ថ្ងៃ ព្រហស្បតិ៍ ទី ២០ ខែ មករា ឆ្នាំ ២០២២

Group ដ៏​ធំ​មួយ​របស់លោក Michael Rothy មាន​សមាជិក​ប្រមាណ​៣០​ម៉ឺន​នាក់​ឈ្មោះ Global News បាត់​ខ្លួន​ពី​ក្នុង ​Facebook ជា​លើក​ទី​ពីរ​

​មានរឿង​ភ្ញាក់ផ្អើល​សាជាថ្មី​ទៀតហើយ ដោយសារ​ Group ​ដ៏​ធំ​មួយ​ឈ្មោះ ព័ត៌មាន​សកល ​«Global News» មាន​សមាជិក​ប្រមាណ ៣០​ម៉ឺន​នាក់ ដែលមាន​លោក Michael Rothy ជា​ប្រធាន​ក្រុម​បាន​បាត់​ខ្លួន​ដោយ​គ្មាន​មូលហេតុ​ពី​ក្នុង​បណ្តាញ​សង្គម ​Facebook​ នា​ថ្ងៃទី​០១ ខែតុលា ឆ្នាំ​២០១៣​នេះ​។​

​ការបាត់​Group​ដ៏​ធំ​ឈ្មោះ Global News ពី​ក្នុង​Facebook នាពេលនេះ គឺ​បន្ទាប់ពី​អតីត​Group​ដ៏​ធំ​មួយ​ឈ្មោះ ព័ត៌មាន​សង្គម​«Social News»​របស់លោក Michael Rothy ដដែល មាន​សមាជិក​ប្រមាណ​២៥​ម៉ឺន​នាក់​ធ្លាប់បាន​បាត់​ខ្លួន​ដោយ​មិនដឹង​មូលហេតុ​រួច​ម្តងមកហើយ កាលពី​ថ្ងៃទី​០៥ ខែមិថុនា ឆ្នាំ​២០១៣​ដែល​Group​ដ៏​ធំ​នេះ​បាន​បង្កើតឡើង​កាលពី​អំឡុង​ឆ្នាំ​២០១២​។​

​លោក​Michael Rothy ដែលជា​ប្រធាន​Group​ដ៏​ធំ​នៅក្នុង​បណ្តាញ​សង្គម​Facebook ឈ្មោះ Global News បាន​ឲ្យ​ដឹងថា ការបាត់​Group របស់លោក​ឈ្មោះ​Global News​នេះ​មិន​ខុសពី​ការបាត់​អតីត​Group​របស់លោក​ឈ្មោះ​Social News នោះឡើយ គឺ​លោក​ជា​ប្រធាន​Group​មិនបាន​ទទួល​ព័ត៌មាន​តាមរយៈ​Email​ក្តី​ឬ​តាម​Notification ជាមុន​ពី​Facebook​អ្វី​ទេ​។​

​លោក​ប្រធាន​Group​ឈ្មោះ Global News បាន​ឲ្យ​ដឹង​ដែរ​ថា លោក​មានការ​សោកស្តាយ​ខ្លាំងណាស់ ហើយក៏​មានការ​ភ្ញាក់ផ្អើល​ផងដែរ ចំពោះ​ការបាត់បង់​Group នេះ​ដោយ​មិនដឹង​មូលហេតុ​ពិតប្រាកដ ពីព្រោះ​លោក​បាន​ខិតខំ​ប្រឹងប្រែង​ចំណាយ​ស្មារតី​និង​ពេលវេលា​បង្កើតឡើង​ដើម្បី​ឲ្យ​អ្នកមាន​Account Facebook អាច​ចូល​ជា​សមាជិក​Group ចែករំលែក​ព័ត៌មាន​គ្នា ពិភាក្សាគ្នា​ទាក់ទង​នឹង​កិច្ចការ​សង្គម​និង​នយោបាយ ខណៈដែល​Group​របស់លោក​មិន​ប្រកាន់​និន្នាការ​នយោបាយ​បក្ស​ខាង​ណាមួយ​ឡើយ ហើយ​លោក​បាន​ហាមប្រាម​នូវ​ការ​Post​ជា​ព័ត៌មាន​ដែល​បំផ្លើស​ខុស​ការពិត​និង​រូបភាព​អាសអាភាស​ផ្សេងៗ​នៅក្នុង​GGroup​ថែមទៀត ប៉ុន្តែ​ទីបំផុត​នៅតែ​បាត់បង់​។​

​គួរ​រម្លឹក​ជូន​ដែរ​ថា កាលពី​ថ្ងៃទី​១២ ខែកញ្ញា ឆ្នាំ​២០១៣ កន្លងមក​ថ្មីៗ​នេះ មាន​Account Facebook​មួយ​ដែល​គេ​ស្គាល់​ថា​ជា​របស់​អគ្គស្នងការ​រ​ដ្ឋា​ន​នគរបាលជាតិ​បានធ្វើការ​ស៊ើបសួរ​ចង់ដឹង​អំពី​ចំនួន​ប្រធាន​ឬ​Admin របស់​Group​ឈ្មោះ Global News ដែលមាន​លោក​Michael Rothy ជា​ប្រធាន​ដ៏​គួរ​ឲ្យ​ចាប់អារម្មណ៍​បំផុត​។​

​តាម​ការកត់សម្គាល់​បាន​បង្ហាញថា Group​ដ៏​ធំ​ឈ្មោះ Global News នៅក្នុង​Facebook​នេះ ត្រូវបាន​លោក​Michael Rothy​បង្កើតឡើង​ដោយ​រក្សា​ជំហរ​ជា​កណ្តាល​មិន​លម្អៀង​ទៅរក​បក្សនយោបាយ​ណាមួយ​ឬ​ភាគី​ណាមួយ​ទេ ប៉ុន្តែ​សមាជិក​Group​នេះ​មាន​សកម្មភាព​ខ្លាំងក្លាណាស់​ដោយសារ​សមាជិក​ក្រុម​ទាំងនោះ​ភាគច្រើន​ជា​អ្នកគាំទ្រ​គណបក្សនយោបាយ​ធំៗ​ទាំងពីរ​ដែល​ឈ្នះឆ្នោត​ទទួលបាន​អាសនៈ​នៅក្នុង​រដ្ឋសភា​នីតិកាល​ទី​៥​ធ្វើ​សកម្មភាព​Post​នូវ​ព័ត៌មាន​ទាំង​អត្ថបទ  ទាំង​រូបភាព​យ៉ាង​គគ្រឹកគគ្រេង​។​

​ឥឡូវ Group​ដ៏​ធំ​នេះ បាន​បាត់​ខ្លួន​ដោយ​មិនដឹង​មូលហេតុ​ពិតប្រាកដ​ពី​ក្នុង​Facebook​ហើយៗ​ក៏​បន្សល់​ទុក​នូវ​ភាព​សោកស្តាយ​យ៉ាងខ្លាំង​ផងដែរ​៕​

1186155_1380794228819569_1772548627_n

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.