ថ្ងៃ ចន្ទ ទី ២៤ ខែ មករា ឆ្នាំ ២០២២

ដឹងឮ​ដែរ​តែ​គ្មាន​ឆន្ទៈ​ទប់ស្កាត់​បទល្មើស​បំផ្លាញ​មច្ឆា​ជាតិ​ក្នុង​បឹង​ទន្លេ​សាបព្រោះ​រុំ​ព័ទ្ធ​ដោយ​អំពើពុករលួយ​

បឹង​ទន្លេសាប​នៃ​ព្រះរាជាណាចក្រ​កម្ពុជា​ដែល​ល្បីល្បាញ​ខាង​សម្បូរ​ណ៌​ត្រី​ជាងគេ​នោះ នាពេល​បច្ចុប្បន្ននេះ​កំពុង​ប្រឈម​នឹង​ការថយចុះ និង​បាត់បង់​ប្រភេទ​ពូជ​ត្រី​ខ្នាត​ធំៗ​ដូចជា បបែល​យក្ស ត្រី​រាជ និង​ត្រី​គល់រាំង​… ជាដើម ដោយសារ​ការនេសាទ​ហួសកំណត់ និង​អំពើ​ល្មើស​នេសាទ​ខុសច្បាប់ ដោយ​ប្រើ​មង អួន សំណាញ់​ធំៗ និង​គ្រឿង​ប្រដាប់​ឆក់ ព្រមទាំង​ការកាប់​បំផ្លិចបំផ្លាញ​រុក្ខជាតិ​ដែលជា​ជម្រក​ត្រី​នៅតាម​ដង​ទន្លេ​ធ្វើ​ឲ្យ​ប៉ះពាល់​យ៉ាងធ្ងន់ធ្ងរ​ក្នុងការ​បន្ត​ពូជ​ត្រី​។​

​លទ្ធផល​នៃ​ការ​ហិនហោច​មច្ឆា​ជាតិ​ខ្នាត​ធំៗ​នេះ (​ត្រី​គល់រាំង​ត្រូវបាន​ចាត់ទុកជា​ប្រភេទ​មច្ឆា​សម្រាប់​ជា​និមិត្តរូប​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ​នស​/​រកត​/០៣០៥/១៤៩ ចុះ​ថ្ងៃទី​២១ ខែមីនា ឆ្នាំ​២០០៥) គឺ​មន្ត្រីក្រោមឱវាទ និង​ជាពិសេស​សម្តេច​អគ្គមហាសេនាបតី​តេ​ជោ ហ៊ុន សែន ហៅ​បុរស​ខ្លាំង​ជា​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ប្រាកដជា​បានដឹង បានឮ​យ៉ាងច្បាស់ ដ្បិត​សូម្បីតែ Page មួយ​នៅក្នុង​បណ្តាញ​ព័ត៌មាន​សង្គម Facebook ដែល​ប្រើប្រាស់​ឈ្មោះ និង​រូបថត​បុរស​ខ្លាំង​ធ្វើជា Profile និង​មាន​អ្នក Likes Page ចំនួន​៣៣០.៨២៦ Accounts ដែល​គេ​អាច​សន្និដ្ឋានថា គ្រប់គ្រង​ដោយ​មន្ត្រី​ដង្ហែ និង​គាំទ្រ​បុរស​ខ្លាំង​នោះបាន Post ចាប់អារម្មណ៍​អំពី​បញ្ហា​នេះដែរ ដោយ​ផ្តល់​ជា​គំនិត​យោបល់​ថា «​ដើម្បី​ការពារ​កុំ​ឲ្យ​មានការ​បាត់បង់​ពូជ​ត្រី​ដ៏​កម្រ​ពី​ប្រទេស និង​ទប់ស្កាត់​នូវ​ការនេសាទ​ដែល​បំផ្លាញ​ដល់​ការបន្ត​ពូជ​ត្រី​គ្រប់​ប្រភេទ ក្រសួង និង​អាជ្ញា​ធរមាន​សមត្ថកិច្ច​ត្រូវតែ​រឹតបន្តឹង និង​ឃ្លាំមើល​ជាប្រចាំ​ចំពោះ​ការចូល​នេសាទ​ដោយ​ខុសច្បាប់​នៅតាម​ទីតាំង​ហាមឃាត់ ដើម្បី​ការពារ​មច្ឆា​ជាតិ​គ្រប់​ប្រភេទ​ឲ្យ​បាន​គង់វង្ស​»​។

​មជ្ឈដ្ឋាន​អ្នកវិភាគ​កិច្ចការ​សង្គម​នៅ​កម្ពុជា បាន​លើកឡើងថា ចំណាត់ការ​រប​ស់បុរ​ស​ខ្លាំង​ទៅលើ​បទល្មើស​នានា ក្នុង​ព្រះរាជាណាចក្រ​កម្ពុ​ជាទី​២​នេះ គឺ​បាន​ត្រឹម​អំពាវនាវ និង​«​សូម​អង្វរករ​» តែប៉ុណ្ណោះ គឺ​មិនមាន​ប្រសិទ្ធភាព​ឡើយ ពីព្រោះ​សង្គម​ក្រោម​ការដឹកនាំ​រប​ស់បុរ​ស​ខ្លាំង​បច្ចុប្បន្ន​បាននិងកំពុង​រុំ​ព័ទ្ធ​យ៉ាង​ជុំជិត​ដោយ​អំពើពុករលួយ​ពីលើ​ដល់​ក្រោម​ជា​ប្រព័ន្ធ​យ៉ាងរឹងមាំ​អស់​ទៅហើយ​៕​

10507160_682145038500663_5162499992991387712_o

10306087_682145008500666_3206576892863317235_n

10440662_682145041833996_5574558443682020870_n 10463974_682145035167330_495189567923630269_n

10464031_682145228500644_7320237450124787964_n 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.