ថ្ងៃ ព្រហស្បតិ៍ ទី ២០ ខែ មករា ឆ្នាំ ២០២២

ឥទ្ធិពល​ស្នេហា​សង្សារ​បែកចិត្ត​ធ្វើ​ឲ្យ​កញ្ញា​វ័យក្មេង​អាយុ​២០​ឆ្នាំ​ម្នាក់​ដាច់​ចិត្ត​លោត​សម្លាប់​ខ្លួន​ពីលើ​ផ្ទះ​ជាន់​ទី​៣

​ក្រោម​ឥទ្ធិពល​នៃ​សេចក្តី​ស្នេហា​ព្រោះតែ​សង្សារ​បែកចិត្ត​ បាន​ធ្វើ​ឲ្យ​កញ្ញា​វ័យក្មេង​អាយុ​២០​ឆ្នាំ​ម្នាក់​ដាច់​ចិត្ត​លោត​សម្លាប់​ខ្លួន​ពីលើ​ផ្ទះ​ជាន់​ទី​៣​ កាលពី​វេលា​ម៉ោង​០០​និង​៣០​នាទី​រំលង​អធ្រាត្រ​ ឈាន​ចូល​ថ្ងៃ​ទី​១៩​ ខែមិថុនា​ ឆ្នាំ​២០១៤​នេះ​ បង្ក​ឲ្យ​មានការ​ភ្ញាក់ផ្អើល​ដល់​អ្នក​រស់នៅ​ក្បែរ​ខាង​ទាំង​យប់​ នៅ​ត្រង់​ចំណុច​ផ្ទះ​ជួល​លេខ​១៣R​ ភូមិ​ទួល​គោក​ សង្កាត់​ទួល​សង្កែ​ ខណ្ឌឫស្សីកែវ​ រាជធានី​ភ្នំពេញ​ ។​

​ស្ត្រី​វ័យក្មេង​ដែល​ដាច់​ចិត្ត​លោត​ពីលើ​ផ្ទះ​ជាន់​ទី​៣​ប៉ង​សម្លាប់​ខ្លួន​នោះ​ ឈ្មោះ​ ឃុំ​ មាន​ អាយុ​២០​ឆ្នាំ​ មានស្រុក​កំណើត​នៅ​ខេត្តកំពង់ចាម​ មុខរបរ​ជា​កម្មការិនី​រោងចក្រ​ ស្នាក់​នៅ​បន្ទប់​លេខ​៣២០​ ផ្ទះ​ជួល​កើតហេតុ​ខាងលើ​ និង​មាន​សង្សារ​បណ្តូលចិត្ត​ឈ្មោះ​ យ៉ាំ​ យ៉​ត​ អាយុ​២២​ឆ្នាំ​ មានស្រុក​កំណើត​នៅ​ខេត្តកំពង់ចាម​ និង​ស្នាក់​នៅ​បន្ទប់​ផ្ទះ​ជួល​ក្បែរ​គ្នា​ ខណៈ​រយៈពេល​ប៉ុន្មាន​ថ្ងៃ​ចុង​ក្រោយ​ ត្រូវ​បាន​អ្នក​រស់នៅ​ជិតខាង​សង្កេត​ឃើញ​ថា​ នាង​មាន​ទឹកមុខ​ក្រៀមក្រំ​ ដ្បិត​ដឹង​ថា​សង្សារ​របស់​នាង​បែកចិត្ត​ស្វែងរក​ស្រី​ថ្មី​ចង់​ដោះដៃ​ចោល​នាង​ ព្រមទាំង​មានការ​ឈ្លោះប្រកែក​គ្នា​ផង​ ទើប​ជំរុញ​ឲ្យ​នាង​ដាច់​ចិត្ត​លោត​សម្លាប់​ខ្លួន​បែប​នេះ​ ។​

​ទោះ​យ៉ាងណា​ ស្ត្រី​វ័យក្មេង​ចិត្តដាច់​លោត​ពីលើ​ផ្ទះ​ជាន់​ទី​៣​ ប៉ង​សម្លាប់​ខ្លួន​រូប​នេះ​មិន​បាន​ស្លាប់​បាត់បង់​ជីវិត​ដូច​បំណង​ទេ​ ដ្បិត​ត្រូវ​បាន​រថយន្ត​សា​មុ​យ​ដឹក​យក​ទៅ​សង្គ្រោះ​នៅ​គ្លីនិក​ឯកជន​ ឃឹម​ រ៉ា​នី​ ទាន់​ពេលវេលា​ គឺ​គ្រាន់​ទទួល​រង​ការ​បាក់ជើង​ទាំង​សងខាង​សន្លប់​ស្តូកស្តឹង​ប៉ុណ្ណោះ​ ។​

​មជ្ឈដ្ឋាន​ប្រជាពលរដ្ឋ​ជា​ច្រើន​ បាន​សម្តែង​នូវ​ការ​រិះគន់​ទៅ​លើ​អំពើ​ទាំងឡាយ​ ជា​ពិសេស​អំពើ​ប៉ុនប៉ង​សម្លាប់​ខ្លួន​របស់​គូស្នេហ៍​នីមួយៗ​ ព្រោះតែ​សង្សារ​បែកចិត្ត​ ដោយ​ក្រុម​ប្រជាពលរដ្ឋ​បាន​ចាត់​ទុក​អំពើ​ទាំងនោះ​ជា​អំពើ​ឆោតល្ងង់​ នាំ​ឲ្យ​ខាតបង់​ដល់​សាមីខ្លួន​ផង​ និង​ខាតបង់​ដល់​ក្រុម​គ្រួសារ​ផង​ ព្រមទាំង​ខាតបង់​ដល់​សង្គម​ជាតិ​ផង​ ៕​

Girl

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.