ថ្ងៃ ចន្ទ ទី ២៤ ខែ មករា ឆ្នាំ ២០២២

ប៉េ​អឹ​ម​បង្ក្រាប​យោធា​ដឹកឈើ​គ្រញូង​ក្នុង​មណ្ឌល​បុរស​ខ្លាំង​ធ្វើ​ជា​អ្នកតំណាង​រាស្ត្រ​

​វេលា​ម៉ោង​០៣​និង​២០​នាទី​ព្រឹក​ នា​ថ្ងៃ​ទី​២៦​ ខែមិថុនា​ ឆ្នាំ​២០១៤​ម្សិលមិញ​នេះ​ នៅ​លើ​កំណាត់​ផ្លូវជាតិ​លេខ​៨​ ឋិត​ក្នុងភូមិ​តាំង​ឫស្សី​ ឃុំ​រកា​ជ​ន្លឹ​ង​ ស្រុក​ខ្សាច់កណ្តាល​ ខេត្តកណ្តាល​ ដែល​ជា​មណ្ឌល​របស់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ អនុប្រធាន​គណបក្ស​ប្រជាជន​កម្ពុជា​ ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ និង​ធ្វើ​ជា​អ្នកតំណាង​រាស្ត្រ​ផង​នោះ​ សមត្ថកិច្ច​កងរាជអាវុធហត្ថ​ស្រុក​ខ្សាច់កណ្តាល​ ស្ទាក់​ចាប់​បាន​រថយន្ត​របស់​មន្ត្រី​យោធា​ដឹកឈើ​គ្រញូង​មួយ​គ្រឿង​ម៉ា​កវី​ស្តូ​ ពណ៌​ទឹកប្រាក់​ ពាក់​ស្លាក​លេខ​ភ្នំពេញ​ 2N-7930​ ជាមួយនឹង​ឈើ​គ្រញូង​ចំនួន​៤៦​ដុំ​ ទម្ងន់​១៨៩​គីឡូក្រាម​ ។​

​សមត្ថកិច្ច​អាវុធហត្ថ​ស្រុក​ខ្សាច់កណ្តាល​បាន​ឲ្យ​ដឹង​ថា​ រថយន្ត​លួច​ដឹកឈើ​គ្រញូង​ដែល​បង្ក្រាប​បាន​នោះ​ បើកបរ​ដោយ​ឈ្មោះ​ កែវ​ ថុ​ន​ ភេទ​ប្រុស​ អាយុ​៣៣​ឆ្នាំ​ ជា​មន្ត្រី​យោធា​នៃ​កងអនុសេនាតូច​លេខ​១​ មាន​ទីលំនៅ​ភូមិ​ត្រពាំង​សំរោង​ ឃុំ​លង្វែក​ ស្រុក​កំពង់ត្រឡាច​ ខេត្តកំពង់ឆ្នាំង​ ខណៈ​ដែល​ជនសង្ស័យ​ចំនួន​២​នាក់​ទៀត​បាន​បើកទ្វារ​រថយន្ត​ចុះ​រត់គេច​ខ្លួន​បាត់​ ។​

​ជនសង្ស័យ​ជា​មន្ត្រី​យោធា​ឈ្មោះ​ កែវ​ ថុ​ន​ បាន​រៀបរាប់​ប្រាប់​សមត្ថកិច្ច​ឲ្យ​ដឹង​ថា​ រថយន្ត​និង​ឈើ​គ្រញូង​នោះ​ គឺជា​កម្មសិទ្ធិ​របស់​ខ្លួន​ ហើយ​នៅ​រាត្រី​ថ្ងៃ​ទី​២៥​ ខែមិថុនា​ ឆ្នាំ​២០១៤​ ខ្លួន​និង​បក្ខពួក​ចំនួន​២​នាក់​ទៀត​បាន​ដឹកឈើ​គ្រញូង​នេះ​ចេញពី​ខេត្តឧត្តរមានជ័យ​ ឆ្លងកាត់​តាម​ខេត្តព្រៃវែង​ បំណង​យក​ទៅ​លក់​នៅ​ស្រុក​មេមត់​ ខេត្តកំពង់ចាម​ តាម​បណ្តោយ​ផ្លូវជាតិ​លេខ​៨​ មក​ដល់​ចំណុច​កើតហេតុ​ ត្រូវ​កម្លាំង​កងរាជអាវុធហត្ថ​បង្ក្រាប​បាន​ទាំង​ខ្លួន​ ទាំង​រថយន្ត​ ទាំង​ឈើ​តែ​ម្តង​ ។​

​បច្ចុប្បន្ន​ វត្ថុ​តាង​មាន​រថយន្ត​ និង​ឈើ​គ្រញូង​ ព្រមទាំង​ជនសង្ស័យ​ត្រូវ​បាន​កម្លាំង​កងរាជអាវុធហត្ថ​ស្រុក​ខ្សាច់កណ្តាល​ ប្រគល់​ឲ្យ​ទៅ​ជំនាញ​ផ្នែក​រដ្ឋបាល​ព្រៃឈើ​ មាន​ទីតាំង​ឋិត​នៅ​ព្រែក​ព្នៅ​ដើម្បី​ចាត់ការ​បន្ត​តាម​នីតិវិធី​នៃ​ច្បាប់​ ។​

​មជ្ឈដ្ឋាន​ប្រជាពលរដ្ឋ​បាន​លើក​ឡើង​ថា​ រថយន្ត​ដឹកឈើ​គ្រញូង​របស់​មន្ត្រី​យោធា​ឈ្មោះ​ កែវ​ ថុ​ន​ ធ្វើ​ដំណើរ​ចេញ​តាំងពី​ខេត្តឧត្តរមានជ័យ​ រហូត​មក​ដល់​ភូមិសាស្ត្រ​ខ្សាច់កណ្តាល​ ខេត្តកណ្តាល​ គឺ​ឆ្លងកាត់​តាម​ប៉ុស្តិ៍​ត្រួតពិនិត្យ​ និង​មន្ត្រី​មេព្រៃ​ច្រើន​គោលដៅ​ណាស់​ ដូច្នេះ​ តើ​ហេតុ​អ្វី​បានជា​សមត្ថកិច្ច​បាន​គោលដៅ​ទាំងនោះ​មើល​មិនឃើញ​ ឬ​ធ្វើ​ជា​មើល​រំលង​ប្រមូល​យក​លុយ​ដាក់​ហោប៉ៅ​អស់​បាត់​ទៅ​ហើយ​ ?​ ៕​

ffe2ia01 hdb8svv7

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.