ថ្ងៃ ពុធ ទី ២៥ ខែ ឧសភា ឆ្នាំ ២០២២

ព្រះចៅអធិការ​វត្ត​មួយអង្គ​ត្រូវ​ចោរប្លន់​អារ​.​ក​សឹង​ដាច់​ពី​ខ្លួន​ដើម្បី​យកលុយ​នៅ​ខេត្តកំពង់ស្ពឺ​

​ព្រះចៅអធិការ​វត្ត​មួយអង្គ​ត្រូវបាន​កូនសិស្សលោក​ប្រទះឃើញ​សុគត​នៅក្បែរ​កុដិ​ដោយមាន​ស្នាម​អារ​.​ក សឹង​ដាច់ចេញពី​ខ្លួន​ធ្វើ​ឲ្យ​មានការ​ភ្ញាកផ្អើល​នៅពេល​ព្រឹក​ព្រលឹម​នា​ថ្ងៃទី​២៧ ខែវិច្ឆិកា ឆ្នាំ​២០១៣​នេះ ក្នុង​វត្ត​ព្រះពុទ្ធ​មាន​សិរី ភូមិ​ទឹកល្អក់ ឃុំ​ដំបូក​រូង ស្រុក​ភ្នំស្រួច ខេត្តកំពង់ស្ពឺ ។​

​ព្រះចៅអធិការ​វត្ត​ព្រះពុទ្ធ​មាន​សិរី ដែល​ត្រូវ​ចោរប្លន់​អារ​.​ក ធ្វើ​គុត​នោះ​មាន​ព្រះនាម​សាន តេង ហៅ​ទឹម តេង ព្រះជន្ម​៦១​ព្រះវស្សា ។​

​លោកយាយ​អែម ពៅ អាយុ​៦០​ឆ្នាំ ដែលជា​ឧបាសិកា​ចំណុះជើងវត្ត​បាន​ឲ្យ​ដឹងថា កាលពី​ល្ងាច​លោកយាយ​បានឃើញ​ព្រះចៅអធិការ​វត្ត​និមន្ត​ចេញទៅ​សូត្រមន្ត​បុណ្យសព​មួយ​នៅក្បែរ​វត្ត ហើយ​បាន​និមន្ត​ត្រឡប់មកវិញ​នៅ​ម៉ោង​ប្រមាណ​២១ និង ៣០​នាទី​យប់ ។ លុះ​ព្រឹក​ឡើង ស្រាប់តែ​កូនសិស្សលោក​បាន​ប្រទះឃើញ​ព្រះអង្គ​សុគត​នៅក្នុង​ថ្លុកឈាម​រួចទៅហើយ ក៏​នាំ​ឲ្យ​មានការ​ភ្ញាក់ផ្អើល​ឆោឡោឡើង​ពេញ​វត្ត​តែម្តង និង​ក៏បាន​រាយការណ៍​ជូនទៅ​សមត្ថកិច្ច​ចុះមក​ពិនិត្យ​ភ្លាមៗ ។​

​ការពិនិត្យ​សាកសព​ដោយ​សមត្ថកិច្ច​បាន​ឲ្យ​ដឹងថា សាកសព​ព្រះចៅអធិការ​វត្ត​ត្រូវ​ជនដៃដល់​ដែល​អាចមាន​គ្នាច្រើន​ចាប់​អារ​.​ក ស្ទើរតែ​ដាច់ចេញពី​ខ្លួន និង​មាន​ឈាម​ហូរ​ដាប​ពេញមុខ​កុដិ ។​

​មន្ត្រីនគរបាល​ស្រុក​ភ្នំស្រួច​បាន​បង្ហើប​ប្រាប់​ឲ្យ​ដឹងថា សមត្ថកិច្ច​បានធ្វើការ​ឃាត់ខ្លួន​មនុស្ស​ពីរ​នាក់​ដែល​សង្ស័យ​ជាប់​ពាក់ព័ន្ធ​និង​ការធ្វើ​គុត​ព្រះចៅអធិការ​វត្ត ដែល​ក្នុងនោះ​មាន​ម្នាក់​ជា​សង្ឃ​នៅក្នុង​វត្ត​កើតហេតុ​និង​ម្នាក់ទៀត​ជា​កូន​ជនសង្ស័យ​ជា​ព្រះសង្ឃ​នោះ ដើម្បី​យកមក​សួរនាំ ។​

​ប្រភពព័ត៌មាន​ដោយឡែក​បាន​ឲ្យ​ដឹងថា ករណី​ធ្វើ​គុត​ព្រះចៅអធិការ​វត្ត​នេះ អាចជា​មុខសញ្ញា​នៃ​ការ​ប្លន់​យកលុយ​ដោយ​ក្រុមចោរ​គិតថា ព្រះចៅអធិការ​វត្ត​នឹងមាន​លុយ​ច្រើន តែ​តាម​ការពិត​លុយ​ដែល​ប្រមូលបាន​ពី​បុណ្យ​កឋិនទាន​នាពេល​កន្លងទៅ​ថ្មីៗ​នេះ ព្រះអង្គ​បាន​យកមក​កសាង​ព្រះវិហារ​អស់​ទៅហើយ គឺ​នៅសល់តែ​ប្រាក់​ចំនួន​ប្រមាណ​២០​ម៉ឺន​រៀល​ប៉ុណ្ណោះ ដែល​ទទួល​ការបាត់បង់​ក្នុង​អំពើ​ប្លន់​អារ​.​ក សម្លាប់​នេះ ៕​

4433221

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.