ថ្ងៃ អង្គារ ទី ២០ ខែ តុលា ឆ្នាំ ២០២០

បុរស​ខ្លាំង​ត្រូវបានតែងតាំង​ជា​នាយករដ្ឋមន្ត្រី​យ៉ាង​តក់ក្រហល់ ខណៈ​ប្រជុំ​សភា​មានតែ​គណបក្ស​ប្រជាជន​កម្ពុជា​សុទ្ធ​ចំនួន​៦៨​រូប​

​ដោយ​មិន​បង្អង់​យូរ តាម​សំណើ​របស់​គណបក្ស​ប្រជា​ជនកម្ពុជា​ចុះ​ថ្ងៃទី​២៣​ខែកញ្ញា ឆ្នាំ​២០១៣​នេះ ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ទ្រង់​បាន​ត្រាស់បង្គាប់​តែងតាំង​សម្តេច​អគ្គមហាសេនាបតី​តេ​ជោ ហ៊ុន សែន អនុប្រធាន​គណបក្ស​ប្រជាជន​កម្ពុជា ជា​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ភ្លាមៗ ដោយ​ព្រះរាជក្រឹត្យ​លេខ នស​/​រកត​/០៩១៣/៩០២ ចុះ​ថ្ងៃទី​២៣​ខែកញ្ញា ឆ្នាំ​២០១៣​។​

ព្រះរាជក្រឹត្យ​របស់​ព្រះមហាក្សត្រ ទ្រង់​បាន​ត្រាស់បង្គាប់​ឲ្យ​នាយករដ្ឋមន្ត្រី​នៃ​ព្រះរាជាណាចក្រ​កម្ពុ​ជាមាន​ភារកិច្ច​រៀបចំ​សមាសភាព​រាជរដ្ឋាភិបាល​កម្ពុជា ដើម្បី​សុំ​សេចក្តីអនុម័ត​ទុកចិត្ត​ពី​រដ្ឋសភា ខណៈដែល​កិច្ចប្រជុំ​លើកដំបូង​នៃ​រដ្ឋសភា​នីតិកាល​ទី​៥​នៅវេលា​ព្រឹក​នេះ​មាន​ត្រឹម​ចំនួន​៦៨​រូប​ក្នុងចំណោម​១២៣​រូប​ប្រភព​មកពី​គណបក្ស​ប្រជាជន​កម្ពុជា​សុទ្ធសាធ​តែម្តង​។​

មជ្ឈដ្ឋាន​អ្នកច្បាប់​ឯករាជ្យ​និង​អ្នកតាមដាន​ព្រឹត្តិការណ៍​នយោបាយ​នៅ​កម្ពុជា​បានលើកឡើង​ថា ការអនុម័ត​តែងតាំង​គណៈរដ្ឋមន្ត្រី​នីតិកាល​ទី​៥​នៃ​រដ្ឋសភា​នាពេលនេះ គឺ​កើតចេញពី​សមាជិក​រដ្ឋ​សភា​ប្រជុំ​ត្រឹម​ចំនួន​៦៨​រូប ប្រភព​មកពី​គណបក្ស​ប្រជាជន​កម្ពុជា​សុទ្ធ​ប៉ុណ្ណោះ ក្នុងចំណោម​សមាជិក​រដ្ឋសភា​សរុប​ចំនួន​១២៣​រូប​។​មានន័យថា ទាំង​ស្ថាប័ន​នីតិប្បញ្ញត្តិ​«​រដ្ឋសភា​»​ទាំង​ស្ថាប័ន​នីតិប្រតិបត្តិ​«​រាជរដ្ឋាភិបាល​»​ទាំង​ស្ថាប័ន​តុលាការ​ត្រូវ​គ្រប់គ្រង​ផ្តាច់មុខ​ដោយ​គណបក្ស​ប្រជាជន​កម្ពុជា​តាមរបៀប​«​ជា​អាជ្ញាកណ្តាល​ផ្លុំ​កញ្ចែ​ផង​និង​ជា​កីឡាករ​ផង​»៕​

923390_212184155609427_703462892_n

1234882_594836280580017_233227879_n

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.