ថ្ងៃ ពុធ ទី ២៥ ខែ ឧសភា ឆ្នាំ ២០២២

នគរបាល​សេដ្ឋកិច្ច​២​នាក់​ជាប់​សង្ស័យ​ជំរិត​ទារប្រាក់​ពី​ម្ចាស់​រថយន្ត​ដឹកឈើ​ប្រណីត​១​គ្រឿង​

​រថយន្ត​មួយ​គ្រឿង​ម៉ាក​ TOYOTA​ មួយ​បាំង​កន្លះ​ និង​ឈើ​ប្រណីត​ដែល​កងកម្លាំង​នគរបាល​ប្រឆាំង​បទល្មើស​សេដ្ឋកិច្ច​ខេត្តរតនគិរី​ប្រដេញ​ស្ទាក់​ចាប់​បាន​ កាលពី​វេលា​ម៉ោង​១៣​រសៀល​ ថ្ងៃ​ទី​១៣​ ខែឧសភា​ ឆ្នាំ​២០១៤​កន្លង​មក​នោះ​ ត្រូវ​បាន​ដោះ​លែង​វិញ​ហើយ​ ដោយ​ម្ចាស់​រថយន្ត​ដែល​ដឹកឈើ​ប្រណីត​បាន​យល់ព្រម​បង់ប្រាក់​ឲ្យ​ទៅ​សមត្ថកិច្ច​នគរបាល​ ជា​ថ្នូរ​នឹង​ការ​ដោះ​លែង​ ។​

​លោក​ ណុ​ច​ ម៉ៅ​ អាយុ​៥០​ឆ្នាំ​ ជា​ម្ចាស់​រថយន្ត​ដឹកឈើ​ប្រណីត​ដែល​ត្រូវ​សមត្ថកិច្ច​នគរបាល​ប្រឆាំង​បទល្មើស​សេដ្ឋកិច្ច​ខេត្តរតនគិរី​បង្ក្រាប​បាន​នោះ​ បាន​រៀបរាប់​ប្រាប់​អ្នក​សារព័ត៌មាន​ថា​ មាន​មន្ត្រី​នគរបាល​ចំនួន​២​នាក់​ គឺ​ឈ្មោះ​ គង់​ ផា​ន់​ និង​ឈ្មោះ​ ឈាង​ សុ​ភ័​ក្រ​ ជា​អ្នក​ជំរិត​ទារប្រាក់​ពី​គាត់​ចំនួន​១.០០០​ដុល្លារ​អា​មេ​រិ​ក​នាគ្រា​ដំបូង​ ជា​ថ្នូរ​នឹង​ការ​ដោះ​លែង​ ប៉ុន្តែ​ក្រោយមក​បាន​ចរចា​ត្រូវ​គ្នា​ចុះថ្លៃ​ត្រឹម​ចំនួន​៨០០​ដុល្លារ​អា​មេ​រិ​ក​ ទើប​រថយន្ត​និង​ឈើ​ក៏​ត្រូវ​បាន​សមត្ថកិច្ច​ប្រគល់​ឲ្យ​មក​គាត់​វិញ​ ។​

​មិន​ទាន់​ទទួល​បានការ​បំភ្លឺ​ពី​សំណាក់​លោក​ គង់​ ផា​ន់​ និង​លោក​ ឈាង​ សុ​ភ័​ក្រ​ ជា​មន្ត្រី​នគរបាល​ប្រឆាំង​បទល្មើស​សេដ្ឋកិច្ច​ខេត្តរតនគិរី​ ពាក់ព័ន្ធ​នឹង​ការ​ចោទប្រកាន់​របស់​លោក​ ណុ​ច​ ម៉ៅ​ នោះ​នៅឡើយ​ទេ​ ត្រឹម​ថ្ងៃ​ទី​១៥​ ខែឧសភា​ ឆ្នាំ​២០១៤​នេះ​ ។​

​មជ្ឈដ្ឋាន​អ្នក​តាមដាន​ឃ្លាំមើល​បទល្មើស​ព្រៃឈើ​នៅ​កម្ពុជា​ បាន​លើក​ឡើង​ថា​ បទល្មើស​ព្រៃឈើ​ដែល​ក្លាយជា​វិនាសកម្ម​នៅ​កម្ពុជា​ នៅ​តែ​បន្ត​កើត​មាន​ គឺ​ដោយសារ​មន្ត្រី​មាន​សមត្ថកិច្ច​ទទួល​សំណូក​ពី​ឈ្មួញ​រកស៊ី​ឈើ​ ជា​ថ្នូរ​នឹង​ការ​មិន​បង្ក្រាប​ ធ្វើ​មិនដឹងមិនឮ​ និង​ជា​ថ្នូរ​នឹង​ការ​ដោះ​លែង​ ដើម្បី​ផលប្រយោជន៍​ផ្ទាល់ខ្លួន​ និង​បក្ខពួក​ ៕​

Ratanakiri-3

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.