ថ្ងៃ ពុធ ទី ២៩ ខែ មិថុនា ឆ្នាំ ២០២២

ប្តី​ចិត្ត​ឫស្សា​ចាប់​ប្រពន្ធ​បង្ខាំង​ក្នុងផ្ទះ​ធ្វើ​ទារុណកម្ម​កាត់​ម្រាមដៃ​ដោយសារ​ភ្លើង​ប្រចណ្ឌ​

​មាន​ហេតុការណ៍​ភ្ញាក់ផ្អើល​មួយ​បាន​កើតឡើង​កាលពី​វេលា​ម៉ោង​២៣​យប់​ នា​ថ្ងៃ​ទី​១០​ ខែសីហា​ ឆ្នាំ​២០១៤​ម្សិលមិញ​នេះ​ ឋិត​ក្នុងភូមិ​ព្រែក​ ឃុំ​ព្រែក​គយ​ ស្រុក​ស្អាង​ ខេត្តកណ្តាល​ ដោយ​បុរស​ម្នាក់​ត្រូវជា​ប្តី​ចាប់​ស្ត្រី​ជា​ប្រពន្ធ​របស់​ខ្លួន​បង្ខាំង​ក្នុងផ្ទះ​ ប្រើ​ដំបង​វាយ​ធ្វើ​ទារុណកម្ម​ និង​ប្រើ​កាំបិត​កាត់​ម្រាមដៃ​អស់​ចំនួន​២​ម្រាម​ ព្រោះតែ​លង់​ក្នុង​ភ្លើង​ប្រចណ្ឌ​ទាំង​មិន​សម​ហេតុ​សម​ផល​ ។​

​សមត្ថកិច្ច​បាន​ឲ្យ​ដឹង​ថា​ បុរស​ជា​ប្តី​ចិត្ត​ឫស្សា​ដែល​ចាប់​ស្ត្រី​ជា​ប្រពន្ធ​របស់​ខ្លួន​បង្ខាំង​ក្នុងផ្ទះ​ ដោយ​ធ្វើ​ទារុណកម្ម​ និង​កាត់​ម្រាមដៃ​អស់​ចំនួន​២​ម្រាម​ ដោយសារ​ភ្លើង​ប្រចណ្ឌ​នោះ​មានឈ្មោះ​ សុខ​ លូ​ទី​ន​ អាយុ​៣៣​ឆ្នាំ​ ជា​ជនជាតិ​ខ្មែរ​អ៊ិ​ស្លា​ម​ មានមុខរ​បរជា​ជាង​ធ្វើ​កាំ​ ជណ្តើរ​ និង​ស្ត្រី​រង​គ្រោះ​ត្រូវជា​ប្រពន្ធ​មានឈ្មោះ​ ម៉ាត់​ សំរស់​ អាយុ​៣៣​ឆ្នាំ​ ជនជាតិ​ខ្មែរ​អ៊ិ​ស្លា​ម​ រស់នៅ​ភូមិ​-​ឃុំ​កើតហេតុ​ខាងលើ​ ។​

​ប្រភព​ព័ត៌មាន​ពី​សមត្ថកិច្ច​កងរាជអាវុធហត្ថ​ស្រុក​ស្អាង​ បាន​ឲ្យ​ដឹង​ថា​ នៅ​ចំពោះ​មុខ​សមត្ថកិច្ច​ បុរស​ឈ្មោះ​ សុខ​ លូ​ទី​ន​ ជា​ជនសង្ស័យ​ដែល​ត្រូវ​សមត្ថកិច្ច​ធ្វើការ​ចាប់​ឃាត់ខ្លួន​នោះ​ បាន​សារភាព​ថា​ មូលហេតុ​ដែល​នាំ​ឲ្យ​ខ្លួន​ប្រើ​អំពើ​ហិង្សា​យ៉ាង​ឃោរឃៅ​ទៅ​លើ​ប្រពន្ធ​ ដោយសារ​រឿង​ប្រចណ្ឌ​ប្រពន្ធ​ជាមួយ​បុរស​ម្នាក់​ឈ្មោះ​ ចិត្ត​ រស់នៅ​ក្បែរ​ខាង​គ្នា​ ដោយ​មុន​ពេល​កើតហេតុ​ បុរស​ជា​ឈ្មោះ​ ចិត្ត​ នោះ​បាន​ដើរ​កាត់មុខ​ផ្ទះ​ ហើយ​បាន​ញាក់ចិញ្ចើម​ដាក់​ប្រពន្ធ​របស់​ខ្លួន​ និង​ប្រពន្ធ​របស់​ខ្លួន​ក៏​បាន​សើច​ញញឹមញញែម​ឲ្យ​ភ្នែក​ដាក់​ទៅ​បុរស​ឈ្មោះ​ ចិត្ត​ វិញ​ដែរ​ ។​

​របាយការណ៍​របស់​សមត្ថកិច្ច​បាន​បញ្ជាក់​ថា​ ស្ត្រី​ជា​ប្រពន្ធ​ដែល​រង​គ្រោះ​ព្រោះ​ប្តី​ធ្វើ​ទារុណកម្ម​នោះ​ ត្រូវ​បាន​សមត្ថកិច្ច​សម្រុកចូល​រំដោះ​បាន​ និង​ដឹក​បញ្ជូន​ទៅ​មន្ទីរពេទ្យ​ដើម្បី​ជួយ​សង្គ្រោះ​ជាតិ​ទាំង​យប់​ បន្ទាប់​ពី​ទទួល​បាន​សេចក្តីរាយការណ៍​ពី​ប្រជាពលរដ្ឋ​រស់នៅ​ក្នុងភូមិ​រួច​មក​ ខណៈ​ដែល​បច្ចុប្បន្ន​សមត្ថកិច្ច​បាន​និង​កំពុង​កសាង​សំណុំរឿង​ និង​បញ្ជូន​វត្ថុ​តាង​ ព្រមទាំង​ខ្លួន​ជនសង្ស័យ​ទៅ​ទីបញ្ជាការដ្ឋាន​កងរាជអាវុធហត្ថ​ខេត្តកណ្តាល​ ដើម្បី​ចាត់ការ​បន្ត​តាម​នីតិវិធី​នៃ​ច្បាប់​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.