ថ្ងៃ ចន្ទ ទី ២៤ ខែ មករា ឆ្នាំ ២០២២

អ្នកគ្រប់គ្រង​សាលារៀន​វេ​ស្ទើ​ន​អន្តរជាតិ​សាខា​បឹង​ត្របែក​ស្ពឹក​មុខ​ក្នុង​ Facebook​​​​ ​ព្រោះ​រឿង​អំពើ​ហិង្សា​ក្នុង​សាលា​បង្ក​ឲ្យ​សិស្ស​​ម្នាក់​របួស​ភ្នែក​

​សាលារៀន​ឯកជន​មួយ​ឈ្មោះ​ វេ​ស្ទើ​ន​អន្តរជាតិ​(Western​ International​ School)​ សាខា​បឹង​ត្របែក​ ឋិត​នៅ​អគារ​លេខ​៧២​ ផ្លូវ​លេខ​៩៩​ សង្កាត់​ផ្សារ​ដើម​ថ្កូវ​ ខណ្ឌចំការមន​ រាជធានី​ភ្នំពេញ​ បាន​បែកធ្លាយ​នូវ​រឿងអាស្រូវ​​ពាសពេញ​ក្នុង​បណ្តាញ​ព័ត៌មាន​សង្គម​ Facebook​ ដ៏​ពេញ​និយម​នៅ​កម្ពុជា​ ដោយសារ​មាន​អំពើ​ហិង្សា​​នៅ​ក្នុង​សាលារៀន​ បណ្តាល​ឲ្យ​កុមា​រាជា​សិស្ស​ថ្នាក់​ទី​៣​ម្នាក់​ទទួល​រង​របួស​ភ្នែក​ ខណៈ​ដែល​អ្នកគ្រប់គ្រង​សាលា​បាន​ដាក់​ពិន័យ​ទៅ​លើ​សិស្ស​បង្ក​ត្រឹម​ធ្វើការ​ណែនាំ​ និង​ឲ្យ​ឈរ​នៅ​ដងទង់​ជាតិ​ចំនួន​១៥​នាទី​ប៉ុណ្ណោះ​ ។​

​បន្ទាប់​ពី​បាន​ទស្សនា​វី​ដេ​អូ​ឃ្លី​ប​(Video​ Clip)​ របស់​កុមា​រា​ម្នាក់​ជា​សិស្ស​ថ្នាក់​ទី​៣​នៅ​សាលា​វេ​ស្ទើ​ន​អន្តរជាតិ​សាខា​បឹង​ត្របែក​ ដែល​បង្ហោះ​នៅ​ក្នុង​បណ្តាញ​ព័ត៌មាន​សង្គម​ Facebook​ គឺ​បាន​ធ្វើ​ឲ្យ​អ្នកលេង​បណ្តាញ​ព័ត៌មាន​សង្គម​ Facebook​ ជា​ច្រើន​ធ្វើការ​រិះគន់​ទៅ​លើ​អ្នកគ្រប់គ្រង​សាលា​មានការ​ទទួលខុសត្រូវ​ក្នុង​កម្រិត​ទាប​បំផុត​ ខណៈ​ដែល​សិស្ស​របស់​ខ្លួន​ឈ្មោះ​ ហឿ​ន​ រតនរង្សី​ បាន​ទទួល​រង​របួសធ្ងន់​នៅ​ត្រង់​ភ្នែក​ បង្ក​ឡើង​ដោយ​សិស្សសាលា​ដូច​គ្នា​ ដែល​កុមា​រា​រង​គ្រោះ​និយាយ​ថា​ ជា​ប្រភេទ​សិស្ស​ទំនើង​ឈ្មោះ​ បូ​រណា​ ជា​អ្នក​វាយ​ធ្វើបាប​រូបគេ​ស្ទើរ​ធ្វើ​ឲ្យ​ខ្វាក់​ភ្នែក​ ។​

​ទោះបី​មានការ​ Comments​ បកស្រាយ​ពី​ Account​ មួយ​ចំនួន​នៅ​ក្នុង​ Facebook​ ដែល​គេ​អាច​សន្និដ្ឋាន​ថា​ជា​ភាគី​ខាង​សាលារៀន​ ឬ​ជា​អ្នកគាំទ្រ​ភាគី​សាលារៀន​យ៉ាងណា​ក៏​ដោយ​ ក៏​អ្នកលេង​ Facebook​ ជា​ច្រើន​បាន​ធ្វើការ​រិះគន់​ទៅ​លើ​កម្រិត​នៃ​ការ​ទទួលខុសត្រូវ​របស់​អ្នកគ្រប់គ្រង​សាលា​ឯកជន​ឈ្មោះ​វេ​ស្ទើ​ន​អន្តរជាតិ​សាខា​បឹង​ត្របែក​ នៅ​ពេល​ដែល​សិស្ស​របស់​ខ្លួន​ទទួល​រង​របួស​ធ្ងន់ធ្ងរ​ត្រង់​ភ្នែក​ ដោយសារ​តែ​សិស្ស​រួម​ថ្នាក់​ ។​ លើស​ពី​នេះ​ ក្រុម​អ្នកលេង​ Facebook​ ក៏​បាន​អំពាវនាវ​ឲ្យ​ឪពុក​ម្តាយ​ និង​អាណាព្យាបាល​សិស្ស​ទាំងឡាយ​មេត្តា​ពិចារណា​ និង​មានការ​ប្រុង​ប្រយ័ត្ន​ផង​ក្នុង​ការ​បញ្ជូន​កូនចៅ​ឲ្យ​ទៅ​សិក្សា​រៀនសូត្រ​នៅ​សាលា​ឯកជន​នានា​ ជា​ពិសេស​សាលា​ឯកជន​ឈ្មោះ​វេ​ស្ទើ​ន​អន្តរជាតិ​ សាខាបឹង​ត្របែក​នេះ​តែ​ម្តង​ ៕​

 

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.