ថ្ងៃ ពុធ ទី ២៩ ខែ មិថុនា ឆ្នាំ ២០២២

សង្សារ​រួមរ័ក​គ្នា​នៅផ្ទះ​សំណាក់​ដល់​ថ្នាក់​ដៃគូ​ខាង​ស្រី​ដាច់ខ្យល់​ស្លាប់​ បង្ក​ការ​ភ្ញាក់ផ្អើល​ពេញ​ក្រុង​សៀមរាប​

​មាន​ហេតុការណ៍​ដ៏​គួរ​ឲ្យ​ភ្ញាក់ផ្អើល​មួយ​ និង​ក៏​មិន​ធ្លាប់​មាន​កន្លង​មក​ បាន​កើតឡើង​កាលពី​វេលា​ម៉ោង​២១​និង​៤៥​នាទី​ រាត្រី​ថ្ងៃ​ទី​១៥​ ខែសីហា​ ឆ្នាំ​២០១៤​ម្សិលមិញ​នេះ​ ឋិត​នៅផ្ទះ​សំណាក់​យីហោ​ "​អង្គរ​មាន​ឫទ្ធិ​"​ ក្នុងភូមិ​ស្ល​ក្រាម​ សង្កាត់​ស្ល​ក្រាម​ ក្រុង​សៀមរាប​ ខេត្តសៀមរាប​ ដោយ​គូសង្សារ​វ័យក្មេង​មួយគូ​ ត្រូវ​ភ្លើង​ស្នេហ៍​ដុត​អារម្មណ៍​រោលរាល​មិន​អាច​ទ្រាំ​បាន​ ក៏​រួមរ័ក​គ្នា​រហូត​បណ្តាល​ឲ្យ​ដៃគូ​ខាង​ស្រី​ដាច់ខ្យល់​ស្លាប់​ ហើយ​យុវជន​ដែល​រួមរ័ក​ជាមួយ​សង្សារ​នោះ​ត្រូវ​បាន​សមត្ថកិច្ច​ចាប់​ឃាត់ខ្លួន​ភ្លាមៗ​  ក្នុង​សំណុំរឿង​"​រួមដំណេក​លុះ​ក្ស័យ​"​ ។​

​យុវជន​មាឌ​មាំ​ពេញកម្លាំង​ដូច​ក្របី​ឡើងក​ ដែល​រួមរ័ក​ជាមួយ​សង្សារ​ បណ្តាល​ឲ្យ​នាង​ដាច់ខ្យល់​ស្លាប់​ និង​ត្រូវ​សមត្ថកិច្ច​ចាប់​ឃាត់ខ្លួន​នោះ​ មានឈ្មោះ​ ម៉ា​ន់​ គឹ​ម​ហួង​ អាយុ​២១​ឆ្នាំ​ មុខរបរ​ជា​ជាង​ផ្សារ​ដែក​នៅ​រាជធានី​ភ្នំពេញ​ មានស្រុក​កំណើត​នៅ​ស្រុក​កោះសូទិន​ ខេត្តកំពង់ចាម​ ។​ រីឯ​នារី​រង​គ្រោះ​ដែល​ស្លាប់​បាត់បង់​ជីវិត​ក្រោយ​ពេល​រួមរ័ក​ជាមួយ​សង្សារ​រួច​មក​នោះ​ មានឈ្មោះ​ ឡូយ​ ឡាយ​អ៊ី​ម​ (​ហៅ​ហ៊ី​ម​)​ អាយុ​២០​ឆ្នាំ​ រស់នៅ​ភូមិ​មណ្ឌល​៣​ សង្កាត់​ស្ល​ក្រាម​ ក្រុង​សៀមរាប​ ខេត្តសៀមរាប​ មានមុខរ​បរជា​បុគ្គលិក​បម្រើ​ការងារ​នៅ​ហាង​កូរ៉េ​ម្តុំ​មុខ​មន្ទីរពេទ្យ​គន្ធ​បុប្ផា​ ។​

​នៅ​ចំពោះ​មុខ​សមត្ថកិច្ច​ យុវជន​ឈ្មោះ​ ម៉ា​ន់​ គឹ​ម​ហួង​ បាន​និយាយ​ថា​ ខ្លួន​និង​នាង​ជា​សង្សារ​បាន​ស្គាល់គ្នា​តាម​រយៈ​ទូរស័ព្ទ​អស់​រយៈ​ជិត​១​ឆ្នាំ​មក​ហើយ​ ដោយ​បាន​សារ​សង​ស្នេហា​អូន​បង​ជាមួយ​គ្នា​តាម​ទូរស័ព្ទ​យ៉ាង​ល្អូក​ល្អឺ​ន​ផ្អែមល្ហែម​បំផុត​ ទើប​នៅ​ថ្ងៃ​ទី​១៥​ ខែសីហា​ ឆ្នាំ​២០១៤​ ខ្លួន​ក៏​បាន​ជិះ​រថយន្តក្រុង​ពី​រាជធានី​ភ្នំពេញ​ស្កាត់​មក​រក​ជួប​នាង​ជា​សង្សារ​ទាំង​ក្តី​នឹករលឹក​ដល់​ក្រុង​សៀមរាប​ ។​ ពេល​មក​ដល់​ក្រុង​សៀមរាប​ ពួក​ខ្លួន​បាន​ណាត់គ្នា​មក​គេង​នៅផ្ទះ​សំណាក់​យីហោ​ "​អង្គរ​មាន​ឫទ្ធិ​"​ ហើយ​បាន​រួមរ័ក​ជាមួយ​គ្នា​ ប៉ុន្តែ​មិន​ទាន់​បាន​ដល់​ចំណុចកំពូល​ពេញលេញ​ផង​ ស្រាប់តែ​មាន​ឈាម​ហូរ​មិន​ដាច់​ចេញពី​យោនី​របស់​នាង​ ។​ ក្នុង​ស្ថានភាព​បែប​នេះ​ ខ្លួន​បាន​ដឹក​បញ្ជូន​នាង​ជា​សង្សារ​ទៅ​កាន់​មន្ទីរពេទ្យ​តាម​ម៉ូតូឌុប​ តែ​ជា​អកុសល​ មិន​ទាន់​ដល់​មន្ទីរពេទ្យ​ផង​ នាង​ក៏​បាន​ដាច់ខ្យល់​ស្លាប់​ ទើប​បង្ក​ឲ្យ​មានការ​ភ្ញាក់ផ្អើល​ ហើយ​ត្រូវ​បាន​សមត្ថកិច្ច​នគរបាល​ចាប់​ឃាត់ខ្លួន​តែ​ម្តង​ ។​

​យុវជន​ ម៉ា​ន់​ គឹ​ម​ហួង​ បាន​បន្ថែម​ថា​ ការ​ស្លាប់​របស់​សង្សារ​បណ្តូលចិត្ត​ដែល​ផ្តើម​ចេញពី​ការ​រួមរ័ក​ជាមួយ​គ្នា​នេះ​ ខ្លួន​មិន​បាន​ធ្វើ​អ្វី​ជា​ហិង្សា​ទៅ​លើ​រូប​នាង​ទេ​ និង​នៅ​មុន​ពេល​រួមរ័ក​ក៏​មិន​បាន​ប្រើ​ថ្នាំ​ជំនួយ​អ្វី​ដែរ​ គឺ​បាន​រួមរ័ក​ជា​ធម្មតា​តាម​ធម្មជាតិ​ក្នុង​ដៃគូ​មួយ​ទល់​នឹង​មួយ​ប៉ុណ្ណោះ​ ។​

​សមត្ថកិច្ច​នគរបាល​ជំនាញ​បច្ចេកទេស​នៅ​ក្រោយ​ពេល​ពិនិត្យ​សាកសព​នារី​រង​គ្រោះ​ បាន​អះអាង​ថា​ នារី​រង​គ្រោះ​បាន​រហែក​ដាច់​សន្ទះ​ព្រហ្មចារិនី​រហូត​ដល់​ស្បូន​ ខណៈ​កោសល្យវិច័យ​ពេទ្យ​បាន​បញ្ជាក់​ថា​ ប្រដាប់​ភេទ​របស់​នារី​រង​គ្រោះ​បាន​ទទួល​រង​ប៉ះទង្គិច​ជាមួយ​វត្ថុ​រឹង​យ៉ាងធ្ងន់ធ្ងរ​ ។​

​ដោយឡែក​ ខាង​ក្រុម​គ្រួសារ​សាច់ញាតិ​នារី​រង​គ្រោះ​ ទន្ទឹម​នឹង​មមាញឹក​ចាត់ចែង​ធ្វើបុណ្យ​បាន​ប្រពៃណី​ជូន​សព​នារី​រង​គ្រោះ​នោះ​ ក៏​បាន​ដាក់​ពាក្យបណ្តឹង​មក​សមត្ថកិច្ច​នគរបាល​ព្រហ្មទណ្ឌ​កម្រិត​ធ្ងន់​នៃ​ស្នងការដ្ឋាន​នគរបាល​ខេត្តសៀមរាប​រួច​ហើយៗ​សមត្ថកិច្ច​កំពុង​បើក​ការ​ស៊ើបអង្កេត​សំណុំរឿង​"​រួមដំណេកលុះ​ក្ស័យ​"​នេះ​ជា​បន្តបន្ទាប់​ ៕​

Siem-Reap-die-3

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.