ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

រថយន្ត​កងវិស្វកម្ម​យោធា​បង្ក​គ្រោះថ្នាក់​ចរាចរណ៍​បណ្តាល​ឲ្យ​មនុស្ស​ម្នាក់​ស្លាប់ និង​ម្នាក់ទៀត​រងរបួស​ធ្ងន់​

​វេលា​ម៉ោង​១៣ និង​៣០ នាទី រសៀល ថ្ងៃទី​២២ ខែមិថុនា ឆ្នាំ​២០១៤​នេះ នៅលើ​កំណាត់​ផ្លូវជាតិ​លេខ​៦A ចន្លោះ​ស្ពាន​លេខ​១៣-១៤ ត្រង់ចំណុច​ភូមិ​កោះ​រកា ឃុំ​ព្រែក​អញ្ចាញ ស្រុក​មុខកំពូល ខេត្តកណ្តាល មាន​ហេតុការណ៍​គ្រោះថ្នាក់​ចរាចរណ៍​មួយ បាន​កើតឡើង​រវាងរ​ថ​យន្ត​ម៉ាក KAMAZ មួយគ្រឿង​ពាក់​ស្លាក​លេខ​ខេមរភូមិន្ទ​01.3-6899 របស់​ក្រសួងការពារជាតិ​បុក​ជាមួយ​ទោចក្រយានយន្ត​១​គ្រឿង​ម៉ាក Honda Dream C125 ពណ៌​ខ្មៅ ពាក់​ស្លាក​លេខ​ភ្នំពេញ​1BN-6071 បណ្តាល​ឲ្យ​បុរស​ម្នាក់​ស្លាប់បាត់​បង់ជីវិត​ភ្លាមៗ​យ៉ាង​អាណោចអាធ័ម​នៅ​កន្លែងកើតហេតុ និង​បុរស​ម្នាក់ទៀត​រងរបួស​ធ្ងន់​យកទៅ​សង្គ្រោះ​នៅ​មន្ទីរពេទ្យ​កាល់ម៉ែត​។​

​ជនរងគ្រោះ​ក្នុង​ហេតុការណ៍​គ្រោះថ្នាក់​ចរាចរណ៍​នោះ មានឈ្មោះ​សារឿន សំអឿន ភេទ​ប្រុស​អាយុ​៣៥​ឆ្នាំ មាន​ទីលំនៅ​ស្រុក​មុខកំពូល ខេត្តកណ្តាល ជា​អ្នកបើកបរ​ទោចក្រយានយន្ត​ក្នុងទិសដៅ​ពី​ជើង​ទៅ​ត្បូង និង​អ្នក​រង​បួស​ធ្ងន់​មានឈ្មោះ សួន ចាន់ថា ភេទ​ប្រុស អាយុ​៥៥​ឆ្នាំ មាន​ទីលំនៅ​ស្រុក​-​ខេត្ត​ដូចគ្នា ជា​អ្នករួមដំណើរ​ជាមួយ​ឈ្មោះ សារឿន សំអឿន​។ រីឯ​អ្នកបើកបរ​រថយន្ត​បង្ក​ហេតុដែល​ធ្វើដំណើរ​ពី​ត្បូង​ទៅ​ជើង​បញ្ច្រាសទិស​គ្នា​ជាមួយ​ទោចក្រយានយន្ត​នោះ​មានឈ្មោះ សុន ណ​យ ភេទ​ប្រុស អាយុ​២២​ឆ្នាំ មាន​ទីលំនៅ​ស្រុក​បាទី ខេត្តតាកែវ មុខរបរ​ជា​អ្នកបើកបរ​រថយន្ត​ក្នុង​កងវិស្វកម្ម​ក្រសួង​ការពារជាតិ​។​

​ក្រោយពេល​កើតហេតុ​ភ្លាមៗ​ជនរងគ្រោះ​ដែល​រង​បួស​ត្រូវបាន​ដឹកបញ្ជូន​ទៅ​សង្គ្រោះ​ព្យាបាល​នៅ​មន្ទីរពេទ្យ​កាល់ម៉ែត និង​សាកសព​ជនរងគ្រោះ​ម្នាក់ទៀត​ត្រូវបាន​ក្រុមគ្រួសារ​យកទៅ​ចាត់ចែង​ធ្វើបុណ្យ​តាម​ប្រពៃណី ខណៈដែល​អ្នកបើកបរ​រថយន្ត​បង្ក​ត្រូវបាន​ឃាត់ខ្លួន រួមទាំង​រថយន្ត និង​ទោចក្រយានយន្ត ត្រូវបាន​យកមក​រក្សាទុក​នៅ​អធិការដ្ឋាន​នគរបាល​ស្រុក​មុខកំពូល ដើម្បី​បន្ត​ដោះស្រាយ​តាម​ក្រោយ​៕​

dessed

deesee

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.