ថ្ងៃ ពុធ ទី ២៥ ខែ ឧសភា ឆ្នាំ ២០២២

រដ្ឋអំណាច​យោធា​ថៃ​ព្រមាន​ថា​ នឹង​បិទ​បណ្តាញ​ទំនាក់ទំនង​សង្គម​ Facebook​ ថែម​ទៀត​

​រដ្ឋអំណាច​យោធា​ថៃ​ដែល​កើត​ចេញពី​រដ្ឋប្រហារ​យោធា​នា​ពេល​ថ្មីៗ​កន្លង​ទៅ​នេះ​ ក្រៅពី​បាន​ប្រកាស​បិទ​សាលារៀន​រដ្ឋ​ និង​ឯកជន​ទាំងអស់​ចាប់ពី​ថ្ងៃ​ទី​២៣​ ខែឧសភា​ ដល់​ថ្ងៃ​ទី​២៥​ ខែឧសភា​ ឆ្នាំ​២០១៤​នេះ​ គឺ​ពួក​គេ​ក៏​បាន​ព្រមាន​ផង​ដែរ​ថា​នឹង​បិទ​បណ្តាញ​ទំនាក់ទំនង​ព័ត៌មាន​សង្គម​ទាំងអស់​ ដូច​ជា​ Facebook,​ Youtube,​ Twitter…​។​ល​។​

​ប្រភព​ពីសារ​ព័ត៌មាន​បរទេស​បាន​ឲ្យ​ដឹង​ថា​ ការណ៍​ដែល​អាជ្ញាធរ​យោធា​ថៃ​ព្រមាន​បិទ​បណ្តាញ​ទំនាក់ទំនង​ព័ត៌មាន​សង្គម​នៅ​ប្រទេស​ថៃ​ទាំង​អស់នោះ​ គឺ​ដើម្បី​កាត់​ផ្តាច់​រាល់​ការ​ទំនាក់ទំនង​នានា​របស់​ក្រុម​អ្នកគាំទ្រ​គណបក្ស​នយោបាយ​សំខាន់ៗ​ ជា​ពិសេស​គណបក្ស​ភឿ​ថៃ​របស់​លោកស្រី​ យី​ង​ឡាក់​ ស៊ី​ណា​វ៉ា​ត្រា​ អតីត​នាយក​រដ្ឋមន្ត្រី​ថៃ​ និង​គណបក្ស​របស់​លោក​ អាប់​ភី​ស៊ី​ត​ វេចា​ជីវ៉ា​ ផង​ដែរ​ ដ្បិត​អតីត​ថ្នាក់ដឹកនាំ​សំខាន់ៗ​ជា​ច្រើន​នាក់​ត្រូវ​បាន​ឃុំខ្លួន​ដោយ​ដកហូត​ទូរស័ព្ទ​ដៃ​ជា​ប្រព័ន្ធ​ទំនាក់ទំនង​រួច​អស់​ទៅ​ហើយ​ ។​

​សូម​បញ្ជាក់​ជូន​ថា​ Page​ មួយ​ក្នុង​បណ្តាញ​ព័ត៌មាន​សង្គម​ Facebook​ ដែល​គេ​ស្គាល់​ថា​ជា​របស់​លោកស្រី​ យី​ង​ឡាក់​ ស៊ី​ណា​វ៉ា​ត្រា​ អតីត​នាយក​រដ្ឋមន្ត្រី​ មាន​ចំនួន​អ្នក​ Like​ Page​ ច្រើន​សន្ធឹកសន្ធាប់​រហូត​ដល់​ 3,1m(​ជាង​៣​លាន​)​នោះ​ លែង​ឃើញ​មាន​សកម្មភាព​ Post​ នូវ​រូបភាព​ និង​ព័ត៌មាន​នានា​ចាប់តាំងពី​ថ្ងៃ​ទី​១៣​ ខែឧសភា​ ឆ្នាំ​២០១៤​ គឺជា​ពេលវេលា​ដែល​លោកស្រី​ យី​ង​ឡាក់​ ស៊ី​ណា​វ៉ា​ត្រា​ ត្រូវ​បាន​បញ្ចប់​ពីមុខ​តំណែង​ជា​នាយក​រដ្ឋមន្ត្រី​ ដោយ​អំណាចតុលាការ​មក​ម្ល៉េះ​ ហើយ​បច្ចុប្បន្ន​នេះ​លោកស្រី​ត្រូវ​បាន​ឃុំខ្លួន​ដោយ​ក្រុម​អាជ្ញាធរ​យោធា​ថៃ​ ស្និទ្ធ​នឹង​ស្ថាប័ន​ព្រះមហាក្សត្រ​ ៕​

 

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.