ថ្ងៃ អង្គារ ទី ២០ ខែ តុលា ឆ្នាំ ២០២០

ចៅសង្កាត់​យក្ខ​ឡោម​រង​ការ​ចោទប្រកាន់​ពី​ប្រជាពលរដ្ឋ​ថា​ “​ដល់ត្រើយ​សើយ​គូទ​”

​ប្រជាពលរដ្ឋ​ដែល​រស់នៅ​ភូមិ​ឡា​ប៉ូ​ ភូមិ​សិ​ល​ សង្កាត់​យក្ខ​ឡោម​ ក្រុង​បាន​លុង​ ខេត្តរតនគិរី​ បាន​ឲ្យ​ដឹង​ថា​ ​តាំងពី​មុន​និង​ក្រោយ​ការ​បោះ​ឆ្នោត​រួច​មក​ លោក​ចៅសង្កាត់​មិន​បានរ​វីរ​វល់​ដោះស្រាយ​បញ្ហា​ជូន​ប្រជាពលរដ្ឋ​ឡើយ​​ ។​ ​

តាម​ប្រភព​ពី​សហគមន៍​ខាងលើ​បាន​និយាយ​ថា​ “​ ពួក​ខ្ញុំ​មិន​សុខចិត្ត​ទេ​ដែល​បាត់បង​ផ្លូវ​ចូល​ភូមិ​និង​ផ្លូវ​ទៅ​ច្រប​គឺជា​កន្លែង​ដងទឹក​របស់​សហគមន៍​ ដែល​ធ្លាប់​យក​ទឹក​មក​ប្រើប្រាស់​ប្រចាំ​ថ្ងៃ​តាំងពី​យូរលង់​ណាស់​មក​ហើយ​ និង​ធ្លាប់​មាន​ផ្លូវ​ចេញចូល​ទំហំ​៥​ម៉ែត្រ​ តែ​តាំងពី​លោក​ កែវ​ឈ​ន់​ វុ​ឌ្ឍី​ អាង​ឋានៈ​តួនាទី​ជា​អនុ​ចែកចាយ​ស្រា​បៀរ​អង្គរ​ និង​ធ្វើការ​នៅ​កាកបាទក្រហម​ ព្រមទាំង​លក់​គ្រឿងចក្រ​ និង​មាន​ប្រាក់​កាស​សូកប៉ាន់​អ្នកធំ​ បាន​ទិញ​ដី​ពី​សហគមន៍​យើងខ្ញុំ​រួច​មក​ គាត់​បាន​ធ្វើការ​ឈូស​ឆាយដី​ និង​ព័ទ្ធ​របង​បិទផ្លូវ​ចេញចូល​ពី​ផ្លូវជាតិ​មក​ក្នុងភូមិ​ និង​ពី​ភូម​ទៅ​កំពង់ទឹក​ គឺជា​កន្លែង​តែ​មួយ​គត់​ដែល​ប្រជាពលរដ្ឋ​ក្នុងភូមិ​ទាំងមូល​មក​ដងទឹក​យក​ទៅ​ប្រើប្រាស់​ក្នុង​គ្រួសារ​នីមួយៗ​ (​ទុក​ផ្លូវ​ត្រឹមតែ​១,៥​ម៉ែត្រ​)”​ ។​

​ប្រភព​បាន​និយាយ​ថា​ “​ លោក​ កែវ​ឈ​ន់​ វុ​ឌ្ឍី​ គាត់​ធ្វើ​ដូច្នេះ​គឺ​ខុសឆ្គង​ធ្ងន់ធ្ងរ​ណាស់​ ព្រោះ​ជា​ផ្លូវ​ដែល​យើងខ្ញុំ​ធ្លាប់​ចេញចូល​ជា​យូរ​ឆ្នាំ​មក​ហើយ​ ម្យ៉ាងទៀត​ម្ចាស់​ដី​មុន​បាន​ទុក​ផ្លូវ​ចូល​ភូមិ​ប្រមាណ​ជា​៥​ម៉ែត្រ​ និង​ផ្លូវ​ទៅ​កំពង់ទឹក​ក៏​មាន​ទំហំ​៥​ម៉ែត្រ​ដែរ​ ព្រមទាំង​ពី​ដំបូង​លោក​ កែវ​ឈ​ន់​ វុ​ឌ្ឍី​ ក៏​ធ្លាប់​បាន​សន្យា​ថា​នឹង​ទុក​ផ្លូវ​ដូច​មុន​ដែរ​ ប៉ុន្តែ​ឥឡូវនេះ​គាត់​ក្បត់ពាក្យសន្យា​ហើយ​ ”​។​ ​

តាម​ប្រភព​ព័ត៌មាន​ខាងលើ​បាន​ឲ្យ​ដឹង​បន្ថែម​ទៀត​ថា​ “​យើងខ្ញុំ​បាន​ទៅ​ប្តឹង​មេ​ភូមិ​ និង​ចៅសង្កាត់​ឲ្យ​ជួយ​ដោះស្រាយ​ជា​ច្រើន​លើក​ច្រើន​សា​រួច​មក​ហើយ​ តែ​មិន​បាន​លទ្ធផល​សោះ​ដ្បិត​កាល​ចៅសង្កាត់​ជួប​ជាមួយ​លោក​ កែវ​ឈ​ន់​ វុ​ឌ្ឍី​ និយាយ​អំពី​ដី​ដែល​មាន​បញ្ហា​នេះ​ យើងខ្ញុំ​ឃើញ​ថា​ គ្រាន់តែ​លោក​ កែវ​ឈ​ន់​ វុ​ឌ្ឍី​ ប៉ះ​ស្មា​លោក​ចៅសង្កាត់​ហើយ​និយាយ​ថា​មិន​អី​ទេៗ​ រួច​ចេញ​ទៅ​បាត់​មិន​មាន​ដំណោះស្រាយ​អ្វី​ឡើយ​ ។​ ដូច្នេះ​ពួក​យើងខ្ញុំ​ជឿ​ថា​ ប្រាកដជា​មេ​ភូមិ​ និង​ចៅសង្កាត់​បាន​ទទួល​លាភសក្ការៈ​ពី​លោក​ កែវ​ឈ​ន់​ វុ​ឌ្ឍី​ ហើយ​”​ ។​

សហគមន៍​ខាងលើ​បាន​និយាយ​ទៀត​ថា​ យើងខ្ញុំ​សូម​អំពាវនាវ​ដល់​អ​ជ្ញា​ធរមាន​សមត្ថកិច្ច​មេត្តា​ជួយ​រក​ដំណោះស្រាយ​ជូន​ពួក​យើងខ្ញុំ​ផង​ ពីព្រោះ​បើ​រំពឹង​លើ​លោក​មេ​ភូមិ​ មេឃុំ​មិន​ដែល​ឃើញ​ចេញ​មុខ​ដោះស្រាយ​ជូន​ពួក​យើងខ្ញុំ​ឡើយ​ គឺ​បាន​ត្រឹម​ជិតដិត​ស្និទ្ធស្នាល​នៅ​ពេល​ឃោសនាបោះឆ្នោត​ប៉ុណ្ណោះ​ តែ​ក្រោយ​ពេល​បោះ​ឆ្នោះ​ចប់​ គឺ​ដល់ត្រើយ​សើយ​គូទ​តែ​ម្តង​ មិន​បាន​បម្រើ​ប្រជាពលរដ្ឋ​ពិតប្រាកដ​ បែរជា​បម្រើ​ លុយ​ និង​អ្នកមាន​អំណាច​ទៅ​វិញ​ ។​

​ប្រភព​បាន​ឲ្យ​ដឹង​ដែរ​ថា​ “​លោក​ចៅសង្កាត់​បាន​គំរាម​ពួក​យើងខ្ញុំ​ថា​ គាត់​នឹង​វែកមុខ​រក​ឲ្យ​ឃើញ​អ្នក​ដែល​ផ្តល់​ព័ត៌មាន​ឲ្យ​ទៅ​អ្នក​សារព័ត៌មាន​ចុះ​ផ្សាយ​ទៀត​ផង​ ហើយ​បើសិនជា​រក​ឃើញ​នោះ​គាត់​ថា​ គាត់​នឹង​ធ្វើការ​មួយ​វគ្គ​ទៀត​ចំពោះ​ជន​នោះ​”​ ។​ ​

បើ​តាម​សម្តី​របស់​លោក​ សឿ​ន​ ជា​មេ​ភូមិ​ឡា​ប៉ូ​បាន​ឲ្យ​ដឹង​ថា​ “​គាត់​បាន​ដោះស្រាយ​ពីរ​លើក​ទៅ​ហើយ​ ដោយ​អញ្ជើញលោក​ កែវ​ឈ​ន់​ វុ​ឌ្ឍី​ បង្ហាញផ្លូវ​ចេញចូល​របស់​អ្នក​ភូមិ​ ហើយ​សុំ​ឲ្យ​លោក​ កែវ​ឈ​ន់​ វុ​ឌ្ឍី​ ទុក​ផ្លូវ​ចូល​ខាងលិច​២​ម៉ែត្រ​ និង​ខាងត្បូង​ភូមិ​ជា​ផ្លូវ​ដែល​ប្រជាពលរដ្ឋ​ទៅ​ដងទឹក​ ត្រូវ​ទុក​ផ្លូវ​១,៥​ម៉ែត្រ​ ប៉ុន្តែ​បើ​គាត់​មិន​ទុក​ផ្លូវ​ទេ​នោះ​មាន​តែ​វាយ​របង​ចោល​ ”​។

​លោក​ ទឹម​ លួង​ ជា​ចៅសង្កាត់​បាន​មាន​ប្រសាសន៍​ថា​ “​ ឥឡូវ​ខ្ញុំ​បាន​ឲ្យ​លោក​ កែវ​ឈ​ន់​ វុ​ឌ្ឍី​ ផ្លូវ​ធ្វើ​ឲ្យ​គេ​(​ប្រជាពលរដ្ឋ​ដើរ​ផង​)​ និង​ធ្វើ​ផ្លូវ​ឲ្យ​គេ​ចូល​ភូមិ​ និង​ផ្លូវ​ទៅ​ដងទឹក​ ដែល​ឥឡូវ​ លោក​ កែវ​ឈ​ន់​ វុ​ឌ្ឍី​ ក៏​ព្រម​វាយ​របង​ចោល​ធ្វើ​ផ្លូវ​រួច​ហើយ​ដែរ​ ។​ លើស​ពី​នេះ​ ខ្ញុំ​បាន​សុំ​ឲ្យ​លោក​ កែវ​ឈ​ន់​ វុ​ឌ្ឍី​ ចាក់សាប​សម្រាប់​ដាក់​កា​ផា​ឬ​ប៉ោត​ ហើយ​លោក​ កែវ​ឈ​ន់​ វុ​ឌ្ឍី​ ក៏​ឯកភាព​យល់ព្រម​”​ ។

​លោក​ កែវ​ឈ​ន់​ វ​ឌ្ឍី​ បាន​និយាយ​ថា​ “​ ការ​ពិត​ទៅ​ប្រជាពលរដ្ឋ​គាត់​មិន​យល់​ ខ្ញុំ​បាន​ទុក​ផ្លូវ​សម្រាប់​ឲ្យ​ពួក​គាត់​ដែរ​ ហើយ​ខ្ញុំ​មិន​ដែល​រំលោភ​ដី​ពួក​គាត់​ទេ​ មាន​តែ​ជួយ​ពួក​គាត់​ទៅ​វិញ​ ដូច​ជា​ធ្វើ​សម្បទាន​ផ្លូវ​ឲ្យ​ពួក​គាត់​២​ទៅ​៣​គីឡូម៉ែត្រ​ថែម​ទៀត​”​ ។​

​ទោះបីជា​យ៉ាងណា​ក៏​ដោយ​ បើ​តាម​ប្រភព​ដដែល​បាន​ឲ្យ​ដឹង​បន្ថែម​ទៀត​ថា​ “​បញ្ហា​ខាងលើ​មិន​ទាន់​មាន​ដំណោះស្រាយ​ដែល​អាច​ទទួលយក​បាន​នៅឡើយ​ទេ​។​ ដូច្នេះ​ឥឡូវនេះ​ចាស់ទុំ​ភូមិ​ឡា​ប៉ូ​ និង​ភូមិ​សិ​ល​ បាន​និង​កំពុង​រៀបចំ​លិខិត​ស្នាម​សុំ​ការ​ជួយ​អន្តរាគមន៍​ពី​អាជ្ញាធរ​ក្រុង​ អាជ្ញាធរ​ខេត្ត​ តំណាងរាស្ត្រ​ និង​អង្គការ​ ADHOC​ បន្ត​ទៀត​”​ ៕

Ratanakiri1 Ratanakiri

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.