ថ្ងៃ ពុធ ទី ២៥ ខែ ឧសភា ឆ្នាំ ២០២២

មន្ត្រីជាន់ខ្ពស់​ចិន​ដែល​ជាប់​សង្ស័យ​នឹង​អំពើ​ពុក​រលួយ​ចំនួន​១៥០​នាក់​បាន​រត់គេច​ខ្លួន​ទៅ​រស់នៅ​សហរដ្ឋអាមេរិក​

​សារព័ត៌មាន​ China​ Daily​ ដែល​ដកស្រង់​សម្តី​លោក​ Liao​ Jinrong​ ប្រធាន​ការិយាល័យ​ទទួល​បន្ទុក​ទំនាក់ទំនង​ការ​បរទេស​របស់​ស្នងការ​ប៉ូលិស​ចិន​ បាន​ឲ្យ​ដឹង​ថា​ មាន​មន្ត្រីជាន់ខ្ពស់​ចិន​រហូត​ដល់​ចំនួន​១៥០​នាក់​ ដែល​ប្រឈម​នឹង​ការ​ស៊ើបអង្កេត​ពី​បទ​ប្រព្រឹត្ត​អំពើ​ពុក​រលួយ​ បាន​រត់គេច​ទៅ​សំងំ​លាក់ខ្លួន​រស់នៅ​សហរដ្ឋអាមេរិក​ ។​ អា​មេ​រិ​កបាន​ក្លាយជា​ទីតាំង​សម្រាប់​លាក់ខ្លួន​របស់​មន្ត្រី​ចិន​ ចាប់សង្ស័យ​នឹង​បទ​ពុក​រលួយ​ ដោយសារ​តែ​ប្រទេស​ទាំង​២​នេះ​មិន​ទាន់​មាន​កិច្ចព្រមព្រៀង​ដោះ​ដូរ​អ្នក​ប្រព្រឹត្ត​ល្មើស​ ជា​ហេតុ​ធ្វើ​ឲ្យ​ការ​បញ្ជូន​មន្ត្រី​ពុក​រលួយ​ទាំងនោះ​ត្រឡប់​មក​ស្រុក​ចិន​ ដើម្បី​កាត់ទោស​ជួប​ការ​លំបាក​ ។​

​លោក​ Liao​ Jinrong​ បាន​បញ្ជាក់​ឲ្យ​ដឹង​ដែរ​ថា​ ម្យ៉ាងទៀត​ទំនាក់ទំនង​នយោបាយ​អា​មេ​រិ​ក​ និង​ចិន​មិនសូវ​ល្អ​ប្រសើរ​ឡើយ​ ទើប​ក្រុម​មន្ត្រី​ពុក​រលួយ​ដែល​មានទ្រព្យ​សម្បត្តិ​ស្តុកស្តម្ភ​នៅ​ប្រទេស​ចិន​សម្រេច​ទៅ​រស់នៅ​សហរដ្ឋអាមេរិក​ ដើម្បី​សោយសុខ​លើ​គំនរ​ទ្រព្យសម្បត្តិ​លុយកាក់​របស់​ពួក​គេ​ ។​

​អាជ្ញាធរ​តុលាការ​ចិន​បាន​ប្រកាស​នា​ថ្ងៃ​ទី​១២​ ខែសីហា​ ឆ្នាំ​២០១៤​នេះ​ឲ្យ​ដឹង​ថា​ លោក​ Wang​ Zongnan​ អតីត​អ្នក​ទទួលខុសត្រូវ​ខាង​នយោបាយ​ក្រុង​សៀង​ហៃ​ម្នាក់​ ដែល​គេ​ស្គាល់​ថា​ មាន​ទំនាក់ទំនង​ជាមួយ​លោក​ Jiang​ Zemin​ អតីត​ប្រធានាធិបតី​ចិន​ និង​បច្ចុប្បន្ន​ជា​ពាណិជ្ជករ​ ត្រូវ​បាន​ចាប់ខ្លួន​ពី​បទ​ប្រព្រឹត្ត​អំពើ​ពុក​រលួយ​ ក្រោយ​ការ​ស៊ើបអង្កេត​ចំនួន​២​ស​ប្តា​ហ៍​កន្លង​មក​ ។​

​លោក​ Wang​ Zongnan​ អតីត​ជា​ដៃស្តាំ​របស់​អតីត​ប្រមុខ​បក្សកុម្មុយនិស្ត​ក្រុង​សៀង​ហៃ​ គឺ​លោក​ Chan​ Liangyu​ ដែល​មានរឿង​អាស្រូវ​ពុក​រលួយ​ដ៏​ធំ​មួយ​ ហើយ​ទទួល​បានការ​ផ្តន្ទាទោស​ដាក់​ពន្ធនាគារ​ចំនួន​១៨​ឆ្នាំ​ កាលពី​អំឡុង​ឆ្នាំ​២០០៨​ ។​

​សូម​បញ្ជាក់​ជូន​ថា​ ចាប់តាំងពី​លោក​ប្រធានាធិបតី​ចិន​ Xi​ Jinping​ បាន​ឡើង​កាន់​តំណែង​មក​ លោក​បាន​អនុវត្តន៍​គោលនយោបាយ​កម្ចាត់​អំពើ​ពុក​រលួយ​នៅ​ក្នុង​ជួរ​មន្ត្រី​រដ្ឋការ​របស់​ចិន​ មិន​ថា​មន្ត្រី​មាន​ស្នាដៃ​ធំធេង​ក្នុង​សង្គម​នោះ​ឡើយ​ ជា​ហេតុ​ធ្វើ​ឲ្យ​មន្ត្រី​ចិន​ជាប់​សង្ស័យ​នឹង​អំពើ​ពុក​រលួយ​ជា​ច្រើន​នាក់​ បាន​រត់គេច​ខ្លួន​ទៅ​រស់នៅ​ឯ​បរទេស​ ៕​

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.