ថ្ងៃ អាទិត្យ ទី ១៤ ខែ សីហា ឆ្នាំ ២០២២

ពាក្យ​ហៅ​ថា​”​សម្តេច​តា​-​សម្តេច​យាយ​”​និង​”​សម្តេចឪ​-​សម្តេចម៉ែ​”​អាច​នឹង​ត្រូវ​បាន​ប្រើប្រាស់​ក្នុង​គ្រួសារ​បុរស​ខ្លាំង​

ក្នុង​ចំណោម​ថ្នាក់ដឹកនាំ​គណបក្ស​ប្រជាជន​កម្ពុជា​ ដែល​ជា​គណបក្ស​នយោបាយ​កាន់កាប់​អំណាច​ដ៏​ធំ​នៅ​កម្ពុជា​ និង​មិនមែន​ជា​សែ​រាជវង្ស​នោះ​ គឺ​មាន​តែ​ក្រុម​គ្រួសារ​សម្តេច​អគ្គមហាសេនាបតី​តេ​ជោ​ នាយ​ឧត្តមសេនីយ៍​ផុត​លេខ​ផ្កាយ​មាស​៥​ បណ្ឌិត​សភាចា​រ្យ​ ហ៊ុន​ សែន​ ហៅ​បុរស​ខ្លាំង​ ជា​អនុប្រធាន​គណបក្ស​ប្រជាជន​កម្ពុជា​ និង​ជា​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​រយៈពេល​ជាង​២០​ឆ្នាំ​ប៉ុណ្ណោះ​ ទើប​មាន​គោរមងារ​ជា​"​សម្តេច​"​ទាំង​ប្តី​ ទាំង​ប្រពន្ធ​ ដោយ​បុរស​ខ្លាំង​មាន​គោរមងារ​ជា​ "​សម្តេច​អគ្គមហាសេនាបតី​តេ​ជោ​ ហ៊ុន​ សែន​"​ និង​ភរិយា​របស់​បុរស​ខ្លាំង​ មាន​គោរមងារ​ជា​"​សម្តេច​កិត្តិ​ព្រឹទ្ធ​បណ្ឌិត​ ប៊ុ​ន​ រ៉ា​នី​ ហ៊ុន​ សែន​"​ ។​

​បុរស​ខ្លាំង​ទទួល​បាន​គោរមងារ​តាម​ការ​ប្រោស​ប្រទាន​ពី​ព្រះមហាក្សត្រ​នៃ​ព្រះរាជាណាចក្រ​កម្ពុជា​ ជា​"​សម្តេច​ ហ៊ុន​ សែន​"​ កាលពី​អំឡុង​ខែកុម្ភៈ​ ឆ្នាំ​១៩៩៤​ និង​ក្រោយមក​ទៀត​រហូត​ទល់​បច្ចុប្បន្ន​ ទទួល​បាន​គោរមងារ​ជា​"​សម្តេច​អគ្គមហាសេនាបតី​តេ​ជោ​ ហ៊ុន​ សែន​"​ នា​ខែតុលា​ ឆ្នាំ​២០០៧​ ។​ រីឯ​ភរិយា​របស់​បុរស​ខ្លាំង​ គឺ​លោក​ជំទាវ​ ប៊ុ​ន​ រ៉ា​នី​ ហ៊ុន​ សែន​ ទទួល​បាន​គោរមងារ​ជា​"​កិត្តិ​ព្រឹទ្ធ​បណ្ឌិត​"​ នា​ខែមីនា​ ឆ្នាំ​២០១១​ និង​ក្រោយមក​រហូត​ទល់​បច្ចុប្បន្ន​ ទទួល​បាន​គោរមងារ​ជា​ "​សម្តេច​កិត្តិ​ព្រឹទ្ធ​បណ្ឌិត​"​ នៅ​ខែឧសភា​ ឆ្នាំ​២០១៣​ ។​

​ដោយសារ​បុរស​ខ្លាំង​មាន​គោរមងារ​ជា​"​សម្តេច​"​ទាំង​ពីរ​នាក់​ប្តី​-​ប្រពន្ធ​ ហើយ​សម្តេច​ប្តី​-​ប្រពន្ធ​ទាំង​ទ្វេ​មានកូនៗ​ និង​ចៅៗ​ជា​ច្រើន​នាក់​ទៀត​នោះ​ ដូច្នេះ​ ចៅៗ​ និង​កូនៗ​របស់​សម្តេច​ អាច​ហៅ​តា​-​យាយ​ និង​ឪពុក​-​ម្តាយ​របស់​ខ្លួន​យ៉ាង​ខ្លី​ តែ​មាន​ន័យ​ជ្រៅ​ថា​ "​សម្តេច​តា​-​សម្តេច​យាយ​"​ និង​ "​សម្តេចឪ​-​សម្តេចម៉ែ​"​ បាន​តាម​ការ​ចង់​ហៅ​ ។​ ម្យ៉ាងទៀត​ អំណាច​របស់​សម្តេច​ប្តី​-​ប្រពន្ធ​ទាំង​ទ្វេ​ក៏​បាន​គ្របដណ្តប់​យ៉ាង​ខ្លាំង​លើសលប់​នៅ​ក្នុង​ព្រះរាជាណាចក្រ​កម្ពុជា​ទាំងមូល​រួច​ទៅ​ហើយ​ ពោល​គឺ​ក្លាយជា​កំពូល​ថ្នាក់ដឹកនាំ​ប្រមូលផ្តុំ​ទៅ​ដោយ​អំណាច​ក្នុង​គ្រួសារ​តែ​ម្នាក់ឯង​ គ្មាន​គូ​ប្រៀបផ្ទឹម​ ដែល​គួរតែ​ប្រើ​ពាក្យ​ហៅ​ចំពោះ​សម្តេច​ប្តី​-​ប្រពន្ធ​ទាំង​ទ្វេ​ឲ្យ​មាន​ភាព​ឧត្តុង្គឧត្តម​ជាងគេ​ ទើប​ប្រសើរ​ និង​ទើប​ស័ក្តិសម​ ។​

​សរុបសេចក្តី​មក​ ពាក្យ​ហៅ​ថា​ "​សម្តេច​តា​-​សម្តេច​យាយ​"​ និង​ "​សម្តេចឪ​-​សម្តេចម៉ែ​"​ អាច​នឹង​ត្រូវ​បាន​ប្រើប្រាស់​នៅ​ក្នុង​គ្រួសារ​របស់​បុរស​ខ្លាំង​ ដែល​ជា​គ្រួសារ​បរិបូរណ៍​ហៀរហូរ​ទៅ​ដោយ​អំណាច​ និង​ទ្រព្យសម្បត្តិ​មហាសាល​ ៕​ 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.