ថ្ងៃ ពុធ ទី ២៥ ខែ ឧសភា ឆ្នាំ ២០២២

រាជរដ្ឋាភិបាល​បុរស​ខ្លាំង​បង្កើត​គណៈកម្មការ​ចម្រុះ​បង្ក្រាប​ការ​លេងល្បែង​កាស៊ីណូ​ ឆ្នោត​-​ឡូ​តូ​ ភ្នាល់​បាល់​ ភ្នាល់​ Online​ និង​ល្បែងភ្នាល់​ខុសច្បាប់​គ្រប់​ប្រភេទ​

​យោង​តាម​សំណើ​របស់​រដ្ឋមន្ត្រី​ក្រសួងមហាផ្ទៃ​ និង​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ​ រាជរដ្ឋាភិបាល​ដែល​មាន​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ជា​នាយក​រដ្ឋមន្ត្រី​ បាន​សម្រេច​កែសម្រួល​សមាសភាព​គណៈកម្មការ​ចម្រុះ​បង្ក្រាប​ការ​លេងល្បែង​កាស៊ីណូ​ ឆ្នោត​-​ឡូ​តូ​ ភ្នាល់​បាល់​ ភ្នាល់​ Online​ និង​ល្បែងភ្នាល់​ខុសច្បាប់​គ្រប់​ប្រភេទ​ ដោយ​សេចក្តីសម្រេច​លេខ​១១៦​សសរ​ ចុះ​ថ្ងៃ​ទី​១០​ ខែកក្កដា​ ឆ្នាំ​២០១៤​ ដែល​មាន​សមាសភាព​ចំនួន​៨​រូប​ និង​គណៈកម្មការ​ចម្រុះ​នេះ​មាន​សិទ្ធិ​បង្កើត​អនុ​គណៈកម្មការ​សម្រាប់​ធ្វើ​ប្រតិបត្តិការ​បង្ក្រាប​ការ​លេងល្បែង​កាស៊ីណូ​ ឆ្នោត​-​ឡូ​តូ​ ភ្នាល់​បាល់​ ភ្នាល់​ Online​ និង​ល្បែងភ្នាល់​ខុសច្បាប់​គ្រប់​ប្រភេទ​ និង​ការ​ធ្វើ​អាជីវកម្ម​ទទួល​បញ្ចាំ​ និង​ប្រា​តិ​ភោ​កដោយ​អនុប្បទាន​ខុសច្បាប់​ទាំងអស់​នៅ​តាម​រាជធានី​-​ខេត្ត​ទូ​ទាំង​ប្រទេស​ ។​

​សមាសភាព​គណៈកម្មការ​ចម្រុះ​រួម​មាន​ដូច​តទៅ​ ៖​ ១-​លោក​ជំទាវ​ ងួ​ន​ សុខា​ រដ្ឋលេខាធិការ​ក្រសួង​សេដ្ឋកិច្ច​និង​ហិរញ្ញវត្ថុ​ជា​ប្រធាន​,​ ២-​ឯកឧត្តម​ នាយ​ឧត្តមសេនីយ៍​ ឯម​ សំ​អាន​ រដ្ឋលេខាធិការ​ក្រសួងមហាផ្ទៃ​ ជា​អនុប្រធាន​,​ ៣-​ឯកឧត្តម​ នាយ​ឧត្តមសេនីយ៍​ នេ​ត​ សា​វឿ​ន​ អគ្គស្នងការ​នគរបាល​ជាតិ​ ជា​សមាជិក​,​ ៤-​ឯកឧត្តម​ សូ​ វិច​ទ័​រ​ ទីប្រឹក្សា​ក្រសួង​សេដ្ឋកិច្ច​និង​ហិរញ្ញវត្ថុ​ ជា​សមាជិក​,​ ៥-​ឯកឧត្តម​ ម៉ី​ វ៉ា​ន់​ អគ្គ​នាយ​ក្រសួង​សេដ្ឋកិច្ច​និង​ហិរញ្ញវត្ថុ​ ជា​សមាជិក​,​ ៦-​លោក​ឧត្តមសេនីយ៍ឯក​ ឆៃ​ ស៊ី​ណា​រិ​ទ្ធ​ អគ្គស្នងការ​រង​នគរបាល​ជាតិ​ ជា​សមាជិក​,​ ៧-​លោក​ រស់​ ភី​រុណ​ អគ្គនាយករង​ក្រសួង​សេដ្ឋកិច្ច​និង​ហិរញ្ញវត្ថុ​ ជា​សមាជិក​ និង​ជា​លេខា​អចិន្ត្រៃយ៍​ និង​៨-​លោក​ឧត្តមសេនីយ៍ទោ​ សៀង​ សេន​ ប្រធាន​នាយកដ្ឋាន​សន្តិសុខ​ផ្ទៃក្នុង​ ក្រសួងមហាផ្ទៃ​ ជា​សមាជិក​ និង​ជា​លេខា​    ​អចិន្ត្រៃយ៍​ ។​

​គណៈកម្មការ​ចម្រុះ​នេះ​មាន​តួនាទី​ និង​ភារកិច្ច​ ដូច​ខាងក្រោម​ ៖

១-​សហការ​ក្នុង​ការ​ការពារ​សិទ្ធិ​ធ្វើ​អាជីវកម្ម​ស្របច្បាប់​របស់​ក្រុមហ៊ុន​ទាំងឡាយ​កំពុង​ប្រកប​អាជីវកម្ម​កាស៊ីណូ​ ឆ្នោត​-​ឡូ​តូ​ និង​ល្បែងភ្នាល់​គ្រប់​ប្រភេទ​ ដែល​ទទួល​បានការ​អនុញ្ញាត​ពី​រាជរដ្ឋាភិបាល​ និង​អាជ្ញាប័ណ្ណ​ពី​ក្រសួង​សេដ្ឋកិច្ច​និង​ហិរញ្ញវត្ថុ​ ។​

២-​ចាត់វិធានការ​បង្ក្រាប​ និង​លុប​បំបាត់​ការ​ធ្វើ​អាជីវកម្ម​កាស៊ីណូ​ ឆ្នោត​-​ឡូ​តូ​ ភ្នាល់​បាល់​ ភ្នាល់​ Online​ និង​ល្បែងភ្នាល់​គ្រប់​ប្រភេទ​ ព្រមទាំង​អាជីវកម្ម​រណប​ផ្សេងៗ​ ដំណើរការ​អាជីវកម្ម​ដោយ​គ្មាន​ការ​អនុញ្ញាត​ពី​រាជរដ្ឋាភិបាល​ និង​អាជ្ញាប័ណ្ណ​ពី​ក្រសួង​សេដ្ឋកិច្ច​និង​ហិរញ្ញវត្ថុ​ ។​

៣-​ចាត់វិធានការ​បង្ក្រាប​អាជីវកម្ម​ទទួល​បញ្ចាំ​ និង​ប្រា​តិ​ភោ​កដោយ​អនុប្បទាន​ខុសច្បាប់​ទាំងអស់​ដែល​កំពុង​ធ្វើ​អាជីវកម្ម​ ដោយ​គ្មាន​អាជ្ញាប័ណ្ណ​ពី​ក្រសួង​សេដ្ឋកិច្ច​និង​ហិរញ្ញវត្ថុ​ ។​

​បច្ចុប្បន្ន​ មជ្ឈដ្ឋាន​នានា​បាន​កត់សម្គាល់​ឃើញ​ថា​ មាន​អាជីវកម្ម​ឆ្នោត​ ភ្នាល់​ Online​ និង​ល្បែងភ្នាល់​បាល់ទាត់​បាន​កើតឡើង​យ៉ាង​ព្រោងព្រាត​ ក្រោម​រូបភាព​លាក់លៀម​មិន​ចំហ​ ប៉ុន្តែ​សមត្ថកិច្ច​មួយ​ចំនួន​ក៏​បាន​ចូលរួម​លេងល្បែង​ភ្នាល់​យ៉ាង​ពេញ​និយម​នៅ​ដែរ​ ខណៈ​លុយកាក់​ពី​ល្បែងភ្នាល់​មិន​បាន​ចូល​ក្នុង​ស្បោង​ថវិកាជាតិ​ទេ​ គឺ​បាន​រត់​ចូល​ក្នុង​ហោប៉ៅ​របស់​មន្ត្រី​ពុក​រលួយ​ជា​ហូរហែ​ និង​ជា​ប្រព័ន្ធ​ពីលើ​ដល់​ក្រោម​ ៕​  Net-Savoeun561Football-12VN-Lottery-12

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.