ថ្ងៃ អង្គារ ទី ២០ ខែ តុលា ឆ្នាំ ២០២០

គណបក្សប្រឆាំង​ជ្រើស​រើសយក​ថ្ងៃទី​២៣​តុលា ធ្វើ​មហា​បាតុកម្ម​នៅ​ទីលាន​ប្រជាធិបតេយ្យ​ដាក់​ញត្តិ​ជូន UN

​នា​ថ្ងៃទី​២៨ ខែកញ្ញា ឆ្នាំ​២០១៣​នេះ គណបក្ស​សង្គ្រោះ​ជាតិ​បានចេញ​សេចក្តីប្រកាស​ព័ត៌មាន​របស់ខ្លួន​មួយ​ដោយ​ជូនដំណឹង​ថា នៅ​ថ្ងៃទី​២៣ ខែតុលា ឆ្នាំ​២០១៣​ខាងមុខ នឹងធ្វើ​មហា​បាតុកម្ម​នៅ​ទីលាន​ប្រជាធិបតេយ្យ​វេលា​ម៉ោង​១៥​ដល់​ម៉ោង​១៨​ល្ងាច ដើម្បី​យក​ញត្តិ​ជូន​អង្គការសហប្រជាជាតិ​«UN»​និង​ប្រទេស​ហត្ថលេខី​នៃ​កិច្ចព្រមព្រៀង​ទីក្រុង​ប៉ារីស​២៣ តុលា  ១៩៩១ តាមរយៈ​តំណាង​ឧ​ត្ត​ម​ស្នងការ​អង្គការសហប្រជាជាតិ​ប្រចាំ​នៅ​កម្ពុជា​។​

​សេចក្តីប្រកាស​ព័ត៌មាន​របស់​គណបក្ស​សង្គ្រោះ​ជាតិ​បាន​បញ្ជាក់ដែរថា គណៈកម្មាធិការ​អចិន្ត្រៃយ៍​គណបក្ស​បាន​ជួបជុំគ្នា​នា​ថ្ងៃទី​២៧ ខែកញ្ញា ឆ្នាំ​២០១៣ ម្សិលមិញ​និង​បានសម្រេច​បន្ត​ការទាមទារ​រក​យុត្តិធម៌​ជូន​ប្រជាពលរដ្ឋ​ខ្មែរ​ជា​ម្ចាស់ឆ្នោត តាមរយៈ​សមាជ​មហាជន​នៅ​ទីលាន​ប្រជាធិបតេយ្យ​នា​ថ្ងៃទី​០៦ ខែតុលា ឆ្នាំ​២០១៣ វេលា​ម៉ោង​១៥​ដល់​ម៉ោង​១៨​ល្ងាច ដើម្បី​សម្រេច​លើ​គោលជំហរ​របស់​គណបក្ស​និង​ធ្វើ​ញត្តិ​ជូន​អង្គការសហប្រជាជាតិ​និង​ប្រទេស​ជា​ហត្ថលេខី​នៃ​កិច្ចព្រមព្រៀង​ទីក្រុង​ប៉ារីស  ២៣ តុលា ១៩៩១​។​

​សូម​រំលឹក​ជូន​ថា កិច្ចព្រមព្រៀង​ស្តីពី​ដំណោះស្រាយ​នយោបាយ​រួមមួយ​នៃ​ជម្លោះ​កម្ពុជា ឬ​ហៅ​កាត់​ថា សន្និសីទ​ទីក្រុង​ប៉ារីស​ស្តីពី​កម្ពុជា​ថ្ងៃ ២៣ តុលា ១៩៩១ មាន​ប្រទេស​ចំនួន​១៨​ជា​ភាគី​ហត្ថលេខី​«​មិន​គិត​កម្ពុជា​ជា​ម្ចាស់​ករណី​»​នៅ​ចំពោះមុខ​អគ្គលេខាធិការ​អង្គការសហប្រជាជាតិ​៕​

239165660_n

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.