ថ្ងៃ សុក្រ ទី ១៩ ខែ សីហា ឆ្នាំ ២០២២

ប្តី​និង​ស្រី​កំណាន់​ក្មេងខ្ចី​ត្រូវ​បាន​សមត្ថកិច្ច​សង្ស័យ​ជា​ឃាតក​អារ​.​ក​និង​ចាក់​សម្លាប់​ប្រពន្ធ​យក​ទ្រព្យសម្បត្តិ​នៅ​ច្បារ​អំពៅ​ រាជធានី​ភ្នំពេញ

​បុរស​ឈ្មោះ​ ហេង​ឡុ​ង​ អាយុ​៣២​ឆ្នាំ​ ជា​កូនប្រុស​របស់​ថៅកែ​ក្រុមហ៊ុន​សំណង់​មួយ​ឈ្មោះ​ តុង​ ត្រូវជា​ប្តី​របស់​ជន​រង​គ្រោះ​ និង​ស្ត្រី​វ័យក្មេង​ម្នាក់​ទៀត​ឈ្មោះ​ ប្រាក់​ សុវណ្ណ​វ​លក្ខណ៍​ អាយុ​២៣​ឆ្នាំ​ ជា​បុគ្គលិក​ក្រុមហ៊ុន​ឯកជន​ ស្នាក់​នៅ​សង្កាត់​បឹង​កេងកង​ទី​៣​ ខណ្ឌចំការមន​ និង​ត្រូវជា​ស្រី​កំណាន់ចិត្ត​របស់​ឈ្មោះ​ ហេង​ឡុ​ង​ ត្រូវ​បាន​សមត្ថកិច្ច​ធ្វើការ​ឃាត់ខ្លួន​នៅ​ថ្ងៃ​ទី​១៣​ ខែតុលា​ ឆ្នាំ​២០១៣​នេះ​ ដោយ​សង្ស័យ​ជាប់​ពាក់ព័ន្ធ​នឹង​ករណី​ឃាតកម្ម​ប្លន់​យក​ទ្រព្យសម្បត្តិ​ និង​ចូល​អារ​.​ក​សម្លាប់​ស្ត្រី​ម្នាក់​ទាំង​មាន​ផ្ទៃពោះ​ឈ្មោះ​ គួ​ លី​ជូរ​ អាយុ​៣៤​ឆ្នាំ​ ត្រូវជា​ប្រពន្ធ​ស្របច្បាប់​របស់​ឈ្មោះ​ ហេង​ឡុ​ង​ ដល់​ក្នុងផ្ទះ​ជាន់​ទី​១​ ស្លាប់​ភ្លាមៗ​យ៉ាង​អាណោចអាធ័ម​ បន្សល់​ទុក​នូវ​កូនប្រុស​អាយុ​១​ឆ្នាំ​ឲ្យ​កំព្រាម្តាយ​ កាលពី​រាត្រី​ថ្ងៃ​ទី​១០​ ខែតុលា​ ឆ្នាំ​២០១៣​កន្លង​មក​ ។​

​មជ្ឈដ្ឋាន​អ្នក​តាមដាន​សំណុំរឿង​ឃាតកម្ម​នេះ​ បាន​សម្តែង​នូវ​ការ​ភ្ញាក់ផ្អើល​យ៉ាង​ខ្លាំង​នៅ​ពេល​ដែល​ដឹង​ថា​ ប្តី​និង​ស្រី​កំណាន់ចិត្ត​របស់​ប្តី​ត្រូវ​បាន​ជាប់​ឈ្មោះ​សង្ស័យ​ជា​ឃាតក​អារ​.​ក​សម្លាប់​ប្រពន្ធ​ខ្លួនឯង​ដើម្បី​យក​ទ្រព្យសម្បត្តិ​ទៅ​វិញ​ ។​ ​

សូម​រំលឹក​ជូន​ដែរ​ថា​ កាលពី​រាត្រី​ថ្ងៃ​ទី​១០​ ខែតុលា​ ឆ្នាំ​២០១៣​ វេលា​ម៉ោង​ប្រមាណ​២១​និង​៣០​នាទី​ មាន​ករណី​ឃាតកម្ម​មួយ​បាន​កើតឡើង​ដោយ​ឃាតក​ចូល​អារ​.​ក​សម្លាប់​ស្ត្រី​មាន​ផ្ទៃពោះ​ម្នាក់​ឈ្មោះ​ គួ​ លី​ជូរ​ អាយុ​៣៤​ឆ្នាំ​ ស្នាក់​នៅ​ជាមួយ​កូនប្រុស​អាយុ​១​ឆ្នាំ​ ដល់​ក្នុងផ្ទះ​ជាន់​ទី​១​ ឋិត​នៅ​ផ្លូវ​លេខ​៦៤៥​ ភូមិ​ដើម​មក្លឿ​ សង្កាត់​ច្បារ​អំពៅ​ទី​១​ ខណ្ឌមានជ័យ​ រាជធានី​ភ្នំពេញ​ បណ្តាល​ឲ្យ​ស្ត្រី​រូប​នោះ​ស្លាប់​យ៉ាង​អាណោចអាធ័ម​នៅ​លើ​ពូក​ និង​បាន​រស់​ជីវិត​តែ​កូនប្រុស​អាយុ​១​ឆ្នាំ​ប៉ុណ្ណោះ​ ខណៈ​ដែល​ប្តី​ឈ្មោះ​ ហេង​ឡុ​ង​ មិន​នៅផ្ទះ​ ។​ ​

មួយ​ថ្ងៃ​ក្រោយមក​ គឺ​នៅ​ថ្ងៃ​ទី​១១​ ខែតុលា​ ឆ្នាំ​២០១៣​ សមត្ថកិច្ច​បាន​ធ្វើការ​សន្និដ្ឋាន​ថា​ ករណី​នេះ​ជា​ឃាតកម្ម​គ្រោង​ទុកជា​មុន​ប្លន់​យក​ទ្រព្យសម្បត្តិ​ ដែល​ក្នុង​ចំណោម​ឃាតក​អាច​មាន​អ្នក​ស្គាល់​ជាមួយ​ម្ចាស់ផ្ទះ​ ទើប​អាច​ចេញចូល​ផ្ទះ​នេះ​បាន​ដោយ​ស្រួល​ដូច្នេះ​ ។​ ទ្រព្យសម្បត្តិ​ក្នុងផ្ទះ​ជន​រង​គ្រោះ​ដែល​បាត់បង់​មាន​ទឹកប្រាក់​ចំនួន​១៣.០០០​ដុល្លារ​អា​មេ​រិ​ក​ ខ្សែដៃ​ប្លា​ទី​ន​ដាំ​ត្បូង​ពេជ្រ​១​ខ្សែ​ ចិញ្ចៀន​ប្លា​ទី​ន​២​វង់​ ខ្សែ​ក​មាស​៣​ខ្សែ​ និង​ម៉ូតូ​ឆា​លី​១​គ្រឿង​ ។​

​លុះ​មក​ដល់​ថ្ងៃ​ទី​១៣​ ខែតុលា​ ឆ្នាំ​២០១៣​នេះ​ ក្រោយ​ពី​បាន​អង្កេត​ស្រាវជ្រាវ​ជា​បន្តបន្ទាប់​រួច​មក​ ទើ់ប​សមត្ថកិច្ច​កំណត់​មុខសញ្ញា​ឈាន​ទៅ​ឃាត់ខ្លួន​បុរស​ជា​ប្តី​របស់​ស្ត្រី​រង​គ្រោះ​ឈ្មោះ​ ហេង​ឡុ​ង​ និង​ស្រី​កំណាន់ចិត្ត​របស់​បុរស​រូប​នេះ​ពី​បទ​សង្ស័យ​ជា​ឃាតក​សម្លាប់​ប្រពន្ធ​ខ្លួនឯង​តែ​ម្តង​ ។​ ​នេះ​គឺជា​រឿង​គួរ​ឲ្យ​ពិចារណា​មួយ​ដែល​ស្រី​កំណាន់ចិត្ត​របស់​ប្តី​មាន​វ័យក្មេង​ខ្ចី​ជាង​ប្រពន្ធ​ដែល​មាន​អាយុ​ច្រើន​ជាង​ប្តី​ ព្រមទាំង​មានកូន​រួច​ហើយៗ​ហ៊ាន​ដាច់​ចិត្ត​បង្ក​អំពើ​ឃាតកម្ម​ដូច្នេះ​នៅ​ក្នុង​សង្គម​ខ្មែរ​បច្ចុប្បន្ន​ ៕​

ddd

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.