ថ្ងៃ ចន្ទ ទី ១៩ ខែ តុលា ឆ្នាំ ២០២០

មន្ត្រី​មាន​អំណាច​ក្នុង​គណបក្ស​ប្រជាជន​កម្ពុជា​ចាប់ផ្តើម​មាន​សំណុំរឿង​នៅ​តុលាការ​ជា​ហូរហែ​ហើយ

​ក្នុង​ឆ្នាំ​២០១៣​នេះ​ មន្ត្រី​អ្នកមាន​អំណាច​នៃ​គណបក្ស​ប្រជាជន​កម្ពុជា​ចំនួន​២​រូប​ត្រូវ​បាន​អ្នកជំនួញ​ក្នុង​វិស័យ​ឯកជន​ប្តឹងផ្តល់​ទៅ​ស្ថាប័ន​តុលាការ​ចោទប្រកាន់​ពី​បទ​ព្រហ្មទណ្ឌ​ គឺ​ឯកឧត្តម​ កែប​ ជុតិមា​ អតីត​អភិបាល​នៃ​គណៈ​អភិបាល​រាជធានី​ភ្នំពេញ​និង​ជាទី​ប្រឹក្សា​ផ្ទាល់​សម្តេច​អគ្គមហាសេនាបតី​តេ​ជោ​ ​ហ៊ុន​ សែន​នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​អាណត្តិ​ទី​៤​ មាន​ឋានៈ​ស្មើ​រដ្ឋមន្ត្រី​និង​បច្ចុប្បន្ន​ជា​អ្នកតំណាង​រាស្ត្រ​ជាប់​ឆ្នោត​នៅ​មណ្ឌល​រាជធានី​ភ្នំពេញ​ និង​ឯកឧត្តម​ឧកញ៉ា​ កុក​ អាន​ អគ្គនាយក​ក្រុមហ៊ុន​អាន​កូ​ប្រា​ឌ័​រ​ ជា​សមាជិក​ព្រឹទ្ធសភា​នីតិកាល​ទី​៣​និង​ជា​សមាជិក​គណៈកម្មាធិការ​កណ្តាល​កាកបាទក្រហមកម្ពុជា​អាណត្តិ​ទី​៥​។​

​ឯកឧត្តម​ កែប​ ជុតិមា​ ត្រូវ​បាន​លោកស្រី​ឧកញ៉ា​ ឈិ​ន​ សុ​គ​ន្ធា​រី​ ហៅ​ យាយ​ក្រពើ​ ប្រធាន​ក្រុមប្រឹក្សាភិបាល​ក្រុមហ៊ុន​ឡា​យី​ម៉ិច​ ហូល​ឌី​ង​ គ្រុប​ ប្តឹង​ចោទប្រកាន់​ពី​បទ​ប្រើ​អំណាច​ដោយ​រំលោភ​បំពាន​យក​ដីធ្លី​ទំហំ​ជាង​៣៤​ហិតា​របស់​លោកស្រី​ឋិត​នៅ​សង្កាត់​ភ្នំពេញ​ថ្មី​ ខណ្ឌ​សែន​សុខ​ រាជធានី​ភ្នំពេញ​ ប្រគល់​ឲ្យ​ទៅ​ឯកឧត្តម​ឧកញ៉ា​ លី​ យ៉ុ​ង​ផាត់​ និង​ទាម​ទារជំងឺចិត្ត​ចំនួន​១០០​លាន​ដុល្លារ​អា​មេ​រិ​ក​«​សូម​ចូល​អាន​គេហទំព័រ​សារព័ត៌មាន​ដើម​ត្នោត​ចុះ​ផ្សាយ​ថ្ងៃ​ទី​១៣​ខែកក្កដា​ ឆ្នាំ​២០១៣​បន្ថែម​»​។​ប៉ុន្តែ​ បណ្តឹង​របស់​លោកស្រី​ឧកញ៉ា​ ឈិ​ន​ សុ​គ​ន្ធា​រី​ ហៅ​យាយ​ក្រពើ​ ដែល​ប្តឹង​ប្រឆាំង​ឯកឧត្តម​ កែប​ ជុតិមា​ នេះ​ត្រូវ​បាន​ស្ថាប័ន​តុលាការ​សម្រេច​តម្កល់​រឿង​ទុក​ឥត​ចាត់ការ​តាំងពីរ​សាលាដំបូង​រាជធានី​ភ្នំពេញ​រហូត​ដល់​តុលាការ​សាលាឧទ្ធរណ៍​។​ ​

ឯកឧត្តម​ឧកញ៉ា​ កុក​ អាន​ ត្រូវ​បាន​លោកស្រី​ ទេព​ កុលាប​ សាកល​វិទ្យា​ធិ​ការ​នៃ​សាកលវិទ្យាល័យ​ភ្នំពេញ​អន្តរជាតិ​«PPIU»​ ត្រូវជា​ភរិយា​របស់​លោក​ ហេង​ ឈាង​ អតីត​អគ្គនាយករង​ក្រុមហ៊ុន​អាន​កូ​ ប្រា​ឌ័​រ​ ប្តឹង​កាលពី​ថ្ងៃ​ទី​១៧​ខែកញ្ញា​ ឆ្នាំ​២០១៣​កន្លង​ទៅ​ថ្មីៗ​នេះ​ដោយ​ចោទប្រកាន់​ពី​បទ​បរិហារ​បង្កាច់​កេ​រិ៍្ត​ និង​ទាម​ទារជំងឺចិត្ត​ចំនួន​៣៥​លាន​ដុល្លារ​អា​មេ​រិ​ក​។​

​ការ​សម្រេច​ដាក់​ពាក្យបណ្តឹង​របស់​លោកស្រី​ ទេព​ កុលាប​ ដែល​ប្តឹង​ប្រឆាំង​នឹង​ឯកឧត្តម​ឧកញ៉ា​ កុក​ អាន​ ជា​មន្ត្រី​ធំ​មាន​អំណាច​និង​មាន​លុយ​របស់​គណបក្ស​ប្រជាជន​កម្ពុជា​នេះ​ គឺ​បន្ទាប់​ពី​ឯកឧត្តម​ឧកញ៉ា​ កុក​ អាន​ ធ្លាប់​បាន​ប្តឹង​លោកស្រី​ពី​បទ​រំលោភ​លើ​សេចក្តី​ទុកចិត្ត​ទៅ​តុលាការ​ នាំ​ឲ្យ​លោកស្រី​ជាប់​ពន្ធនាគារ​អស់​រយៈពេល​ជាង​១៥​ខែ​រួច​មក​ ប៉ុន្តែ​ជា​កុសល​សំណាងល្អ​លោកស្រី​ត្រូវ​បាន​តុលាការ​កំពូល​សម្រេច​ឲ្យ​រួច​ផុត​ពី​បទចោទប្រកាន់​និង​សម្រេច​ដោះ​លែង​លោកស្រី​ឲ្យ​មាន​សេរីភាព​វិញ​កាលពីដើម​ឆ្នាំ​២០១៣​កន្លង​មក​។​

​គេ​មិន​ទាន់​ដឹង​ជា​មុន​ថា​ តើ​ស្ថាប័ន​តុលាការ​នឹង​សម្រេច​យ៉ាងណា​ទៅ​លើ​ពាក្យបណ្តឹង​របស់​លោកស្រី​ ទេព​ កុលាប​ ដែល​ប្តឹង​ប្រឆាំង​នឹង​ឯកឧត្តម​ឧកញ៉ា​ កុក​ អាន​ នោះ​ទេ ​។​

ម​ជ្ឃ​ដ្ឋា​ន​អ្នក​ច្បាប់​ឯករាជ្យ​និង​អ្នក​តាមដាន​សំណុំរឿង​ក្តី​របស់​លោកស្រី​ ទេព​ កុលាប​ និង​សំណុំរឿង​ក្តី​របស់​លោកស្រី​ឧកញ៉ា​ ឈិ​ន​ សុ​គ​ន្ធា​រី​ ហៅ​យាយ​ក្រពើ​ បាន​លើក​ឡើង​ថា​ សំណុំរឿង​របស់​លោកស្រី​ ទេព​ កុលាប​ និ​ឯកឧត្តម​ឧកញ៉ា​ កុក​ អាន​ គឺ​មាន​លក្ខណៈ​ខុស​គ្នា​ទៅ​នឹង​រឿង​ក្តី​រវាង​យាយ​ក្រពើ​និង​ឯកឧត្តម​ កែប​ ជុតិមា​ ពីព្រោះ​យាយ​ក្រពើ​មិន​ទាន់​មាន​សេរីភាព​ត្រូវ​បាន​តុលាការ​សម្រេច​ឲ្យ​រួច​ផុត​ពី​បទចោទប្រកាន់​នៅឡើយ​ ហើយ​បែរជា​ប្តឹង​ប្រឆាំង​តប​លើ​ឯកឧត្តម​ កែប​ ជុតិមា​ រីឯ​លោកស្រី ​ទេព​ កុលាប​ ត្រូវ​បាន​តុលាការ​សម្រេច​ឲ្យ​រួច​ផុត​ពី​បទចោទប្រកាន់​ផ្តល់​យុត្តិធម៌​រួច​ហើយ​ ទើប​ប្តឹង​បក​ប្រឆាំង​មក​លើ​ឯកឧត្តម​ឧកញ៉ា​ កុក​ អាន​ វិញ​។​

​រួម​សេចក្តី​មក​ ទោះបី​ម​ជ្ឃ​ដ្ឋា​ន​នានា​ទទួលស្គាល់​ថា​ ស្ថាប័ន​តុលាការ​កម្ពុជា​មិន​ឯករាជ្យ​និង​ពុក​រលួយ​ក៏​ដោយ​ ក៏​មាន​អ្នក​រង​គ្រោះ​មួយ​ចំនួន​ចាប់ផ្តើម​បញ្ចេញ​នូវ​សេច​ក្តី្ក​ក្លាហាន​ចេះ​ប្រើប្រាស់​សិទ្ធិ​របស់​ខ្លួន​តាម​ផ្លូវច្បាប់​ហ៊ាន​ប្តឹង​ប្រឆាំង​ទៅ​លើ​មន្ត្រី​អ្នកមាន​អំណាច​ក្នុង​គណបក្ស​ប្រជាជន​កម្ពុជា​ឲ្យ​មាន​សំណុំរឿង​នៅ​ស្ថាប័ន​តុលាការ​ជា​បណ្តើរៗ​និង​ហូរហែ​ហើយ​៕​

Tep-Kolab

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.