ថ្ងៃ អង្គារ ទី ២០ ខែ តុលា ឆ្នាំ ២០២០

ទំព័រ​Facebook​ក្លាយជា​ទូរទស្សន៍​របស់​បក្ស​ប្រឆាំង​បច្ចុប្បន្ន​ដោយ​ប្រើ​ប្រព័ន្ធ​Ustream​ Live

​ការ​កត់សម្គាល់​ជាក់ស្តែង​នា​ពេល​បច្ចុប្បន្ន​ បណ្តាញឃោសនា​សឹងតែ​ទាំងអស់​ ទាំង​រដ្ឋ​ ទាំង​ឯកជន​ ដូច​ជា​ទូរទស្សន៍​ វិទ្យុ​ សារព័ត៌មាន​បោះពុម្ព​ និង​សារព័ត៌មាន​អេ​ឡិច​ត្រូ​និ​ច​ "Website"…​ មាន​និន្នាការ​នយោបាយ​លម្អៀង​ខាង​គណបក្ស​ប្រជាជន​កម្ពុជា​ និង​ជា​របស់​គណបក្ស​ប្រជាជន​កម្ពុជា​ ដែល​ជា​គណបក្សកាន់អំណាច​ដុះ​ស្លែ​ មិន​ប្តូរ​វេន​នៅ​កម្ពុជា​តែ​ម្តង​ ។​

ដោយឡែក​ សម្រាប់​គណបក្ស​នយោបាយ​ប្រឆាំង​ ទោះបី​មាន​លុយ​សុំ​បង្កើត​ស្ថានីយ៍ទូរទស្សន៍​ វិទ្យុ​ក៏​ដោយ​ ក៏​អាជ្ញាធរ​ឆ្លើយ​តប​ថា​ គ្មាន​កា​ណា​ល់​និង​គ្មាន​ហ្វ្រេ​កង់​ដែរ​ រីឯ​ផ្នែក​សារព័ត៌មាន​បោះពុម្ព​ក្តី​ និង​សារព័ត៌មាន​អេ​ឡិច​ត្រូ​និ​ច​ក្តី​ ដែល​ជា​របស់​គណបក្សប្រឆាំង​ គឺ​សឹង​គ្មាន​ ហើយ​បើ​មាន​ក៏​ត្រូវ​រលំ​ដែរ​ ពីព្រោះ​សម័យ​"​សម្តេច​តេ​ជោ​សែន​"​ ជា​សម័យ​មហា​កំពូល​រើសអើង​បំផុត​ខាង​ផ្នែក​ទទួល​ព័ត៌មាន​ផង​ និង​ខាង​សេវា​ពាណិជ្ជកម្ម​ផង​ ។​ ​

ក្នុង​ស្ថានភាព​បែប​នេះ​ ស្របគ្នា​នឹង​ការ​រីក​ចម្រើន​ខាង​ផ្នែក​ព័ត៌មានវិទ្យា​ផង​ និង​ក្នុង​ខណៈ​អាជ្ញាធរ​មិន​អាច​លុប​បំបាត់​បាន​ផង​ គឺ​បណ្តាញ​ព័ត៌មាន​សង្គម​ Facebook​ បាន​ដើរតួ​យ៉ាង​សំខាន់​ក្នុង​ការ​ចែករំលែក​ព័ត៌មាន​ពី​គ្នា​ទៅ​វិញ​ទៅ​មក​ ដែល​ភាគច្រើន​អ្នកមាន​ Account​ Facebook​ តែង​បាន​គាំទ្រ​កម្មវិធី​នយោបាយ​របស់​គណបក្សប្រឆាំង​ ពីព្រោះ​ពួក​គេ​ធុញទ្រាន់​ និង​ឈឺចាប់​ទៅ​នឹង​ប្រព័ន្ធ​ការងារ​គ្រប់គ្រង​ប្រទេស​ និង​ថ្នាក់ដឹកនាំ​សព្វថ្ងៃ​ ហើយ​ពួក​គេ​ចង់​ធ្វើការ​ផ្លាស់​ប្តូរ​ ។​

​ព័ស្តុតាង​បាន​បង្ហាញ​ថា​ Page​ របស់​ឯកឧត្តម​ សម​ រ​ង្ស៊ី​ ប្រធាន​គណបក្ស​សង្គ្រោះ​ជាតិ​ នៅ​ក្នុង​បណ្តាញ​សង្គម​ Facebook​ មាន​អ្នកគាំទ្រ​ចំនួន​240K​ "​ជាង​២៤​ម៉ឺន​នាក់​"​ ឯកឧត្តម​ កឹ​ម​ សុខា​ អនុប្រធាន​គណបក្ស​សង្គ្រោះ​ជាតិ​ មាន​អ្នកគាំទ្រ​ចំនួន​192K​ "​ជាង​១៨​ម៉ឺន​នាក់​"​ ខណៈ​ Page​ មួយ​ឈ្មោះ​ Samdech​ Hun​ Sen,​ Cambodian​ Prime​ Minister​ ដាក់​ Profile​ រូបថត​"​សម្តេច​តេ​ជោ​សែន​"​ ផ្សព្វផ្សាយ​អំពី​កម្មវិធី​នយោបាយ​ និង​សកម្មភាព​របស់​គណបក្ស​ប្រជាជន​កម្ពុជា​ មាន​អ្នកគាំទ្រ​ត្រឹម​ចំនួន​94.207​នាក់​ប៉ុណ្ណោះ​ ។​ ស្រប​ពេល​ជាមួយ​គ្នា​នេះ​ Page​ ឈ្មោះ​ I​ Love​ Cambodia​ Hot​ News​ មាន​អ្នកគាំទ្រ​ចំនួន​ 236K​ "​ជាង​២៣​ម៉ឺន​នាក់​"​ និង​ Page​ ឈ្មោះ​ I​ Love​ Cambodia​ Hot​ News​ II​ ដែល​ជា​ Page​ តែង​ជួយ​ឈឺឆ្អាល​ និង​ជ្រោមជ្រែង​ដល់​គណបក្ស​សង្គ្រោះ​ជាតិ​នោះ​ មាន​អ្នកគាំទ្រ​ចំនួន​ 134.575​នាក់​ "​ច្រើន​ជាង​អ្នកគាំទ្រ​ Page​ ដាក់​រូបថត​សម្តេច​តេ​ជោ​សែន​ទៅ​ទៀត​"​ ។​

​ដោយសារ​មាន​ប្រព័ន្ធ​ចែករំលែក​ព័ត៌មាន​តៗ​គ្នា​ពី​មួយ​ទៅ​មួយ​បាន​លឿន​រហ័ស​ដូច្នេះ​ហើយ​ ទើប​នា​សម័យ​បោះ​ឆ្នោត​ជ្រើសតាំង​តំណាងរាស្ត្រ​នីតិកាល​ទី​៥​នេះ​ គណបក្ស​សង្គ្រោះ​ជាតិ​ទទួល​បាន​សំឡេង​ឆ្នោត​គាំទ្រ​ជិត​៣​លាន​សំឡេង​ ក្នុង​ចំណោម​សំឡេង​ឆ្នោត​សរុប​ចំនួន​ជាង​៦​លាន​សំឡេង​ នៅ​ទូ​ទាំង​ប្រទេស​ ។​ ​

កាលពី​ថ្ងៃ​ទី​២០​ ខែកញ្ញា​ ឆ្នាំ​២០១៣​ម្សិលមិញ​នេះ​ ឯកឧត្តម​ សម​ រ​ង្ស៊ី​ បាន​ Post​ ព័ត៌មាន​មួយ​នៅ​ក្នុង​ Page​ របស់​ឯកឧត្តម​ ដោយ​បាន​ប្រកាស​ថា​ "​បើ​បងប្អូន​ជនរួមជាតិ​ដែល​ចូល​ក្នុង​ទំព័រ​ Facebook​ របស់ខ្ញុំ​ ចង់​តាមដាន​ផ្ទាល់​នូវ​ព្រឹត្តិការណ៍​ណាមួយ​ដែល​ក្រុម​ខ្ញុំ​កំពុង​ថត​ផ្សាយ​ សូម​ចុច​ប្រអប់​ Ustream​ Live​ ដែល​ឋិត​នៅ​ក្បាល​ទំព័រ​ខាងស្តាំ​ដៃ​ ហើយ​មាន​រូប​ដូច​ខាងក្រោម​នេះ​ ។​ ក្រោយ​ពី​ការ​ផ្សាយ​ផ្ទាល់​រួច​មក​ បើ​ចង់​ទស្សនា​វី​ដេ​អូ​ទាំងស្រុង​ ស្តី​ពី​ព្រឹត្តិការណ៍​នោះ​ សូម​ចុច​លើ​ប្រអប់​ដដែល​ ។​"​ ។​ ​

សរុបសេចក្តី​មក​ ទំព័រ​បណ្តាញ​សង្គម​ Facebook​ ដ៏​ពេញ​និយម​នៅ​កម្ពុជា​ បាន​ក្លាយទៅជា​ទូរទស្សន៍​របស់​គណបក្ស​នយោបាយ​ប្រឆាំង​បច្ចុប្បន្ន​ ដោយ​ប្រើ​ប្រព័ន្ធ​ Ustream​ Live​ ខណៈ​ដែល​គណបក្សប្រឆាំង​មិន​មាន​ទូរទស្សន៍​ និង​វិទ្យុ​ផ្ទាល់ខ្លួន​ដូច​គណបក្ស​នយោបាយ​កាន់​អំណាច​នៅ​កម្ពុជា​ ៕​

CRNP-Sam-Rainsy

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.