ថ្ងៃ អង្គារ ទី ២០ ខែ តុលា ឆ្នាំ ២០២០

ក្រុមហ៊ុន​ឧកញ៉ា​ លាង​ ឃុន​ បើក​ការដ្ឋាន​សាងសង់​គ្មាន​ក្បួនខ្នាត​បច្ចេកទេស​ជីក​កាយ​ដី​ដាច់​ទុយោ​ទឹក​ស្អាត​ធ្វើ​ឲ្យ​ធ្លាយ​ទឹក​លិចលង់​ផ្ទះ​ប្រជាពលរដ្ឋ​

​លំនៅ​ឋាន​ប្រជាពលរដ្ឋ​មួយ​ចំនួន​ឋិត​នៅ​ភូមិ​សន្សំ​កុសល​១​ សង្កាត់​បឹង​ទំពុន​ ខណ្ឌមានជ័យ​ រាជធានី​ភ្នំពេញ​ បាន​ទទួល​រង​ការ​លិចលង់​ជ្រាប​ទឹក​ចូល​ពេញ​ផ្ទះ​ ដោយសារ​ក្រុមហ៊ុន​លោក​ឧកញ៉ា​ លាង​ ឃុន​ បើក​ការដ្ឋាន​សាងសង់​គ្មាន​ក្បួនខ្នាត​ត្រឹមត្រូវ​ស្រប​តាម​បទដ្ឋាន​បច្ចេកទេស​ជីក​កាយ​ដី​ដាច់​ទុយោ​ទឹក​ស្អាត​ ធ្វើ​ឲ្យ​ធ្លាយ​ទឹក​ចេញ​ក្រៅ​យ៉ាង​ល្ហល្ហាច​ ។​

​ហេតុការណ៍​នេះ​បាន​កើត​មាន​ឡើង​នា​វេលា​ម៉ោង​ប្រមាណ​១៤​រសៀល​ ថ្ងៃ​ទី​២៩​ ខែកញ្ញា​ ឆ្នាំ​២០១៣​ ខណៈ​ដែល​ក្រុមហ៊ុន​លោក​ឧកញ៉ា​ លាង​ ឃុន​ បើក​ការដ្ឋាន​សាងសង់​នៅ​លើ​ទីតាំង​ដី​របស់​ក្រុមហ៊ុន​ ឋិត​នៅ​ផ្លូវ​លេខ​២៧១​ សង្កាត់​ផ្សារ​ដើម​ថ្កូវ​ ខណ្ឌចំការមន​ និង​សង្កាត់​បឹង​ទំពុន​ ខណ្ឌមានជ័យ​ រាជធានី​ភ្នំពេញ​ ជីក​កាយ​ដី​ដាច់​ទុយោ​ទឹក​ស្អាត​របស់​អង្គភាព​រដ្ឋាករទឹក​ស្វយ័ត​រាជធានី​ភ្នំពេញ​ ដែល​កប់​ក្នុង​ដី​ជម្រៅ​ប្រមាណ​៣​ម៉ែត្រ​ ធ្វើ​ឲ្យ​ធ្លាយ​ទឹក​ចេញ​ក្រៅ​លិចលង់​ផ្ទះ​ប្រជាពលរដ្ឋ​ជាប់​ខាងក្រោយ​បរិវេណ​ដី​ក្រុមហ៊ុន​ ឋិត​នៅ​ក្នុង​សង្កាត់​បឹង​ទំពុន​ ខណ្ឌមានជ័យ​ រាជធានី​ភ្នំពេញ​តែ​ម្តង​ ។​ ​

មជ្ឈដ្ឋាន​ប្រជាពលរដ្ឋ​ដែល​រង​គ្រោះ​ និង​អ្នក​បានឃើញ​ហេតុការណ៍​នេះ​ បាន​និយាយ​ថា​ ក្រុមហ៊ុន​លោក​ឧកញ៉ា​ លាង​ ឃុន​ បើក​ការដ្ឋាន​សាងសង់​ដោយ​ធ្វេសប្រហែស​គ្មាន​បទដ្ឋាន​បច្ចេកទេស​ត្រឹមត្រូវ​ ទើប​ជីក​កាយ​ដី​ដាច់​ទុយោ​ទឹក​ស្អាត​ ធ្វើ​ឲ្យ​ធ្លាយ​ទឹក​ចេញ​ក្រៅ​លិចលង់​ផ្ទះ​ប្រជាពលរដ្ឋ​ដូច្នេះ​ ។​

​លោក​ លាង​ ឃុន​ ទទួល​បានការ​តែងតាំង​ជា​ឧកញ៉ា​ដោយ​ព្រះរាជក្រឹត្យ​លេខ​ន​ស​/​រក​ត​/១០០៦/៤០៤​ ចុះ​ថ្ងៃ​ទី​០៥​ ខែតុលា​ ឆ្នាំ​២០០៦​ ៕​

Leag-KhunLeag-Khun2

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.