ថ្ងៃ ចន្ទ ទី ២៤ ខែ មករា ឆ្នាំ ២០២២

រុ​ស្ស៊ី​ដាក់​ឱសានវាទ​បញ្ឈប់​ការ​ផ្គត់ផ្គង់​ឧស្ម័ន​ដល់​អ៊ុយ​ក្រែ​ន​

​កិច្ច​ពិភាក្សា​រវាង​រុ​ស្ស៊ី​ និង​អ៊ុយ​ក្រែ​ន​លើ​ការ​ផ្គត់ផ្គង់​ឧស្ម័ន​ពាក់ព័ន្ធ​នឹង​តម្លៃ​ និង​រូបភាព​ទូទាត់​ដែល​រៀបចំ​ដោយ​សហភាព​អឹ​រ៉ុ​ប​ជា​អាជ្ញាកណ្តាល​ កាលពី​ថ្ងៃ​ទី​១៤​ ខែមិថុនា​ ឆ្នាំ​២០១៤​កន្លង​ទៅ​ថ្មីៗ​នេះ​ បាន​បញ្ចប់​ទាំង​គ្មាន​លទ្ធផល​ ខណៈ​ដែល​រុ​ស្ស៊ី​បាន​កំណត់​ពេលវេលា​ចុង​ក្រោយ​ដល់​អ៊ុយ​ក្រែ​ន​ ដើម្បី​ផ្លាស់​ប្តូរ​រូបភាព​ទូទាត់​ ទៅ​ជា​បង់ប្រាក់​ជា​មុន​ទើប​ប្រគល់​ទំនិញ​តាម​ក្រោយ​ គិត​ចាប់ពី​ថ្ងៃ​ទី​១៦​ ខែមិថុនា​ ឆ្នាំ​២០១៤​នេះ​ ពោល​គឺ​អ៊ុយ​ក្រែ​ន​ត្រូវ​បាន​រុ​ស្ស៊ី​តម្រូវ​ឲ្យ​បង់​សងបំណុល​ចាស់​កាលពី​ឆ្នាំ​២០១៣​ មាន​ទឹកប្រាក់​ចំនួន​១,៩៥១​ពាន់​លាន​ដុល្លារ​អា​មេ​រិ​ក​ ។

រដ្ឋាភិបាល​ទីក្រុង​មូ​ស្គូ​បាន​កំណត់​តម្លៃ​ឧស្ម័ន​ឲ្យ​អ៊ុយ​ក្រែ​ន​ស្មើនឹង​៣៨៥​ដុល្លារ​អា​មេ​រិ​ក​ក្នុង​១​ពាន់​ម៉ែត្រគូប​(​តម្លៃ​សរុប​ចំនួន​៤៨៥​ដុល្លារ​អា​មេ​រិ​ក​បើ​គិត​បញ្ចូល​ទាំង​ពន្ធ​នាំ​ចេញ​ចំនួន​១០០​ដុល្លារ​អា​មេ​រិ​ក​ទៀត​)​ នៅ​ក្រោយ​ពេល​ប្រទេស​ទាំង​២​ប្រឈម​មុខ​ដាក់​គ្នា​ ប៉ុន្តែ​អ៊ុយ​ក្រែ​ន​មិន​ឯកភាព​យក​តម្លៃ​នេះ​ទេ​ ខណៈ​គិត​ត្រឹម​ខែមេសា​ ឆ្នាំ​២០១៤​ អ៊ុយ​ក្រែ​ន​នៅ​ជំពាក់​បំណុល​ថ្លៃ​ឧស្ម័ន​រហូត​ដល់​៣,៥​ពាន់​លាន​ដុល្លារ​អា​មេ​រិ​ក​ ហើយ​អ៊ុយ​ក្រែ​ន​យល់ព្រម​ទូទាត់​ប្រាក់​បំណុល​សង​រុ​ស្ស៊ី​ចំនួន​១,៩​ពាន់​លាន​ដុល្លារ​អា​មេ​រិ​ក​ ដោយ​គិត​ក្នុង​តម្លៃ​៣២៦​ដុល្លារ​អា​មេ​រិ​ក​ក្នុង​១​ពាន់​ម៉ែត្រគូប​រយៈពេល​១៨​ខែ​ ។​

​ទោះ​យ៉ាងណា​ រុ​ស្ស៊ី​បាន​ព្រមាន​គំរាមកំហែង​ផ្តាច់​ការ​ផ្គត់ផ្គង់​ឧស្ម័ន​ឲ្យ​អ៊ុយ​ក្រែ​ន​ ប្រសិនបើ​អ៊ុយ​ក្រែ​ន​មិន​ព្រមព្រៀង​ទូទាត់​បំណុល​រុ​ស្ស៊ី​ទេ​នោះ​ ដោយ​រុ​ស្ស៊ី​បាន​កំណត់​ពេលវេលា​នៅ​វេលា​ម៉ោង​១៨​ថ្ងៃ​ទី​១៧​ ខែមិថុនា​ ឆ្នាំ​២០១៤​ លើ​ការ​បញ្ឈប់​ផ្គត់ផ្គង់​ឧស្ម័ន​ជា​ស្ថាពរ​ឲ្យ​អ៊ុយ​ក្រែ​ន​ ក្នុង​ករណី​ភាគី​ទាំង​២​គ្មាន​ការ​ព្រមព្រៀង​គ្នា​ ។​

​ក្នុង​ព្រឹត្តិការណ៍​មួយ​ផ្សេង​ទៀត​ គឺ​អ៊ុយ​ក្រែ​ន​បាន​សម្រេច​បិទ​ព្រំដែន​ទាំងស្រុង​ដែល​មាន​ប្រវែង​២៥០​គីឡូម៉ែត្រ​ជាមួយ​រុ​ស្ស៊ី​រយៈពេល​ច្រើន​ថ្ងៃ​ និង​គ្មាន​កំណត់​ ក្នុង​គោលបំណង​ទប់ស្កាត់​ប្រភព​ផ្គត់ផ្គង់​សព្វាវុធ​ពី​រុ​ស្ស៊ី​ទៅ​ឲ្យ​ក្រុម​បះបោរ​នៅ​ភាគ​ខាងកើត​ ដើម្បី​វាយប្រហារ​ទៅ​លើ​ទាហាន​អ៊ុយ​ក្រែ​ន​ ៕​

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.