ថ្ងៃ អង្គារ ទី ៣០ ខែ វិច្ឆិកា ឆ្នាំ ២០២១

ក្រោយពី​មិន​ខ្ចី​ខ្វល់​ ទីបំផុត​រាជរដ្ឋាភិបាល​បុរស​ខ្លាំង​ចាយ​លុយ​៥​លាន​ដុល្លារ​ឈឺឆ្អាល​រឿង​ពលករ​ខ្មែរ​ខុសច្បាប់​នៅ​ថៃ​ដើម្បី​ប្រជាប្រិយភាព​

​តាម​ប្រសាសន៍​របស់​ឯកឧត្តម​ នាយ​ឧត្តមសេនីយ៍​ កែ​ គឹ​ម​យ៉ា​ន​ ឧបនាយករដ្ឋមន្ត្រី​ ទទួល​បន្ទុក​ប្រធាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញឿ​ន​ និង​ជា​អ្នកតំណាង​រាស្ត្រ​មណ្ឌល​ខេត្តបន្ទាយមានជ័យ​មក​ពី​គណបក្ស​ប្រជាជន​កម្ពុជា​ ក្នុង​ឱកាស​នាំ​យក​អំណោយ​សួរសុខទុក្ខ​ដល់​ពលករ​ កងកម្លាំងប្រដាប់អាវុធ​ និង​អាជ្ញាធរ​ដែនដី​កំពុង​បំពេញបេសកកម្ម​ដឹក​ជញ្ជូន​ពលករ​ខ្មែរ​ខុសច្បាប់​ដែល​ថៃ​បណ្តេញ​មក​វិញ​ នៅ​រង្វង់​មូល​ក្រុង​ប៉ោយ​ប៉ែ​ត​ ខេត្តបន្ទាយមានជ័យ​ កាលពី​ថ្ងៃ​ទី​១៨​ ខែមិថុនា​ ឆ្នាំ​២០១៤​កន្លង​ទៅ​ថ្មីៗ​នេះ​ បាន​ឲ្យ​ដឹង​ថា​ ដោយ​មិន​គិត​បញ្ចូល​ពី​ការ​ចំណាយ​របស់​សប្បុរសជន​ ក្រុមហ៊ុន​ និង​អង្គការ​នានា​នោះ​ ចាប់ពី​ថ្ងៃ​ទី​០៦​ ខែមិថុនា​ ដល់​ថ្ងៃ​ទី​១៧​ ខែមិថុនា​ ឆ្នាំ​២០១៤​ រាជរដ្ឋាភិបាល​បាន​ចំណាយ​ទឹកប្រាក់​សរុប​អស់​ប្រមាណ​៥​លាន​ដុល្លារ​អា​មេ​រិ​ក​ ក្នុង​ការ​ផ្តល់​សេវា​ទទួល​ផ្គត់ផ្គង់​ស្បៀងអាហារ​ ថ្នាំសង្កូវ​ និង​ដឹក​ជញ្ជូន​ពលករ​ទៅ​ដល់​ស្រុក​កំណើត​ ។​

​ក្រុម​អ្នកវិភាគ​ឯករាជ្យ​លើ​កិច្ចការ​សង្គម​នៅ​កម្ពុជា​ បាន​លើក​ឡើង​ថា​ នេះ​គឺជា​រូបភាព​មួយ​ដែល​បន្ទាប់​ពី​ខ្ជីខ្ជា​មិនរ​វីរ​វល់​អស់​រយៈពេល​ជា​ច្រើន​ឆ្នាំ​មក​ហើយ​ ដូច​ជា​ មិន​លៃលក​ឲ្យ​ភាព​ខុសច្បាប់​របស់​ពលករ​ខ្មែរ​ទៅ​ធ្វើការ​នៅ​ប្រទេស​ថៃ​ឲ្យ​ក្លាយជា​ស្របច្បាប់​តាម​ការ​ទាមទារ​របស់​អាជ្ញាធរ​ថៃ​ និង​បើកដៃ​ឲ្យ​ក្រុម​មន្ត្រី​ប្រចាំការ​ច្រក​ទ្វារ​ព្រំដែន​ និង​ច្រក​របៀប​ រួម​ជាមួយ​ពួក​មេខ្យល់​ប្រមូល​លុយ​ពី​ពលករ​ខ្មែរ​ដាក់​ហោប៉ៅ​រួច​មក​ នៅ​ទីបំផុត​រាជរដ្ឋាភិបាល​ក្រោម​ការ​ដឹកនាំ​របស់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ជា​នាយក​រដ្ឋមន្ត្រី​ បាន​ប្រើប្រាស់​វិធី​ចាយ​លុយ​ជាតិ​ចំនួន​៥​លាន​ដុល្លារ​អា​មេ​រិ​ក​ ឈឺឆ្អាល​ក្នុង​រឿង​ពលករ​ខ្មែរ​ធ្វើការ​នៅ​ប្រទេស​ថៃ​ខុសច្បាប់​ ខណៈ​ដែល​ថៃ​បណ្តេញ​មក​វិញ​ ដើម្បី​ទទួល​បាន​នូវ​ប្រជាប្រិយភាព​ តាម​រូបមន្ត​"​ចង​ហើយ​ ទើប​ស្រាយ​ ឬ​បណ្តែតបណ្តោយ​ហើយ​ ទើបរ​វីរ​វល់​ឈឺឆ្អាល​តាម​ក្រោយ​"​ ។​

​មជ្ឈដ្ឋាន​អ្នកមាន​ជំនាញ​ខាង​សេដ្ឋកិច្ច​និង​សវន​កម្ម​ បាន​លើក​ឡើង​ថា​ ការ​ចំណាយ​ទឹកប្រាក់​ប្រមាណ​៥​លាន​ដុល្លារ​អា​មេ​រិ​ក​ ឬ​អាច​ច្រើន​ជាង​នេះ​ទៀត​របស់​រាជរដ្ឋាភិបាល​បុរស​ខ្លាំង​ អាច​មាន​បង្កប់​ទៅ​ដោយ​អំពើ​ពុក​រលួយ​ ដ្បិត​អ្នករក​លុយ​ អ្នក​ទុកដាក់​លុយ​ និង​អ្នក​ចាយ​លុយ​ គឺ​រាជរដ្ឋាភិបាល​បុរស​ខ្លាំង​តែ​មួយ​ (​ដូច​មនុស្ស​តែ​ម្នាក់​)​ ហើយ​គ្មាន​អ្នកត្រួតពិនិត្យ​ថែម​ទៀត​ ។​

​គិត​រហូត​មក​ទល់​ថ្ងៃ​ទី​២០​ ខែមិថុនា​ ឆ្នាំ​២០១៤​នេះ​ ពលករ​ខ្មែរ​ទៅ​ធ្វើការ​ខុសច្បាប់​នៅ​ប្រទេស​ថៃ​ បាន​វិល​ត្រឡប់​មក​ដល់​មាតុប្រទេស​វិញ​បាន​ចំនួន​ប្រមាណ​ជិត​២០​ម៉ឺន​នាក់​ហើយ​ ខណៈ​ដែល​អាជ្ញាធរ​ទទួលស្គាល់​ថា​ ចំនួន​ពលករ​ខ្មែរ​ធ្វើការ​នៅ​ប្រទេស​ថៃ​សរុប​មាន​ប្រមាណ​ពី​៣០​ម៉ឺន​នាក់​ទៅ​៤០​ម៉ឺន​នាក់​ ៕​

Khmer-worker-in-thailand9922  Khmer-worker-in-thailandKhmer-worker-in-thailand1

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.