ថ្ងៃ សុក្រ ទី ១៩ ខែ សីហា ឆ្នាំ ២០២២

អង្គភាព​ប្រឆាំង​អំពើ​ពុក​រលួយ​ប្រកាស​ចាប់ខ្លួន​អតីត​ប្រធាន​ពន្ធដារ​ខេត្តព្រះវិហារ​ដែល​ជាប់ចោទ​ពី​បទ​ប្រព្រឹត្ត​ពុក​រលួយ​

​អតីត​ប្រធាន​សាខា​ពន្ធដារ​ខេត្តព្រះវិហារ​មួយ​រូប​ ដែល​ជាប់ចោទ​ពី​បទ​កេង​យក​ផលប្រយោជន៍​ដោយ​ខុសច្បាប់​ ប្រព្រឹត្ត​នៅ​មន្ទីរ​ពន្ធដារ​សាខា​ខេត្តព្រះវិហារ​ កាលពី​អំឡុង​ឆ្នាំ​២០០៩-២០១២​នោះ​ ត្រូវ​បាន​អង្គភាព​ប្រឆាំង​អំពើ​ពុក​រលួយ​ដែល​មាន​ឯកឧត្តម​បណ្ឌិត​ ឱម​ យ៉ិ​ន​ទៀង​ ជា​ប្រធាន​ ចេញ​លិខិត​លេខ​០០៤/១៤​ស​ជ​ណ​.​អប​ព​ ចុះ​ថ្ងៃ​ទី​១០​ ខែកុម្ភៈ​ ឆ្នាំ​២០១៤​ ប្រកាស​ចាប់ខ្លួន​យក​មក​ឲ្យ​ទទួលទោស​តាម​ច្បាប់​ ។​

​បុរស​ជនជាប់ចោទ​ពី​បទ​ប្រព្រឹត្ត​អំពើ​ពុក​រលួយ​ជា​អតីត​ប្រធាន​សាខា​ពន្ធដារ​ខេត្តព្រះវិហារ​ ដែល​ត្រូវ​បាន​អង្គភាព​ប្រឆាំង​អំពើ​ពុក​រលួយ​ប្រកាស​ចាប់ខ្លួន​នោះ​ មានឈ្មោះ​ ជា​ សុផល​ អាយុ​៤៦​ឆ្នាំ​ មាន​ទីលំនៅ​មុន​ពេល​គេចខ្លួន​នៅ​ភូមិ​ថ្មី​ សង្កាត់​កំពង់​ប្រណាក​ ក្រុង​ព្រះ​វិហារ​ ខេត្តព្រះវិហារ​ ។​

​ជនជាប់ចោទ​ឈ្មោះ​ ជា​ សុផល​ ត្រូវ​បាន​សាលាដំបូង​ខេត្តព្រះវិហារ​បើក​សវនាការ​ជំនុំជម្រះ​សម្រេច​ផ្តន្ទាទោស​ដាក់​ពន្ធនាគារ​កំណត់​៣​ឆ្នាំ​ ពី​បទ​កេង​យក​ផលប្រយោជន៍​ដោយ​ខុសច្បាប់​ តាម​បញ្ញត្តិ​មាត្រា​៥៩៧,​មាត្រា​៥៩៨​ នៃ​ក្រមព្រហ្មទណ្ឌ​នៃ​ព្រះរាជាណាចក្រ​កម្ពុជា​ និង​មាត្រា​៣២​នៃ​ច្បាប់​ស្តី​ពី​ការ​ប្រឆាំង​អំពើ​ពុក​រលួយ​ ដោយសារ​សាលក្រម​ព្រហ្មទណ្ឌ​លេខ​១២៣​ ចុះ​ថ្ងៃ​ទី​២៦​ ខែធ្នូ​ ឆ្នាំ​២០១៣​ ។​ លើស​ពី​នេះ​ សាលាដំបូង​ខេត្តព្រះវិហារ​ក៏​បាន​ចេញ​ដីកា​បង្គាប់​ឲ្យ​ចាប់ខ្លួន​ជនជាប់ចោទ​ឈ្មោះ​ ជា​ សុផល​ ផង​ដែរ​ តាម​ដីកា​លេខ​០៤/២០១៤​ ចុះ​ថ្ងៃ​ទី​១៦​ ខែមករា​ ឆ្នាំ​២០១៤​ ៕​

Chea-SophalChea-Sophal-1Chea-Sophal-2

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.