ថ្ងៃ សុក្រ ទី ១៩ ខែ សីហា ឆ្នាំ ២០២២

តា​អាចារ្យ​ភ្លុក​អាយុ​៧៣​ឆ្នាំ​ម្នាក់​ត្រូវ​ចាប់ខ្លួន​ ដ្បិត​ខ្លួន​ចាស់​ធ្វើ​ចរិត​ព្រើល​ប៉ុនប៉ង​រំលោភ​ចៅស្រី​អាយុ​៣​ឆ្នាំ​

​តា​អាចារ្យ​ភ្លុក​អាយុ​៧៣​ឆ្នាំ​ម្នាក់​ ត្រូវ​បាន​សមត្ថកិច្ច​នគរបាល​ស្រុក​មណ្ឌល​សីមា​ ខេត្តកោះកុង​ ចាប់ខ្លួន​ពី​បទ​បៀតបៀន​កេរ្តិ៍ខ្មាស​ទៅ​លើ​ចៅស្រី​អាយុ​៣​ឆ្នាំ​ កាលពី​វេលា​ម៉ោង​១៣​និង​៣០​នាទី​រសៀល​ ថ្ងៃ​ទី​១០​ ខែកុម្ភៈ​ ឆ្នាំ​២០១៤​ម្សិលមិញ​នេះ​ បន្ទាប់​ពី​ពាក្យបណ្តឹង​របស់​ម្តាយ​ក្មេង​ស្រី​រួច​មក​ ។​

​ជនសង្ស័យ​ជា​អាចារ្យ​ភ្លុក​ដែល​ត្រូវ​សមត្ថកិច្ច​ចាប់​ឃាត់ខ្លួន​ពី​បទ​អំពើ​អាស​ប្រឆាំង​នឹង​អនីតិជន​អាយុ​ក្រោម​១៥​ឆ្នាំ​ ដ្បិត​ខ្លួន​ចាស់​ធ្វើ​ចរិត​ព្រើល​ ប៉ុនប៉ង​រំលោភ​ចៅស្រី​អាយុ​៣​ឆ្នាំ​នោះ​មានឈ្មោះ​ ប្រាក់​ ឆាត​ អាយុ​៧៣​ឆ្នាំ​ មាន​ទីលំនៅ​ក្នុង​វត្ត​ប៉ាក់​ខ្ល​ង​ ឃុំ​ប៉ាក់​ខ្ល​ង​ ស្រុក​មណ្ឌល​សីមា​ ខេត្តកោះកុង​ ។​

​សមត្ថកិច្ច​នគរបាល​បាន​ឲ្យ​ដឹង​ថា​ មុន​ពេល​កើតហេតុ​ ម្តាយមីង​រស់នៅ​ក្នុង​វត្ត​បាន​លបមើល​នៅ​តាម​ប្រហោង​ជញ្ជាំង​ផ្ទះ​ ឃើញ​ជនសង្ស័យ​មាន​សកម្ម​ភា​ប​មិន​គប្បី​ទៅ​លើ​ចៅស្រី​អាយុ​៣​ឆ្នាំ​ ក៏​បាន​និយាយ​ប្រាប់​ទៅ​ម្តាយ​របស់​ក្មេង​ស្រី​នោះ​ រួច​ហើយ​ម្តាយ​ក្មេង​ស្រី​ក៏​បាន​ដាក់​ពាក្យបណ្តឹង​ទៅ​សមត្ថកិច្ច​នគរបាល​តែ​ម្តង​ ។​

​ក្មេង​ស្រី​រង​គ្រោះ​បាន​ប្រាប់​សមត្ថកិច្ច​នគរបាល​ថា​ តា​របស់​នាង​បាន​ដោះ​ខោអាវ​នាវ​ ហើយ​យកដៃ​គាត់​ទៅ​លេង​ប្រដាប់​ភេទ​របស់​នាង​ ហើយ​លោកតា​ដោះ​ខោអាវ​គាត់​ចេញ​ដែរ​ រួច​ទ្រោប​ពីលើ​ខ្លួន​នាង​ ដោយ​ប្រាប់​ថា​ កុំ​ឲ្យ​មាត់​ប្រយ័ត្ន​នគរបាល​ដឹង​ ។​

​នៅ​ចំពោះ​មុខ​សមត្ថកិច្ច​ ជនសង្ស័យ​បាន​សារភាព​ថា​ ខ្លួន​ពិតជា​បាន​ធ្វើ​សកម្មភាព​បែប​នេះ​ទៅ​លើ​ចៅស្រី​ប្រាកដ​មែន​ តែ​មិន​បាន​សម្រេច​ទេ​ ព្រោះ​ម្តាយមីង​ក្មេង​ស្រី​បានឃើញ​ទាន់​ ។​

​តាម​ការ​កត់សម្គាល់​បាន​បង្ហាញ​ឲ្យ​ឃើញ​ថា​ សីលធម៌​សង្គម​នា​សម័យ​ព្រះរាជាណាចក្រ​កម្ពុ​ជាទី​២​នេះ​មានការ​ធ្លាក់​ចុះ​យ៉ាង​ខ្លាំង​ គឺ​សូ​ម្បី​តែ​លោកតា​អាចារ្យ​អាយុ​៧៣​ឆ្នាំទៅ​ហើយ​ ក៏​នៅ​មាន​ចរិត​ព្រើល​ប៉ុនប៉ង​រំលោភ​ចៅស្រី​អាយុ​៣​ឆ្នាំទៅ​រួច​ដែរ​ ខែ​ដែល​មាន​ឪពុក​ខ្លះ​រំលោភ​កូនបង្កើត​ខ្លួនឯង​ទៀត​ផង​ ៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.