ថ្ងៃ ចន្ទ ទី ២៩ ខែ វិច្ឆិកា ឆ្នាំ ២០២១

គណបក្សប្រឆាំង​អំពាវនាវ​ឲ្យ​មានការ​ចូលរួម​យុទ្ធនាការ​សង្គ្រោះ​ជាតិ​ដោយ​អហិង្សា និង​សន្តិវិធី​ជា​ធម្ម​យាត្រា​-​សិទ្ធិ​យាត្រា នៅ​ថ្ងៃទី​១០ ធ្នូ​

នៅ​ថ្ងៃទី​៣០ ខែវិច្ឆិកា ឆ្នាំ​២០១៣​នេះ គណបក្ស​សង្គ្រោះ​ជាតិ​បានចេញ​សេចក្តីប្រកាស​ព័ត៌មាន​មួយ​អំពាវនាវ​ដល់​មហាជន​ខ្មែរ​ទូទាំងប្រទេស​ឲ្យ​រៀបចំខ្លួន សម្លៀកបំពាក់ កន្សែង​-​ក្រមា បាយ​-​ទឹក ដើម្បី​ចូលរួម​យុទ្ធនាការ​សង្គ្រោះ​ជាតិ ដោយ​អហិង្សា និង​សន្តិវិធី​ជា​ធម្ម​យាត្រា​-​សិទ្ធិ​យាត្រា នៃ​ទិវា​សិទ្ធិមនុស្ស​អន្តរជាតិ នៅ​ថ្ងៃទី​១០ ខែធ្នូ ឆ្នាំ​២០១៣ ខាងមុខ ក្រោម​ការរៀបចំ​របស់​សង្គម​ស៊ីវិល អង្គការក្រៅរដ្ឋាភិបាល និង​សហជីព​។​

សេចក្តីប្រកាស​ព័ត៌មាន​របស់​គណបក្ស​សង្គ្រោះ​ជាតិ​បាន​ជូនដំណឹង​ថា អ្នកចូលរួម​យុទ្ធនាការ​នេះ​ទាំងអស់គ្នា​នឹងត្រូវ​ធ្វើដំណើរ​ដោយ​ថ្មើរជើង​ពី​តាម​បណ្តា​ខេត្ត​នានា​តាមផ្លូវ​ជាតិ​ទាំង​៦ ចូលមក​រាជធានី​ភ្នំពេញ ចាប់ពី​ថ្ងៃទី​០១ ខែធ្នូ ឆ្នាំ​២០១៣ ស្អែក​នេះ ហើយ​មកដល់​រាជធានី​ភ្នំពេញ​នៅ​ថ្ងៃទី​១០ ខែធ្នូ ឆ្នាំ​២០១៣ ខាងមុខ ដើម្បី​ទទួលបាន​មកវិញ​នូវ​ឯករាជ្យ អធិបតេយ្យភាព បូរណភាព​ទឹកដី​ពេញលេញ ការគោរព​សិទ្ធិមនុស្ស ប្រជាធិបតេយ​សេរី​ពហុបក្ស នីតិរដ្ឋ យុត្តិធម៌​សង្គម ជីវភាព​រុងរឿង​សុខសន្តិភាព​ពិតប្រាកដ​៕​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.