ថ្ងៃ អាទិត្យ ទី ២៥ ខែ តុលា ឆ្នាំ ២០២០

ទូរស័ព្ទដៃ​ស្មាតហ្វូន​ម៉ូដែល LG​ ភេសជ្ជៈ​ Coca​ Cola និងទឹកបរិសុទ្ធ Vital ត្រូវបាន​ចាប់អារម្មណ៍ខ្លាំង​នៅក្នុង​កិច្ច​ប្រជុំ​កំពូល​​ គណបក្ស​ឈ្នះឆ្នោត​ព្រឹកមិញ​

កិច្ចប្រជុំកំពូល​រវាង​គណបក្សប្រជាជន​កម្ពុជា ដឹកនាំដោយ​សម្តេច​អគ្គមហា​សេនាបតីតេជោ ហ៊ុន សែន ជាអនុប្រធានគណបក្ស​ និង​គណបក្សសង្គ្រោះជាតិ​ ដឹកនាំដោយ​ឯកឧត្តម សម រង្ស៊ី ជាប្រធាន​គណបក្ស​ នៅវិមាន​រដ្ឋសភា​នាវេលាព្រឹកមិញ​ ដើម្បីដោះស្រាយ​បញ្ហា​ប្រទេស​ជាតិ​បាន​បញ្ចប់​ដោយប្រើពេល​វេលា​អស់​ចំនួន​ ៣ម៉ោង​។

ថ្វីដ្បិត​កិច្ច​ប្រជុំ​កំពូលនេះ​មិន​បាន​ចេញ​ជាសេចក្តីប្រកាស​រួម​ដូចកិច្ចប្រជុំ​កំពូល​នាថ្ងៃម្សិលមិញ​ក៏ដោយ​ ប៉ុន្តែ​នៅក្នុងកិច្ចប្រជុំកំពូលនេះ​មជ្ឈដ្ឋាន​នានា​បូករួមទាំង​អ្នកសារព័ត៌មាន​ជាតិ – អន្តរជាតិ​ផង​ បាន​ចាប់អារម្ម​ណ៍យ៉ាងខ្លាំង​ទៅនឹង​ផលិតផល​មួយ​ចំនួន​ត្រូវបាន​យក​មក​ប្រើប្រាស់​នៅក្នុងកិច្ចប្រជុំ​ និង​ទទួលបាន​ការ​ផ្តោតអារម្មណ៍ពី​ «សម្តេច​តេជោ សែន» គឺ ភេសជ្ជៈ​ Coca Cola និង​ទឹកបរិសុទ្ធ Vital ត្រូវបាន​យក​មក​ទទួល​គណៈប្រតិភូ​ក្នុងកិច្ចប្រជុំ​ និង​ទូរស័ព្ទដៃ​ស្មាតហ្វូន​ម៉ូដែល LG​ របស់​បុគ្គលិក​អ្នកយក​ព័ត៌មាន​វិទ្យុ VOD បាន​ក្លាយ​ជាទីចាប់អារម្មណ៍​របស់​ «សម្តេចតេជោ សែន» ដោយ​សម្តេច​បាន​ទទួល​យក​ទូរស័ព្ទដៃ​ម៉ូដែល LG​ នេះទៅពិនិត្យផ្អៀង​ផ្អង​មើល​ទៀតផង​។

មជ្ឈដ្ឋាន​អ្នកវិភាគ​ផ្នែកពាណិជ្ជកម្ម​បាន​លើកឡើង​ថា ទីផ្សារ​របស់​ក្រុមហ៊ុន​ទូរស័ព្ទដៃ​ស្មាតហ្វូន​ម៉ូដែល​ LG​ ភេសជ្ជៈ Coca Cola និង​ទឹកបរិសុទ្ធ​ម៉ាក Vital ប្រាកដ​ជា​នឹង​មាន​ស្ថានភាពល្អប្រសើរ​ឲ្យតែ​មាន​ឱកាស​ក្លាយ​ជាទី​ចាប់អារម្មណ៍​ និង​ក្លាយជាមុខសញ្ញា​ប្រើប្រាស់​របស់​ថ្នាក់ដឹកនាំប្រទេស​នៅក្នុង​កិច្ចប្រជុំ​សំខាន់​ៗ​ ពីព្រោះ​វាហាក់​ដូច​ជាការផ្សាយ​ពាណិជ្ជកម្ម​ឲ្យផលិតផលទាំងនោះដែរ​៕

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.