ថ្ងៃ អាទិត្យ ទី ២៥ ខែ តុលា ឆ្នាំ ២០២០

តម្លៃ​សេវា​ក្រៅ​ប្រព័ន្ធ​បង់​ឲ្យ​សមត្ថកិច្ច​លើ​ការ​ចរាចរណ៍​ដឹក​ជញ្ជូន​ឈើ​គ្រញូង​ពី​ព្រំដែន​ថៃ​មក​កាន់​រាជធានី​ភ្នំពេញ

 ​ប្រភព​ព័ត៌មាន​ពី​អ្នក​រកស៊ី​ឈើ​នៅ​ខេត្តបាត់ដំបង​ បាន​ឲ្យ​ដឹង​ថា​ ការ​ចរាចរណ៍​ដឹក​ជញ្ជូន​ឈើ​ប្រណីត​ប្រភេទ​ឈើ​គ្រញូង​ចេញពី​ច្រកព្រំដែន​ប្រទេស​ថៃ​មក​ដល់​រាជធានី​ភ្នំពេញ​ នៅ​តែ​មាន​សកម្មភាព​ខ្លាំង​មិន​ថមថយ​ទេ​ ដោយសារ​មន្ត្រី​សមត្ថកិច្ច​ពាក់ព័ន្ធ​ចំនួន​១៦​គោលដៅ​មិន​ខ្ចី​ខ្វល់​នឹង​បទបញ្ជា​របស់​នាយក​រដ្ឋមន្ត្រី​ ដែល​លើក​ឡើង​កោ​កៗ​ដដែលៗ​តាម​ក្បាល​មេក្រូ​នោះ​ឡើយ​ ។​

​តម្លៃ​សេវា​លើ​ការ​ចរាចរណ៍​ដឹក​ជញ្ជូន​ឈើ​គ្រញូង​ ដែល​អ្នក​រកស៊ី​បង់​ឲ្យ​ទៅ​ក្រុម​សមត្ថកិច្ច​ចំនួន​១៦​គោលដៅ​នោះ​ គឺ​សម្រាប់​រថយន្ត​តូច​ក្នុង​១​គ្រឿង​និង​ក្នុង​មួយ​ជើង​ត្រូវ​បង់ថ្លៃ​ផ្លូវ​ពី​ច្រកព្រំដែន​ប្រទេស​ថៃ​មក​ដល់​គោលដៅ​រាជធានី​ភ្នំពេញ​ ឲ្យ​ក្រុម​សមត្ថកិច្ច​ពាក់ព័ន្ធ​ រួម​មាន​ មន្ត្រី​ជំនាញ​ចំនួន​២០០​ដុល្លារ​អា​មេ​រិ​កមួយ​កន្លែង​ ប៉ូលិស​សេដ្ឋកិច្ច​ចំនួន​១០០​ដុល្លារ​អា​មេ​រិ​កមួយ​កន្លែង​ និង​ប៉េ​អឹ​ម​ចំនួន​១០០​ដុល្លារ​អា​មេ​រិ​កមួយ​កន្លែង​ ។​ ដូច្នេះ​ តម្លៃ​សេវា​សរុប​ត្រូវ​បង់​សម្រាប់​១៦​កន្លែង​ គឺ​មាន​ចំនួន​ប្រមាណ​៧.០០០​ដុល្លារ​អា​មេ​រិ​ក​ក្នុង​រថយន្ត​តូច​មួយ​គ្រឿង​និង​មួយ​ជើង​ បូក​រួម​ទាំង​សេវា​រាយរង​ខ្លះ​ទៀត​ ។​ ​

សូម​ឯកឧត្តម​បណ្ឌិត​ អ៊ុ​ក​ រ៉ា​ប៊ុ​ន​ អតីតរដ្ឋមន្ត្រី​អម​ប្រតិភូ​នាយក​រដ្ឋមន្ត្រី​ និង​ជា​រដ្ឋលេខាធិការ​ក្រសួង​សេដ្ឋកិច្ច​និង​ហិរញ្ញវត្ថុ​អាណត្តិ​ទី​៤​ ដែល​ជា​រដ្ឋមន្ត្រី​ក្រសួងកសិកម្ម​ រុក្ខា​ប្រមាញ់​ និង​នេសាទ​អាណត្តិ​ថ្មី​ មេត្តា​ត្រួតពិនិត្យ​និង​មាន​វិធានការ​ទៅ​លើ​ក្រុម​មន្ត្រី​ជំនាញ​ខាង​រដ្ឋបាល​ព្រៃឈើ​ដែល​ដើរ​ប្រមូល​លុយ​ដាក់​ហោប៉ៅ​គ្រប់​ច្រកល្ហក​ពី​ឈ្មួញ​រកស៊ី​ឈើ​គ្រញូង​ និង​ឈើ​ប្រណីត​ផ្សេងៗ​ទៀត​នោះ​ផង​ ៕​

Wood-4

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.