ថ្ងៃ ពុធ ទី ២២ ខែ កញ្ញា ឆ្នាំ ២០២១

ជប៉ុន​ព្រមាន​បញ្ឈប់​ការ​នាំ​ចូល​បង្គា​របស់​វៀតណាម​

​សមាគម​អ្នក​ផលិត​ និង​នាំ​ចេញ​អាហារ​សមុទ្រ​ប្រទេស​វៀតណាម​ បាន​ឲ្យ​ដឹង​ថា​ ជប៉ុន​ព្រមាន​នឹង​បញ្ឈប់​ការ​នាំ​ចូល​បង្គា​ពី​ប្រទេស​វៀតណាម​ ហើយ​គ្រោង​នឹង​នាំ​ចូល​បង្គា​ពី​ប្រទេស​ឥណ្ឌា​ និង​ឥណ្ឌូ​នេ​ស៊ី​វិញ​ ដោយសារ​តែ​បង្គា​វៀតណាម​មាន​សារធាតុ​ Oxytetracycline​ ខ្ពស់​លើស​កម្រិត​នៅ​ក្នុង​បង្គា​វៀតណាម​ ដែល​ត្រូវ​បាន​នាំ​ចេញ​ ខណៈ​ដែល​ការ​នាំ​ចេញ​បង្គា​របស់​វៀតណាម​ចំនួន​១១​លើក​ទៅ​កាន់​សហភាព​អឺរ៉ុប​ និង​ប្រទេស​ជប៉ុន​ត្រូវ​បាន​បញ្ជូន​ត្រឡប់​មក​វិញ​ក្នុង​រយៈពេល​៤​ខែ​ដំបូង​នៃ​ឆ្នាំ​នេះ​ ព្រោះ​បង្គា​មាន​សារធាតុ​ថ្នាំ​សម្លាប់​មេរោគ​ Oxytetracycline​ ខ្ពស់​លើស​កម្រិត​កំណត់​ ។​

​សមាគម​អ្នក​ផលិត​និង​នាំ​ចេញ​អាហារ​សមុទ្រ​ប្រទេស​វៀតណាម​ បាន​ឲ្យ​ដឹង​ដែរ​ថា​ អ្នក​នាំ​ចូល​របស់​ជប៉ុន​កំពុងធ្វើការ​ណែនាំ​ដល់​រោងចក្រ​ធ្វើ​បង្គា​ក្នុង​ប្រទេស​ឥណ្ឌា​ ធ្វើ​បង្គា​ឲ្យ​បាន​ល្អ​តាម​ស្តង់ដារ​កំណត់​ ដោយ​ជប៉ុន​អាច​នឹង​ផ្លាស់​ប្តូរ​ការ​បញ្ជា​ទិញ​បង្គា​ពី​ប្រទេស​វៀតណាម​ ។​ ដោយឡែក​ សហភាព​អឺរ៉ុប​នឹង​ពិចារណា​ចាត់វិធានការ​ឲ្យ​បាន​តឹងរ៉ឹង​បន្ថែម​ទៀត​ទៅ​លើ​បង្គា​វៀតណាម​ ប្រសិនបើ​វៀតណាម​មិន​ដោះស្រាយ​បញ្ហា​នេះ​ទេ​ ។​

​កាលពីដើម​ឆ្នាំ​២០១៤​នេះ​ សមាគម​អ្នក​ផលិត​ និង​នាំ​ចេញ​អាហារ​សមុទ្រ​វៀតណាម​ បាន​ព្យាករណ៍​ទុក​ថា​ ការ​នាំ​ចេញ​បង្គា​អាច​ឈាន​ដល់​មាន​ទំហំ​ទឹកប្រាក់​៣.០០០​លាន​ដុល្លារ​អា​មេ​រិ​ក​ក្នុង​ឆ្នាំ​២០១៤​ ក្នុង​ករណី​បញ្ហា​បង្កាត់​ពូជ​និង​វត្តមាន​សារធាតុ​គីមី​ត្រូវ​បាន​យកចិត្តទុកដាក់​ដោះស្រាយ​ ៕​

 

Filed in: Feature, សេដ្ឋកិច្ច, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.