ថ្ងៃ សៅរ៏ ទី ១៦ ខែ មករា ឆ្នាំ ២០២១

ព័ត៌មាន​ប្រភេទ​កម្សាន្ត «​តារា និង​សិច​ស៊ី​» និង​សន្តិសុខ​សង្គម «​គ្រោះថ្នាក់​ចរាចរណ៍ ប្លន់ រំលោភ សម្លាប់​» ជាប់​លំដាប់ថ្នាក់​លេខ​១ នៅ​កម្ពុជា​

ព័ស្តុតាង​ជាក់ស្តែង​បាន​បង្ហាញថា ការចុះផ្សាយ​តាម​គេហទំព័រ ឬ​ហៅថា​ព័ត៌មាន​អេឡិចត្រូនិក​នូវ​ព័ត៌មាន​ប្រភេទ​កម្សាន្ត​ជាអាទិ៍ ព័ត៌មាន​អំពី​តារា និង​សិច​ស៊ី «​បញ្ចេញ​ដើមទ្រូង ឬ​គល់​សុដន់ ឬ​រូបភាព​សិច​លើ​គ្រែ ឬ​រូបភាព​សិច​ខ្វះ​គ្រែ​» និង​ព័ត៌មាន​សន្តិសុខ​សង្គម «​គ្រោះថ្នាក់​ចរាចរណ៍ ប្លន់ រំលោភ និង​សម្លាប់​» បាន​ក្លាយជា​ព័ត៌មាន​ដែល​គេ​ចូលចិត្ត​អាន​ច្រើនជាងគេ ឬ​អាច​និយាយបានថា  ជា​ប្រភេទ​ព័ត៌មាន​ជាប់​លំដាប់ថ្នាក់​លេខ​១ នៅ​កម្ពុជា ខណៈដែល​ថ្នាក់ដឹកនាំ​ប្រទេស​មិន​ខ្ចី​ឈឺក្បាល​អំពី​រឿងរ៉ាវ​នេះ​ទេ មានតែ​ជួយផ្តល់​ឱកាស​ពង្វក់​ប​ន្ថែ​ម​។​

តាម​ការកត់សម្គាល់រ​បស់​គេហទំព័រ​សារព័ត៌មាន​ដើមត្នោត​បានបង្ហាញ​ឲ្យ​ឃើញថា ព័ត៌មាន​ទាក់ទង​ទៅនឹង​តារា គឺ​នាំមុខគេ ដែលមាន​ប្រិយមិត្ត​ចូលចិត្ត​អាន​ច្រើនជាងគេ និង​បន្ទាប់មក​ព័ត៌មាន​ទាក់ទង​នឹង​សន្តិសុខ​សង្គម រីឯ​ព័ត៌មាន​ទាក់ទង​នឹង​នយោបាយ សេដ្ឋកិច្ច ពាណិជ្ជកម្ម និង​វប្បធម៌ ព្រមទាំង​អប់រំ ឋិត​នៅ​លំដាប់​មាន​អ្នកអាន​តិចតួច​បំផុត​ឬ​សឹងតែ​គ្មាន​។​

មាន​គេហទំព័រ​មួយចំនួន​បូករួម​ទាំង​គេហទំព័រ​ប្រភេទ​ផ្សព្វផ្សាយ​ព័ត៌មាន​បន្ត «Referal» ផង បាន​ស្វែងយល់​អំពី​រឿងនេះ​យ៉ាងច្បាស់​ហើយ​បាន​ព្យាយាម​ចុះផ្សាយ និង Share នូវ​ព័ត៌មាន​ប្រភេទ​កម្សាន្ត និង​សន្តិសុខ​សង្គម ដើម្បី​ទទួលបាន​នូវ​អ្នក​ចូល​អាន​ច្រើន ហើយ​ទទួលបាន​នូវ​លំដាប់ថ្នាក់​ល្អ សម្រាប់​គេហទំព័រ​របស់ខ្លួន​ក្នុង​គេហទំព័រ​បរទេសមួយ​ឈ្មោះ alexa ហើយ​ចុះផ្សាយ​ជា​ព័ត៌មាន​កម្សាន្ត​ដដែលៗ​ទៀតផង ដូចជា តារា​ថត​ស្រាត ចិន ឈ្មោះ Can Lo Lo ជាដើម ដោយ​គេហទំព័រ​ទាំងនោះ​ចុះផ្សាយ ជាតា​រា​សិច​ស៊ី​របស់​ចិន​។ រីឯ​ព័ត៌មាន​នយោបាយ សេដ្ឋកិច្ច ពាណិជ្ជកម្ម និង​វប្បធម៌ ជាពិសេស​ព័ត៌មាន​ទាក់ទង​នឹង​វិស័យ​ច្បាប់​មិនសូវ​ចាប់អារម្មណ៍​ឡើយ ហើយ​បើ​ចាប់អារម្មណ៍​ក៏​ឋិត​នៅ​លំដាប់ថ្នាក់​បន្ទាប់បន្សំ​ដែរ​។​

មជ្ឈដ្ឋាន​អ្នកតាមដាន​ស្ថានភាព​សង្គម​នៅ​កម្ពុជា បាន​លើកឡើងថា ប្រជាពលរដ្ឋ​ខ្មែរ​ដែលមាន Account Facebook ដែលជា​គេហទំព័រ​ដ៏​ពេញនិយម​នៅ​កម្ពុជា​បច្ចុប្បន្ន​មានការ​ចាប់អារម្មណ៍​ខ្លាំង​បំផុត ឬ​លំដាប់​ទីមួយ​គឺ​ទៅលើ​ព័ត៌មាន​ប្រភេទ​កម្សាន្ត ទើប​ធ្វើ​ឲ្យ​គេហទំព័រ​បណ្តាញ​សង្គម Facebook ជាប់​ចំណាត់ថ្នាក់​លេខ​មួយ​នៅ​កម្ពុជា​។ ទន្ទឹមនឹងនេះ​គេហទំព័រ​នៅ​កម្ពុជា​បច្ចុប្បន្ន ដើម្បី​ទាក់ទាញ់​អ្នក​ចូល​អាន​ច្រើន ឬ​ដើម្បី​បំពេញ​អារម្មណ៍​អ្នកអាន​ខំប្រឹង​ចុះផ្សាយ​អំពី​ព័ត៌មាន​កម្សាន្ត​របៀប​ស្ត្រី​សិច​ស៊ី​ជាដើម​ទោះបីជា​តារា​បរទេស​ក៏ដោយ ហើយ​គ្មាន​បញ្ជាក់​អំពី​កាលបរិច្ឆេទ​នៃ​ហេតុការណ៍​ជាក់លាក់​ក៏ដោយ​។​

តាមពិតទៅ​មិនមែនជា​កំហុសឆ្គង​របស់​គេហទំព័​រ​ដែល​បាន​ចុះផ្សាយ​អំពី​ព័ត៌មាន​សិច​ស៊ី​ទាំងអស់​នោះទេ គឺ​ពួកគេ​គ្រាន់តែ​ដើម្បី​បំពេញ​បំណង និង​អារម្មណ៍​របស់​អ្នកអាន​ដែល​ចូលចិត្ត​ព័ត៌មាន​ប្រភេទ​កម្សាន្ត​នេះ​ប៉ុណ្ណោះ​ផង និង​ដើម្បី​បង្អួត​ថា គេហទំព័រ​របស់ខ្លួន​មាន​អ្នក​ចូល​អាន​ច្រើនជាងគេ​ផង ដូច​ពាក្យ​គេ​ថា «​មាន​អ្នកទិញ​ទើប​មាន​អ្នកលក់​»​។​

ក្រុមអ្នកវិភាគ​កិច្ចការ​សង្គម​នៅ​កម្ពុជា បាន​លើកឡើងថា ទាំង​ថ្នាក់ដឹកនាំ​ប្រទេស ទាំង​ម្ចាស់​គេហទំព័រ​ជា​អ្នកសារព័ត៌មាន ទាំង​អ្នកអាន​ដែលមាន Account Facebook ឬ​គ្មាន Account Facebook គួរតែ​ងាក​មក​ចាប់អារម្មណ៍​ជាមួយនឹង​ការផ្សព្វផ្សាយ​នូវ​ព័ត៌មាន​ដែល​ផ្តល់នូវ​ចំណេះដឹង ដែលមាន​ប្រយោជន៍​ដល់​សង្គម​ផង ដូចជា ព័ត៌មាន​នយោបាយ សេដ្ឋកិច្ច ពាណិជ្ជកម្ម វប្បធម៌ កីឡា និង​សុខភាព​… ។​ល​។ កុំ​គិតតែ​នាំគ្នា​ផ្តោ​អារម្មណ៍​ភ្លូកទឹកភ្លូកដី​ទៅលើ​ព័ត៌មាន​កម្សាន្ត​មួយ​ជ្រុង​ច្រើន​លើសលប់​ខ្លាំងពេក ឬ​ព័ត៌មាន​សន្តិសុខ​សង្គម ដែល​ឆ្លុះបញ្ចាំង​អំពី​រូបភាព​អសីលធម៌​សង្គម ដែលជា​ព័ត៌មាន​បង្វែរ​ទិស​ឬ​ពង្វក់​មនុស្ស​ឲ្យ​ងប់​ង​ល់​ទៅនឹង​ភាពសប្បាយៗ​រហូតដល់​ភ្លេច​នូវ​ដំណើរការ​ឬ​រូបភាព​ពិតប្រាកដ​របស់​ប្រទេសជាតិ​ខ្លួនឯង៕​

knews-news.org

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.