយ​ផ្ទាល់​នា​ឆ្នាំ​២០១៣​កន្លង​មក​ និង​បច្ចុប្បន្ន​នេះ​ជប៉ុន​បាន​បញ្ចូល​ប្រាសាទអង្គរវត្ត​ទៅ​ក្នុង​មេរៀន​ប្រវត្តិសាស្ត្រ​ ដើម្បី​បង្រៀន​សិស្សានុសិស្ស​កម្រិត​ថ្នាក់​អនុ​វិទ្យាល័យ​ ដូច្នេះ​គ្មាន​ប្រជារាស្ត្រ​ជប៉ុន​ណា​ម្នាក់​ដែល​ថា​ មិន​ស្គាល់​ប្រាសាទអង្គរវត្ត​នៃ​ព្រះរាជាណាចក្រ​កម្ពុជា​នោះ​ឡើយ​ ។​

​សូម​ញ្ជា​ក់​ជូន​ថា​ ព្រះរាជាណាចក្រ​កម្ពុជា​ និង​ព្រះរាជាណាចក្រ​ជប៉ុន​ បាន​ចុះ​កិច្ចសន្យា​ជាមួយ​គ្នា​រួច​ហើយ​ រវាង​អាកាសចរណ៍​ស៊ី​វិល​កម្ពុជា​ និង​ជប៉ុន​បើក​ឲ្យ​មានការ​ហោះហើរ​ត្រង់​ពី​ទីក្រុង​ Nairita​ របស់​ជប៉ុន​ មក​កាន់​ទីក្រុង​សៀមរាប​តែ​ម្តង​នៅ​ខែកញ្ញា​ ឆ្នាំ​២០១៤​ខាង​មុខ​ឆាប់ៗ​នេះ​ ដែល​កម្ពុជា​សង្ឃឹមទុក​ថា​ នឹង​ទទួល​បាន​ភ្ញៀវ​ទេសចរ​ជប៉ុន​កាន់តែ​ច្រើន​ឡើង​ថែម​ទៀត​ជា​មិន​ខាន​ ៕​

HUn-Sen-Akora

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.