ថ្ងៃ ពុធ ទី ២៥ ខែ ឧសភា ឆ្នាំ ២០២២

អត្តសញ្ញាណ​ទង់ជាតិ​ខ្មែរ​ត្រូវ​បាន​យក​មក​ប្រើប្រាស់​ទាំង​ខុសឆ្គង​រហូត​ដល់​ប្រទេស​ចិន​

​ក្នុង​ដំណើរ​ទស្សនកិច្ច​និង​ជំនួប​របស់​សម្តេច​អគ្គមហាសេនាបតី​តេ​ជោ​ ហ៊ុន​ សែន​ នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ ជាមួយ​ឯកឧត្តម​ ស៊ី​ ជី​ន​ពីង​ ប្រធានាធិបតី​នៃ​សាធារណរដ្ឋ​ប្រជាមានិត​ចិន​នៅ​លើ​ទឹកដី​ប្រទេស​ចិន​ កាលពី​ថ្ងៃ​ទី​១៨​ ខែឧសភា​ ឆ្នាំ​២០១៤​កន្លង​ទៅ​ថ្មីៗ​នេះ​ ទង់ជាតិ​នៃ​ព្រះរាជាណាចក្រ​កម្ពុជា​ និង​ទង់ជាតិ​នៃ​សាធារណរដ្ឋ​ប្រជាមានិត​ចិន​ ក៏​ត្រូវ​បាន​យក​មក​ប្រើប្រាស់​ផង​ដែរ​នៅ​កន្លែង​បដិសណ្ឋារកិច្ច​ និង​កន្លែង​សាល​ប្រជុំ​ ។​

​ចំណុច​ដែល​គួរ​ឲ្យ​ចាប់អារម្មណ៍​ផង​ និង​សោកស្តាយ​ផង​នោះ​ គឺ​ទង់ជាតិ​នៃ​ព្រះរាជាណាចក្រ​កម្ពុជា​ ដែល​ត្រូវ​បាន​យក​មក​ប្រើប្រាស់​នៅ​លើ​ទឹកដី​ប្រទេស​ចិន​នោះ​ មាន​ភាព​ខុសឆ្គង​ពី​អត្តសញ្ញាណ​ទង់ជាតិ​នៃ​ព្រះរាជាណាចក្រ​កម្ពុជា​ពិតប្រាកដ​ដែល​មាន​ចែង​ក្នុង​រដ្ឋធម្មនុញ្ញ​ជា​ច្បាប់​កំពូល​នៃ​ព្រះរាជាណាចក្រ​កម្ពុជា​ត្រង់​មាត្រា​៦​ ឧ​ប​សម្ព័ន្ធ​ទី​១​ ពោល​គឺ​ទង់ជាតិ​នៃ​ព្រះរាជាណាចក្រ​កម្ពុជា​បែរជា​"​គ្មាន​កាំជណ្តើរ​"​ទៅ​វិញ​ ។​

​នេះ​គឺជា​ព័ស្តុតាង​មួយ​ដែល​បង្ហាញ​ឲ្យ​ឃើញ​ថា​ អត្តសញ្ញាណ​ទង់ជាតិ​នៃ​ព្រះរាជាណាចក្រ​កម្ពុជា​ត្រូវ​បាន​យក​មក​ប្រើប្រាស់​ទាំង​ខុសឆ្គង​ មិន​ត្រឹមតែ​ក្នុង​ប្រទេស​កម្ពុជា​ប៉ុណ្ណោះ​ទេ​ គឺ​រហូត​ឈាន​ទៅ​ដល់​ប្រទេស​ចិន​ថែម​ទៀត​ ។​

​ដូច្នេះ​ ប្រសិនបើ​ប្រមុខ​រាជរដ្ឋាភិបាល​កម្ពុជា​មិន​ចាប់អារម្មណ៍​សោះ​នោះ​ សូម​ឯកអគ្គរាជទូត​វិសាមញ្ញ​និង​ពេញ​សមត្ថភាព​នៃ​ព្រះរាជាណាចក្រ​កម្ពុជា​ប្រចាំ​សាធារណរដ្ឋ​ប្រជាមានិត​ចិន​ ក៏​ដូច​ជា​ថ្នាក់ដឹកនាំ​កម្ពុជា​ឯទៀតៗ​មេត្តា​ធ្វើការ​ចាប់អារម្មណ៍​លើ​ការ​ប្រើប្រាស់​អត្តសញ្ញាណ​ទង់ជាតិ​ខ្មែរ​ឲ្យ​ស្រប​ ឬ​ត្រឹមត្រូវ​ទៅ​តាម​អត្តសញ្ញាណ​ដែល​មាន​ចែង​នៅ​ក្នុង​រដ្ឋធម្មនុញ្ញ​ដែល​ជា​ច្បាប់​កំពូល​នៃ​ព្រះរាជាណាចក្រ​កម្ពុជា​ផង​ ជៀសវាង​បង្ក​ឲ្យ​មានការ​ខ្មាស​អៀន​ចំពោះ​មុខ​បរទេស​នានា​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.